Marangu 4:1 - Tonga Bible 1986

¹ “Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Marangu 4:1 Referans Kwoze

ŴaRoma 10:5

Chifukwa Mosese walemba kuti munthu yo wauchitaurunji wamu langulu wajariyenge wamoyo mwenimo.

Marangu 8:1

“Marangu ghose gho ndimulanguliyani zuŵa lino, muŵe ŵakuphwere kughachita kuti muŵe ŵamoyo ndi mwandani, ndi kwachisere, ndi kuronda charu cho Ambuya angurapa kupereka ku auskemwe.

Ezekiele 20:11

Ndinguŵapaska virunguchizgu ndi kuŵarongo malangulu ghangu, ghenigho mukughavwiya munthu wakaŵanga ndi umoyo.

ŴaLevi 18:5

Chifukwa cho mukasunganga malangulu ghangu ndi marangu ghangu gho munthu pakughachita wakaŵanga ndi umoyo: Ndine Ambuya.

Marangu 30:16

Asani mukavwiyanga marangu gha Ambuya Chiuta winu, gho nditumulanguliyani msana wale pakwanja Ambuya Chiuta winu, pakwenda mu nthowa zake ndi pakusunga marangu ghake ndi visambizgu vyake, ndi vyeruzgu vyake, po ndipo mukajanga ŵamoyo, ndi mwandanenge. Ndipo Ambuya Chiuta winu wakamutumbikaninga mu charu chomukaserengamo kwachichironda kuŵa chinu.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

ŴaLevi 22:31

“Viyo musungenge marangu ghangu ndi kughachita: Ndine Ambuya.

ŴaLevi 19:37

Ndipo musungenge malangulu ghangu ghose ndi vyeruzgu vyangu vyose, ndi kuvichita. Ndine Ambuya.”

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Ezekiele 37:24

“Mteŵeti wangu Davidi wakaŵanga karonga wawo; ndipo wose ŵakaŵanga ndi mliska yumoza. Ŵakarondonga malangulu ghangu ndi kuphwere virunguchizgu vyangu.

Ezekiele 36:27

Ndiŵikenge mzimu wangu mukati mwinu, ndi kumwendeskani mu virunguchizgu vyangu ndi kuti muphwerenge kusunga malangulu ghangu.

Ezekiele 20:21

Kweni ŵana ŵangundigarukiya; kuti ŵangwenda muvirunguchizgu vyangu cha; ndipo kuti ŵanguphwere kusunga malangulu ghangu cha, ghenigho munthu pakughasunga wakaŵanga ndi umoyo; ŵangukazuzga masabata ghangu. “Penipo ndingughanaghana kuti ndiŵapunguliye ukari wangu ndi kutaya kukara kwangu paku iwo mu bozwa.

Ezekiele 11:20

mwakuti ŵendenge mu virunguchizgu vyangu, kusunga ndi kuvwiya malangulu ghangu; ŵakaŵanga ŵanthu ŵangu, ndipo ine ndikaŵanga Chiuta wawo.

Sumu 119:4

Imwe mwatipaska marangu ghinu kuti tighavwiye ndi chivwanu.

Sumu 105:45

mwakuti ŵanthu ŵawo ŵavwiye malangulu ghawo, ndi kusunga marangu ghawo. Rumbanga Ambuya!

Marangu 30:19

Ndidanirizga kuchanya ndi charu chapasi kuchita ukaboni paku imwe msana wale, kuti ine ndiŵika paurongo pinu umoyo ndi nyifwa, thumbiko ndi thembo. Chifukwa cho sankhanipo umoyo alinga kuti imwe ndi mphapu zinu mujenge ŵamoyo,

Marangu 16:20

Mukalondonga urunji pe ndiwo, mwakuti muŵe ŵamoyo ndi mukahare charu cho Ambuya Chiuta winu watukupaskani.

Marangu 11:32

muphwere kuchita visambizgu vyose, ndi vyeruzgu vyose vyo ndiŵika pa nthazi pinu zuŵa lino.

