Marangu 33:12 - Tonga Bible 1986

¹² Gha paku Benjamini wanguti, “Nkhwanjiwa wa Ambuya, waja mu chimangu pamoza nayo. Watumuzunguliya zuŵa lose ndipo wamujariska pakati pa maphewa ghake.”

Marangu 33:12 Referans Kwoze

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Mateyu 23:37

“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha!

Sumu 91:4

Wakubenekeriyenge ndi mapapiku ghake, pa kuphwerereka ndi iyo ukaŵanga umamphavi. Ukongorekwa wake ndi nguru ndi chivekeru.

Yesaya 51:16

Ndipo ndaŵika mazu ghangu mu mlomo winu, ndakubisa mu chiduzi cha janja langu, nditambaruwa machanya ndi kutandika viŵanja vya charu chapasi, ndipo ndititi kwaku Zioni, ‘Mwe ŵanthu ŵangu.’ ”

Yesaya 37:35

Pakuti ndikavikiriyanga muzi uwu kuutaska; chifukwa chaku ndamweni ndi chifukwa cha mteŵeti wangu Davidi.”

Yesaya 37:22

yagha ndigho mazu ghenigho Ambuya ŵakamba paku iyo: ‘Ŵanthu ŵaku Zioni ŵatikunyoza, watikuyeya; wapukung'a mitu yawo kuvuli kwako, ŵanthu ŵaku Yerusalemu.

2 Mikoka 11:1

Ndipo Rehoboamu wanguti wafika ku Yerusalemu wanguwunganiska ŵaYuda ndi ŵaBenjamini, ŵanthurumi ŵakusankhika vikwi machumi pe chumi ndi machumi ghankhonde ndi ghatatu (180,000) ŵankhondo, kurwa ndi Yisraele kuti ŵawezge so ufumu kwaku Rehoboamu.

1 ŴaKaronga 12:21

Rehoboamu wanguza ku Yerusalemu, wanguwungang'a nyumba yose yaku Yuda, ndi mtundu waku Benjamini, ŵankhondo ŵakusankhika vikwi machumi pe chumi ndi machumi nkhonde ndi ghatatu (180,000) kwachirwa ndi nyumba yaku Yisraele, kuwezge ufumu kwaku Rehoboamu mwana waku Solomoni.

Marangu 12:10

Kweni mwamukwambuka Yordane, ndi kwachija mu charu chenicho Ambuya Chiuta winu watukupaskani kuchihara. Ndipo Chiuta wakumpumuzgani ku ŵarwani ŵinu wose ŵakumuzungurizgani, mwakuti mujenge mu chimangu.

Sumu 132:14

“Apa ndipo ndikajanga muyaya; apa ndipo ndikajanga chifukwa ndakhumbapo.

Ŵeruzgi 1:21

Kweni ŵanthu ŵaku Benjamini kuti ŵanguŵadikiskamo cha ŵaYebusi wo ŵajanga mu Yerusalemu; viyo ŵaYebusi ŵanguja pamoza ndi ŵanthu ŵaku Benjamini mu Yerusalemu mpaka zuŵa lino.

Chituwa 28:12

Ndipo ukaŵikanga mya yo yiŵi pachanya pa twapamamphewa twa efodo, kuŵa mya ya chikumbuska cha ŵana ŵanthurumi ŵaku Yisraele ndipo Aroni wakatoliyanga mazina ghawo paurongo pa Ambuya pa maphewa ghake ghaŵi, kuŵa chikumbusku.

Maŵerengedu 34:21

Wa ŵina Benjamini, Elidada mwana waku Chisilono.

Marangu 4:37

Ndipo chifukwa wangwanja auskemwe wangusankha mphapu yawo pavuli pawo, ndi kukutuzgani mu Egipiti ndi uŵapu wake ndi nthazi yake yikuru.

Marangu 32:11

Uli ndi nombo yo yichita chivimbo chake, yo yivumbatiya ndi mapapa ŵana ŵake, yitambaruwa mapapa ghake kuŵako kuŵanyamuwa pa mavungwa ghake,

Marangu 33:11

Ambuya tumbikani uromba wake ndipo muronde nchitu ya manja ghake. Swani viunu vya ŵarwani ŵake, viunu vyaku wo ŵatumutinkha, alinga kuti ŵareke kuyuka so.”

Sumu 60:5

Alinga kuti wakwanjiwa winu wataskike, paskani upundi ndi janja linu lakurghiya ndipo mutamuke!

1 Samuele 10:20

Samuele wangudaniya mafuku ghose gha ŵaYisraele pafupi, ndipo pakupenduzga fuku laku Benjamini lingutondoreka.

2 Samuele 12:24

Pavuli Davidi wangusangaruska muwoli wake, Betesheba, wanguruta kwaku iyo, ndi kugona nayo; wangupapa mwana munthurumi, wangumudana zina Solomoni. Ndipo Ambuya angumwanja,

2 Samuele 12:25

angutuma uthenga mwaku Natani mchimi; viyo wangudana zina lake Yedidiya, wakwanjiwa wa Ambuya.

Yeremiya 12:7

“Ndayireka nyumba yangu, ndaŵapatiya limu ŵanthu ŵangu; ndapereka nkhwanjiwa wa mtima wangu mu manja gha ŵakupindikana ŵake.