Marangu 32:6 - Tonga Bible 1986

⁶ Kumbi mutiŵatayiya thayu viyo Ambuya, mwa ŵanthu ŵakupusa ndi ŵambura chinjeru imwe? Kuti ndiwo auskemwe cha wo angumulengani, wo angumupangani imwe ndi kumujarikani?

Marangu 32:6 Referans Kwoze

Yesaya 63:16

Pakuti imwe ndimwe Auskefwe, chingana Abrahamu wareka kutiziŵa ifwe, ndipo Yisraele kuti watitipanikizga cha; imwe Ambuya, ndimwe mwe Auskefwe, Muwombozi widu ndilo zina linu kutuliya ku mwaka.

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

Yesaya 64:8

Kweni Ambuya mwe, imwe Auskefwe; te dongo ifwe, imwe mwe muwumbi widu; ndipo tose te nchitu ya janja linu.

Yesaya 44:2

Viyo atiti Ambuya wo angukupanga, wo angukuumba kutuwa ku chibali ndipo akakovyanga: Ungopanga cha Yakobe, mteŵeti wangu, Yeshuruni yo ndasankha.

Sumu 74:2

Kumbukani mpingu winu, wo mukugula mwaka, ŵanthu wo mukuwombo kuŵa khamu laku mwaŵeni. Kumbukani phiri la Zioni, mo mwajanga!

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

ŴaGalatia 4:6

Ndipo pakuti mwe ŵana, Chiuta watuma Mzimu wa Mwana wake mu mitima yinu, wakubongo, “Aba, Ada!”

ŴaGalatia 3:26

Chifukwa mose mwe ŵana ŵaku Chiuta mu chivwanu mwakuKristu Yesu.

1 ŴaKorinte 6:20

chifukwa mungugulika ndi mtengu. Viyo mkankhuskiyeni Chiuta mu liŵavu linu.

ŴaRoma 8:15

Chifukwa kuti munguronde cha mzimu wa uŵanda wa chofyu, kweni munguronde mzimu wa ulezi, mwaku wo tikutiya, “Aba, Ada!”

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Yohane 8:41

Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.”

Yesaya 43:7

we yose wakudanika ndi zina langu, mweniyo ndingulenge ku unkhankhu wangu, yo ndinguumba ndi ndinguchita.”

Sumu 149:2

Wakondwere, Yisraele mu Mlengi wake; ŵakondwe, ŵana ŵaku Zioni, mukaronga wawo!

Sumu 100:3

Ziŵani kuti Ambuya ndiyo Chiuta! Ndiyo wangutata ndipo ifwe te ŵake; te khamu lake, ndi mberere za uliska wake.

Marangu 32:18

Mwengavi kughanaghanako ndi jarawe lo lingumupapani, ndipo munguruwa Chiuta yo wangumulengani.

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Marangu 1:31

Ndi mu mabozwa munguwona mo Ambuya Chiuta winu wangumuphwereliyani nge ndimo munthu waphwerere mwana wake, mu nthowa yose yo mungwenda mpaka mwazifika mu malo ghano.’

Yeremiya 5:21

“Vwani ichi mwa ŵanthu ŵakupusa ndi ŵambura zeru, mwaŵakuwa ndi maso kweni kuti muwona cha, mwa ŵakuŵa ndi makutu, kweni kuti mutuvwa cha.

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Sumu 116:12

Nchine cho ndiwezgeyenge Ambuya pa, vyamampha vyawo vyose paku ine?

Sumu 95:6

Zaninga, tikotame ndi kumusopa iyo; tiyeni tigwade paurongo pa Ambuya, Mlengi widu!

Sumu 74:18

Kweni kumbukani ichi. Ambuya mwe, kuti ŵarwani ŵanu ŵawera imwe, ndipo ŵanthu ŵaphuzu ŵatuka zina linu.

Jobu 10:8

Manja ghinu ghangundichita ndi kundilunga, ndipo sono mung'anamuka ndi mukhumba kundiparghang'a.

Chituwa 15:16

Chofyu ndi chitenthe vyaŵa paku wo; chifukwa cha ukuru wa janja linu, ŵachetama ulaka ndi mwa, mpaka penipo ŵanthu ŵaporotamo Ambuya, mpaka ŵanthu ŵinu ŵaporota wo mwagula.

Chituwa 4:22

Ndipo iwe wamukamba kwaku Farao, ‘Viyo ndimo anene Ambuya, Yisraele ndi mwana wangu waumwali,

Marangu 32:28

“Pakuti ndi mtundu wambura upu, ndipo mulivi kuwamo mukati mwawo.

2 Samuele 7:24

Ndipo imwe mukujimiskiya imwe mwaŵeni khamu linu Yisraele kuŵa ŵanthu ŵinu muyaya; ndipo imwe, A, Ambuya mukuŵa Chiuta wawo.

Hoseya 13:13

Urwirwi wa pakubara mwana umuziyenge, kweni ndi mwana wambura zeru, chifukwa sono kuti wajirongo cha pa mlomo wa nthumbu.

Marangu 14:1

“Ndimwe ŵana ŵa Ambuya Chiuta winu, mungajitemanga, pamwenga kumeta mupara pa maso pinu chifukwa cha ŵakufwa.

Yesaya 43:1

Kweni sono atiti viyo Ambuya, yo wangukulenga iwe, Yakobe we, yo wangukuumba, Yisraele we: “Ungopanga cha, pakuti ndakuwombo; ndakudana iwe ndi zina, we wangu.

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’