Marangu 11:1

“Viyo mwanjenge Ambuya Chiuta winu ndi kusunga malamulu ghake, visambizgu vyake, vyeruzgu vyake, ndi marangu ghake mazuŵa ghose.

Marangu 4:45

Ivi ndivyo makani ndi vilayizgu, ndi vyeruzgu vyenivyo Mosese wangukambiya ŵana ŵaku Yisraele pavuli pa kutuwa kwawo mu Egipiti.

Marangu 4:8

Ndipo so palivi mtundu ukuru wa ŵanthu ŵendi visambizgo ndi vyeruzgu vya urunji nge ndi dangu lose ili, lenilo ndimika panthazi pinu msana wale?

ŴaLevi 20:8

Sungani malangulu ghangu ndipo mughachitenge. Ndine Ambuya mweniyo watukupatuwani pa kumutoweskani.

Yohane 15:14

Imwe mwe ŵabwezi ŵangu, asani muchita vyenivyo ine ndikulanguliyani.

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Chituwa 18:20

ndipo ukaŵasambizganga malamulu ndi vyeruzgu, ndi kuŵaziŵiska nthowa yo ŵatenere kwendamo ndi vyo ŵatenere kuchita.

Marangu 1:3

Ndipo mu chirimika cha machumi ghanayi (40) pa zuŵa lakudanga la mwezi wa chumi ndi umoza, Mosese wangukamba ndi ŵaYisraele kwakulingana ndi vyose vyo Chiuta wangumulanguliya mu dangu kuŵanene.

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Marangu 30:20

pa kwanja Ambuya Chiuta winu, pa kuvwiya mazu ghake, ndi kumeremete kwaku iyo. Pakuti kachitidu kaviyo, kang'anamuwa umoyo kwaku imwe ndi unandi wa mazuŵa alinga kuti mujenge mu charu cho Ambuya angurapiya auskemwe, kwaku Abrahamu, Yisaki, ndi Yakobe kuŵapaska.”

ŴaLevi 19:19

“Musungenge malangulu ghangu. Mungazomerezganga ng'ombe zinu kwandana ndi ng'ombe za mitundu yinyake. Mungapandanga munda winu ndi za mitundu yiŵi cha; chingana nkhuti muvwarenge chakuvwara cha saru yakuŵa ndi mitundu yiŵi.

Marangu 1:8

Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Marangu 6:24

Ndipo Ambuya angutilanguliya kuchita vyose visambizgu ivi, kopa Ambuya Chiuta widu, kuti kutiŵiyenge umampha mazuŵa ghose, mwakuti watisunge ŵamoyo, nge ndimo tiriri zuŵa ili,

Marangu 7:11

Viyo mutenere kuphwere kufiska marangu, visambizgu, ndi vyeruzgu vyenivyo ndikulanguliyani zuŵa ili.

Marangu 8:11

“Chenjeni vinu mungaruwa Ambuya Chiuta winu pakureka kusunga marangu ghake, vyeruzgu vyake, ndi visambizgu vyake vyenivyo ndimulanguliyani zuŵa lino.

Marangu 9:1

“Vwani ŵaYisraele, zuŵa lino mukambukanga Yordane kwa chisere ndi kwachironda mitundu yikuru ndi yanthazi kuruska imwe, msumba yikuru ndi malinga ghatali kufika kuchanya,

Marangu 13:1

“Asani mukati mwinu muyuka nchimi pamwenga wakulota maloto, ndipo watumupaskani chizindikilo pamwenga chakuziziswa,

Yoswa 3:9

Ndipo Yoswa wangunena ndi ŵaYisraele, “Zani kunu muvwi mazu gha Ambuya Chiuta winu.”

Yeremiya 11:6

Ndipo Ambuya anguti, “Memeza mazu yagha ghose mu mizi yaku Yuda, ndi mu miseu ya Yerusalemu: Avwani mazu gha phanganu ili ndipo mughachitenge.