Marangu 33:10 - Tonga Bible 1986

¹⁰ Ŵakarunguchizganga Yakobe vyeruzgu vinu ndi Yisraele dangu linu, wakaperekanga vya chema paurongo pinu ndi sembe yose yakocha pa jochero linu.

Marangu 33:10 Referans Kwoze

Sumu 51:19

penipo ndipo mukakondwanga mu sembe za urunji. Mu mipasku yakocha ndi mipasku yizirima yakocha po ndipo zinkhuzi zikaperekekanga pa jochero linu.

ŴaLevi 10:11

Ndipo mukasambizganga ŵaYisraele malamulu ghose gho Ambuya akukamba kwaku wo mwaku Mosese.”

Ezekiele 43:27

Ndipo asani mazuŵa yagha ŵamara, po ndipo kutuwa pa zuŵa lachinkhonde ndi chitatu kurazga ku nthazi ŵazukuru ŵakaperekanga pa jochero mipasku yinu yakocha ndi ya chimangu; ndipo ndikamurondiyaninga, atiti Ambuya Chiuta.”

1 Samuele 2:28

Ndipo ndingusankha iyo mukati mu mafuku ghose gha ŵaYisraele kuti waŵe mzukuru wangu, kukwere ku jochero langu, kocha vyakununkhira kuvwala efodo paurongo pangu; ndipo ndingupaska ku nyumba ya ausu mipasku yangu yose yapa moto kutuwa ku ŵina Yisraele.

ŴaHebere 9:24

Chifukwa Kristu walive kusere mu malo ghakupaturika ghakwatika ndi ŵanthu, cho nchikozgu cha malo gheneko. Kweni wanguruta kuchanya iko, kweniko sono wawoneka paurongo paku Chiuta pa chifwa chidu:

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Nehemiya 8:18

Ndipo zuŵa ndi zuŵa kwamba pa zuŵa lakudanga mpaka ku zuŵa lakumariya, ŵanguŵerenga mu buku la dangu laku Chiuta, ŵangusunga dghera mazuŵa ghankhonde ndi ghaŵi: ndipo pazuŵa la chinkhonde ndi chitatu penga unganu wakutemeka, kwakulingana ndilangulu.

2 Mikoka 30:22

Ndipo Hezekiya wangukamba kwakuchiska ukongwa ku ŵaLevi wo ŵangurongo vinjeru mu mlimu wa Ambuya. Viyo ŵanthu ŵangurgha kurgha kwa dghera kwa mazuŵa ghankhonde ndi ghaŵi kupereka sembe ya chimangu ndi kupereka viwongo ku Ambuya Chiuta wa auskeu.

2 Mikoka 26:18

Ndipo ŵangumikana nayo karonga Uziya ndi ŵanguti kwaku iyo, “Kuti ndi nchitu yako cha Uziya, koche Ambuya vyakununkhira, kweni ndi nchitu ya ŵazukuru ŵana ŵaku Aroni wo mbakupaturikiya kocha vyakununkhira. Tuwamo mu nyumba yakupaturika; chifukwa wabuda, ndipo ukatumbikikanga cha ndi Ambuya Chiuta.”

Marangu 24:8

“Asani munthu watama ndi makhate, phwereni kuchita kwakuyana ndi vyose vyenivyo ŵazukuru ŵaLevi ŵakamurongoninga. Muchitenge ndi kuphwere.

Maŵerengedu 16:46

Sono Mosese wangunena ndi Aroni, “To mbali yakusunkhizgiyamo, ndipo kwakutinthimika ujitore ku wumba, kuŵapepeske; chifukwa kwatuwa ukari ku Ambuya, ndipo nthenda yayamba.”

Maŵerengedu 16:40

zenga chikumbuska ku ŵaYisraele; kuti paulevi munthu mweniyo kuti ndi mzukuru cha, yo kuti ngwa mphapu yaku Aroni cha, wanderenge kufupi kwazisunkhizga paurongo pa Ambuya, vinu wangaŵa ulaka ndi Kora ndi mpingu wake. Ivi Ambuya angumunene Eliazara mwaku Mosese.

ŴaLevi 1:17

Wakaparuwanga vipapiku vyake kweni kuti wayiphwatuwenge cha. Ndipo mzukuru wakayiwochanga pa jochero, pachanya pa nkhuni zo ze pa moto; ndi mpasku wakocha, mpasku wakuperekeka wapa moto, fungu lakukondweska Ambuya.”

ŴaLevi 1:13

Kweni vya mukati ndi marundi wakasukanga ndi maji. Ndipo mzukuru wakaperekanga vyose ndi kuvyocha pa jochero, ndi mpasku wakocha, mpasku wakupaskika wap moto, ndi mpasku wa fungu lakukondweska Ambuya.

ŴaLevi 1:9

kweni vya mukati mwake ndi marundi ghake ŵakasukanga ndi maji. Ndipo mzukuru wakawochanga vyose pa jochero kuŵa mpasku wakocha, mpasku wakupereka wapa moto, fungu lakukondweska Ambuya.

ŴaLevi 16:12

Ndipo wakatonga zinga lakuzaza ndi maka gha moto ghakutuwa pa jochero paurongo pa Ambuya, ndi vyakusunkhizga vya fungu la mampha kuzaza manja ghaŵi, vyakuchita kusila, wakaserenga navyo kurutiya chivwinkhu,

ŴaLevi 16:13

ndi kuŵika vyakusunkhizga pa moto paurongo pa Ambuya alinga kuti mtambo wa vyakusunkhizga uvimbe chitengo cha lisungu, cho che pachanya pa bokosi la phanganu; vinu wangafwa

Maŵerengedu 7:50

mbali yimoza ya golide ya mashekelo chumi, yakuzaza vya chema;

Marangu 33:11

Ambuya tumbikani uromba wake ndipo muronde nchitu ya manja ghake. Swani viunu vya ŵarwani ŵake, viunu vyaku wo ŵatumutinkha, alinga kuti ŵareke kuyuka so.”

Ezra 7:10

Chifukwa Ezra wanguŵikapo limu mtima wake kupenjeska dangu laku Chiuta ndi kulichita, ndi kusambizga vilangulu vyake ndi vyeruzgu vyake mwaku Yisraele.

Marangu 27:14

Ndipo ŵaLevi ŵakataulanga ku ŵanthurumi wose ŵaku Yisraele ndi mazu ghakudanirizga:

Hagayi 2:11

“Viyo atiti Ambuya ŵa maŵanja: Fumba ŵazukuru kuti ŵamuke fumbu ili,

Hagayi 2:12

‘Asani yumoza wapinga nyama yakupaturika pa raya lakusika la raya lake ndi wakwasa chiŵande ndi raya lo, pamwenga ba, pamwenga vinyo, pamwenga mafuta, pamwenga chakurgha cha mtundu wose kumbi chingaŵa chakupaturika?’ ” Ŵazukuru ŵanguŵamuka kuti, “Awa.”