Marangu 33:2 - Tonga Bible 1986

² Wanguti, “Ambuya angutuwa ku Sinai, ndipo anguvumbukwa kwaku ifwe kutuwa Seiri, anguwana kutuwa ku phiri Parani. Angutuwa ku vikwi chumi (10,000) vya wakupaturika ndi ŵanguto moto wakulipuka ku janja lawo la marghe.

Marangu 33:2 Referans Kwoze

Chivumbuzi 5:11

Ndipo ndingulereska, ndipo ndinguvwa mazu gha ŵangelo ŵanandi kwakuzingiriya chitengu-chaufumu cho, ndi vyamoyo vyo, ndi ŵara wo; ndipo unandi waku wo wenga vikwi chumi vyakupindika vikwi chumi, ndi vikwi vya vikwi,

Habakuku 3:3

Chiuta waturiya ku Temani, mutuwa ku phiri la Parana, Unkhankhu waku ubenekere machanya, ndi charu chapasi chinguzaza ndi marumbu ghake.

Yuda 1:14

Ndipo mphaku ŵenaŵa po wanguloske Hanoke, wachinkhonde ndi chiŵi kutuwa kwaku Adamu, wakuti, “Awonani, ŵanguza Ambuya ndi ŵakupaturika ŵaŵo vikwi chumi.

Machitidu gha Ŵakutumika 7:53

Mwaŵenimwe munguronde dangu lakupaskika ndi ŵangelo, ndi mwengavi kulisunga.”

Sumu 68:17

Ndi magareta ghanthazi, vikwi machumi ghaŵi (20,000), vikwi pavikwi, Ambuya anguza kutuwa ku Sinai kwazifika mu malo ghakupaturika.

ŴaHebere 2:2

Chifukwa asani mazu gho ghangukambika ndi ŵangelo ghanguŵa ghakukho, ndipo ubudi wose ndi mtafu unguronde chilambula mphotu chakurunjika;

ŴaHebere 12:20

Chifukwa kuti ŵanguziŵa kukunthiyapo cha cho chingulangulika, “Asani chingana ndi nyama yingakwaska phiri lo, yikapong'ekanga ndimya,”

2 ŴaTesalonika 1:7

ndi kwaku imwe mwaŵakusuzgika chigowoke pamoza nafwe, pa uvumbuzi wa Ambuya Yesu kutuwa kuchanya pamoza ndi ŵangelo ŵa nthazi yake, mu moto wakulipuka,

ŴaGalatia 3:19

Ndavine nanga langulu lo? Linguŵikikapo pa chifukwa cha maubudi, mpaka yingaza mbeu yo, kwaku yeniyo chipaskika chipanganu; ndipo chingurongosoleke ndi ŵangelo mu janja la mwendapakati.

ŴaGalatia 3:10

Chifukwa ŵeniwo wose mbakugomekezge milimu ya chilangulu ŵe pasi pa tembo: chifukwa kwalembeka kuti, “Ngwakutembeka yose yo walive kujaririya mwaku vyose vyo vyalembeka mu buko lo la chilangulu, kuvichita.”

2 ŴaKorinte 3:9

Chifukwa asani uteŵeti wo wa chisusa mbunkhankhu, iku ukongwako mbwenu uteŵeti wa chirunjisku uruska mu unkhankhu.

2 ŴaKorinte 3:7

Kweni asani uteŵeti wo wa nyifwa, wakusemeka ndi kulembeka mu mya, unguŵa ndi unkhankhu, viyo kuti ŵana ŵaku Yisraele ŵengavi kuziŵa kulereska pa chisku chaku Mosese chifukwa cha unkhankhu wa chisku chake, unkhankhu wo wenga wakuchujuka;

Marangu 5:22

“Mazu yagha Chiuta wangukambiya ku ungano winu wose pa phiri, mukati mu moto, mu bingu, ndimu mdima ukuru, ndi mazu ghakuru, ndipo wengavi kusazgako ghanyake. Wangugharemba pa vipapati viŵi vya mya, wangupereka kwaku ine.

ŴaGalatia 4:24

Vyenivyo vyose vyakambika kwantharika: pakuti ŵanthukazi wo ŵe mapanganu ghaŵi; limoza lakutuwa ku phiri Sinai, lakupapiya ŵana ku uŵanda, lenilo ndi Hagara.

Chituwa 23:20

“Awonani, ndituma mungelo paurongo pinu kumusungani mu nthowa ndi kumutoleni ku malo gho ndalongoso.

Maŵerengedu 10:12

ndipo ŵaYisraele ŵangwenda maulendo ghawo kutuwamo mu mabozwa gha Sinai; ndipo mtambo unguma mu mabozwa gha Parana.

Sumu 50:2

Kutuwa mu Zioni, utozi wakufikapo, Chiuta waŵala.

Danyele 4:13

“Ndinguwona mu chiwona cha mutu wangu pa chita changu, mulinda mutuŵa wangusika kuchanya.

1 ŴaKaronga 11:18

Ŵangusoka ku Midiyani ŵanguza ku Parani, ndipo ŵangutoko ŵanthurumi ku Parani ŵanguza nawo ku Egipiti, kwaku Farao karonga wa Egipiti yo wangumupaska nyumba, ndipo wangumupaska kuronde kurgha ndi wangumpaska charu.

Sumu 68:18

Mungukwere ku machanya, munguto ŵamikoli ŵanandi pamoza namwe; murombe vya wanangwa kutuwa ku ŵanthu ŵakugaruka. Ambuya Chiuta wakajanga kwenikuwa.