Marangu 32:42 - Tonga Bible 1986

⁴² Ndikaloŵereskanga mivwi yangu ndi ndopa, ndipo lipanga langu likapuruwanga nyama pamoza ndi ndopa za ŵakubayika ndi ŵakuyoreka, zakutuwaku mitu ya masisi ghatali gha ŵamawongo.’

Marangu 32:42 Referans Kwoze

Marangu 32:23

“ ‘Ndipo ndikawunjikanga viheni paku iwo. Ndikamariyanga mivwi yangu paku iwo;

Yeremiya 46:10

Zuŵa liya ndi zuŵa la Ambuya Chiuta wa maŵanja, zuŵa la thayu, kujitayiya thayu pa ŵakupindikana ŵake. Lipanga likarghanga ndi kuguta, ndi kumwa kwakuguta ndopa zawo. Pakuti Ambuya Chiuta wa maŵanja wendi sembe mu charu cha ku nkhonde pa msinji Efrate.

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.

Yeremiya 46:14

“Ziŵiskani mu Egipiti, memezani mu Migidoli, memezani mu Mempisi ndi Tapanesi; nenani, ‘Mume ndipo murongosoleke, pakuti lipanga likarghanga kwakuzunguliya imwe!’

Yeremiya 30:14

Ŵakwanjiwa ŵako wose ŵakuruwa; kuti ŵatikuphwere nanga nkhamana cha; pakuti ndakupuma iwe nge ngwakupindikana, kulanga kwa murwani wambura lisungu pakuti kulakwa kwako nkhukuru, inya mauheni ghako nganandi.

Yeremiya 16:10

“Ndipo utakuti waŵanene ŵanthu yaŵa mazu yagha ghose, sono ŵachikufumba kuti, ‘Chifukwa chine Ambuya ataula uheni wose ukuru uwu paku ifwe? Utimbanizi widu ngune? Mbuheni uli wo tachitiya Ambuya Chiuta widu?’

Sumu 68:23

mwakuti mubizge marundi ghinu mu ndopa zawo, ndikuti ŵagaru ŵinu nawo ŵaŵe ndi chigaŵa mu ŵarwani.”

Sumu 45:5

Mivwi yako njakuthwa mu mtima wa ŵarwani ŵa karonga; mitundu ya ŵanthu yawa pasi pako.

Jobu 13:24

Kumbi chifukwa nchine mubisa chisku chinu ndi kundipima nge nde murwani winu?

2 Samuele 1:22

“Ku Ndopa za wakubayika, ku mafuta gha vinkhara, uta waku Jonafani kuti unguwerere vuli cha, ndi lipanga laku Sauli kuti linguwe waka cha.

Yesaya 34:5

Pakuti lipanga langu lamwa kwa mgutu mu machanya; ehe, lisikiya kwachichita cheruzgu pa Edomu, pa ŵanthu wo ndasuska.

Yeremiya 12:12

Pa mitunthu yose ya chipalamba mu bozwa paza ŵaphasulu; pakuti lipanga la Ambuya limeza kutuwa ku chigoti chimoza cha charu kwachifika ku chigoti chinyake mu charu chose, kulivi chimangu.

Sumu 45:6

Chitengo chako cha ufumu nchakujaririya muyaya ndi muyaya. Ndodo yinu yachifumu ndi ndodo ya ukongorekwa;