Marangu 33:5 - Tonga Bible 1986

⁵ Mwa viyo Ambuya anguŵa karonga mu Jeshuruni, penipo ŵachirongozgi ŵa ŵanguwungana, makhamu ghose ghaku Yisraele pamoza.

Marangu 33:5 Referans Kwoze

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Ŵeruzgi 17:6

Mu mazuŵa gho mwengavi karonga mu Yisraele; munthu yose wanguchita chenicho chenga chamampha mu maso ghaku yija.

Ŵeruzgi 9:2

“Mukambe mu makutu ghaku wose ŵakuja mu Shekemu, ‘Cho nchamampha ndi nichi kwaku imwe, kuti ŵana wose machumi nkhonde ndi ghaŵi (70) ŵaku Yerubala ŵakuwuseni, pamwenga kuti yumoza ndiyo wakuwuseni?’ Kumbukani so kuti ine nde chiwanga chinu ndi nyama yinu.”

Ŵeruzgi 8:22

Pavuli ŵaYisraele ŵangunena ndi Gideoni, “Utiwuse, iwe, ndi mwana wako pamoza ndi mzuku wako; pakuti watipozomoska ku janja laku Midiyani.”

Maŵerengedu 23:21

Walivi kusaniyamo kaheni mwaku Yakobe: nanga nkhuwonamo suzgu mwaku Yisraele. Ambuya Chiuta wawo we pamoza nawo, ndipo kubangula kwa karonga kwe mukati mwawo.

Chituwa 18:19

Sono tegherezga ku mazu ghangu ndikakupanganga, ndipo Chiuta waŵe nawe! Iwe ukamiyanga ŵanthu paurongo paku Chiuta ndipo utoliyenge mirandu yawo kwaku Chiuta;

Chituwa 18:16

asani ŵendi suskanu, ŵatuza kwangu ndipo ine nditeruzga pakati pa munthu ndi munyake, ndipo nditiŵaziŵiska malamulu ghaku Chiuta ndi vyeruzgu vyake.”

Chiyambo 36:31

Yaŵa mbakaronga ŵeniwo ŵanguwusa mu charu cha Edomu, pakudanga wenga wandausepo karonga nanga njumoza pa ŵaYisraele.

Yesaya 44:2

Viyo atiti Ambuya wo angukupanga, wo angukuumba kutuwa ku chibali ndipo akakovyanga: Ungopanga cha Yakobe, mteŵeti wangu, Yeshuruni yo ndasankha.

Chituwa 15:18

Ambuya akausanga muyaya ndi muyaya.”

Marangu 33:26

“Palivi nanga njumoza yo we uli ndi Chiuta, Jeshuruni we, mweniyo wasika mu machanya kuzachovya iwe, ndi mu uchiyembwe wake waziya mumdengwendi.