Marangu 32:43 - Tonga Bible 1986

⁴³ “Tumbikani ŵanthu ŵake, mwa ŵamitundu mwe; pakuti watayiya thayu ndopa za ŵateŵeti ŵake, ndipo wachita thayu pa ŵarwani ŵake, ndipo walanga chifukwa cha charu cha ŵanthu ŵake.”

Marangu 32:43 Referans Kwoze

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

ŴaRoma 12:19

Mwaŵakwanjiwa, mungajitayiya thayu cha, kweni ndereni malo ku kandundu kaku Chiuta; pakuti kwalembeka, “Thayu ndaku ine; ine ndamwerezgapo, watiti Mbuya.”

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”

Sumu 85:1

Mungukankhaŵiya charu chinu, Ambuya mwe; munguwezga umkoli waku Yakobe.

Jobu 13:24

Kumbi chifukwa nchine mubisa chisku chinu ndi kundipima nge nde murwani winu?

2 ŴaKaronga 9:7

Ndipo ukabwanganduliyanga pasi nyumba yaku Ahabu mbuyako, alinga nditaye thayu paku Yesebelu ndopa za ŵateŵeti ŵangu ŵamchimi, ndi ndopa zaku wose ŵateŵeti ŵa Ambuya.

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Chivumbuzi 15:2

Ndinguchiwona chakukozgana ndi nyanja yakulangaliya, yakusazgikana ndimoto; ndi ŵeniwo ŵangupunda chikoku chiya, ndi chikozgu chake, ndi muŵerengu wa zina lake, ŵanguma iwo pa nyanja yakulangaliya, ndipo ŵenga ndi ŵakaligu ŵaku Chiuta mumanja ghawo.

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”

Luka 2:32

ukweru wakuvumbuliya ŵaMitundu, ndi unkhankhu wa khamu linu Yisraele.”

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.

Yeremiya 13:14

Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Yesaya 19:25

ŵeniwo Ambuya ŵa maŵanja atumbika, kuti, “Watumbikike Egipiti ŵanthu ŵangu, ndi Asiriya nchitu za manja ghangu, ndi Yisraele mweniyo ndamusankha.”

Yesaya 19:23

Zuŵa liya kwazamukuŵa gurwi kutuwa ku Egipiti kuya ku Asiriya, ndipo ŵaAsiriya ŵakazanga mu Egipiti, ndi ŵaEgipiti mu Asiriya, ndipo ŵaEgipiti ŵakasopanga pamoza ndi ŵa Asiriya.

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Sumu 65:3

pa chifukwa cha mauheni ghawo, vyakulakwa vidu vyatipunda kweni imwe mugowoke.

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

1 ŴaKaronga 8:43

vwani imwe kuchanya ko malo gha uja winu, ndipo chitani kwakulingana ndi chose cho mulendo wadaniya kwaku imwe; mwakuti ŵanthu wose ŵa charu chapasi ŵaziŵe zina linu ndi kumopani imwe nge ndimo ŵachitiya ŵa khamu linu Yisraele, mwakuti ŵaziŵe kuti nyumba iyi ndazenga yidanika ndi zina linu.

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

Sumu 58:10

Wakondwenge wakurunjika wachiwona thayu; marwayo ghake wasukengemu ndopa za ŵaheni.

Sumu 79:9

Tovyeni, A Chiuta, mtaski widu, chifukwa cha unkhankhu wa zina linu.

Yesaya 1:24

Chifukwa cho Ambuya atiti. Ambuya ŵa maŵanja, Wanthazi yo waku Yisraele: “Aha, ndikatuzgangapo ukari wangu pa ŵakupindikana nane, ndi kujitayiya thayu pa ŵarwani ŵangu.

Yesaya 1:25

Nding'anamuliyenge janja langu paku imwe ndikaphotonga uloso winu uli ndi maji ghakuphoto ndi kutuzgako mthovu winu.

Yesaya 66:10

“Kondwani pamoza ndi Yerusalemu, musekere chifukwa chake, imwe mose mutuŵanja; kondwani nayo pamoza mu chimwemwe, imwe mose mutimutenjere;

Sumu 79:10

Yitifumbiyengenji mitundu, kuti, “Wepani Chiuta winu?” Mphanyi tawona kuti mwayisuzga mitundu, chifukwa cha kudika kwa ndopa za ŵateŵeti ŵinu!

Sumu 85:3

Mungureka ukari winu paku iwo, mungujiwezga ku ufyu wa kandundu kinu.

Yesaya 44:22

Ndapeya mautimbanizi ghako uli ndi mtambo, ndi uheni wako uli ndi munkhorwe; were kwaku ine, pakuti ndakuwombo.

Yesaya 60:6

Mzinda wa ŵagamila ukakuvimbanga, ŵagamila ŵampupuka ŵaku Midiyani ndi Efa; wose ŵakutuwa ku Sheba nawo wakazanga. Ŵakazanga ndi golide ndi vyachema, ndipo ŵazamtaula marumbu gha Ambuya.

Yeremiya 51:36

Chifukwa cho atiti Ambuya: “Ehe, ndikakukambiyanga mlando wako ndi kukutayiya thayu. Ndikamizganga nyanja yake ndi kukamuska chisima chake;

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

Ezekiele 25:14

Ndikagonekanga thayu langu paku Edomu ndi janja la ŵanthu ŵangu ŵaYisraele; ŵakachitanga mu Edomu kwakulingana ndi kukara kwangu ndi kwakulingana ndi ukari wangu; ndipo ŵakaziŵanga thayu langu, atiti Ambuya Chiuta.