Marangu 32:4 - Tonga Bible 1986

⁴ “Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Marangu 32:4 Referans Kwoze

Sumu 92:15

Mwakuti kuwoneke kuti mbakurunjika Ambuya; ndiwo jarawi langu, ndipo mwaku iwo mulivi kubende.

Yesaya 26:4

Gomekezgani mu Ambuya muyaya, pakuti Ambuya Chiuta ndi jarawe la muyaya.

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Sumu 100:5

Mbamampha Ambuya; nchamuyaya chifundu chawo, ndipo ukongorekwa wawo ngwa mgonezi ndi mgonezi.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Mateyu 5:48

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

1 ŴaKorinte 10:4

ndipo wose ŵangumwa chakumwa cha Mzimu wo. Chifukwa ŵamwanga ku Jarawe lamzimu lakuŵarondo: ndipo Jarawe lo lenga Kristu.

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

ŴaRoma 3:5

Kweni asani uwura-urunji widu usimika urunji waku Chiuta, tikatingenji? Kumbi ngwambura-urunji Chiuta, pakutitole kandundu? (Ndikamba ulaka ndi munthu.)

ŴaRoma 2:2

Ndipo tiziŵa kuti cheruzgu chaku Chiuta kwakuyana ndi uneneska che pa ŵakuchita vyaviyo.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yesaya 25:1

Ambuya mwe, ndimwe Chiuta wangu; ndikakuzganga imwe, ndikarumbanga zina linu, pakuti imwe mwachita vinthu vya kuziziswa, vyakwata vyamwaka, vyamagomekezgeka ndi vyauneneska.

1 Petro 2:6

Chifukwa mu lembo kutiti, “Aona, ndijarika mu Zioni mwa, wachikhozge-nyondo, wakusankhika, wakuzirwa: ndipo mweniyo ngwakuvwana paku iyo wangalengeskeka cha.”

Yohane 5:22

Chifukwa Dada kuti wateruzga yumoza cha, kweni wapaska cheruzgu chose ku Mwana,

Habakuku 1:13

Imwe mwe ndi maso ghatuŵa gho kuti ghalereska uheni cha, ndipo kuti mulereska pa ubudi cha, kumbi mulereskiyanji pa ŵanthu ŵambura chigomezgu, ndikuja ŵaka chete asani muheni wanyenga munthu murunji yo waruska iyo?

Yesaya 28:16

chifukwa cho Ambuya Chiuta, atati, “Ehe, ndiŵika mu Zioni chiŵanja mwa, mwa wakweseka, mwa wanyondo wakuzirwa, wa chiŵanja chakuneneska: ‘Yo wavwana kuti wakatolekanga cha.’

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.

Jobu 34:10

“Chifukwa ichi, mundivwe, imwe mwa ŵanthu ŵavinjeru, chiŵe kutali ndi Chiuta kuti iyo wachiti ubendezi, ndipo chiŵe kutali ndi Wanthazizose kuti wabudi.

Marangu 32:18

Mwengavi kughanaghanako ndi jarawe lo lingumupapani, ndipo munguruwa Chiuta yo wangumulengani.

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Yakobe 4:12

Walipo Yumoza yo ngwakumika dangu ndi wakweruzga, yo ngwanthazi kutaska ndi kwananga: kweni ndiwe yani iwe, uteruzga mwanase wako.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

ŴaRoma 1:32

ŵeniwo, pakuziŵa cheruzgu chaku Chiuta, chakuti ŵakuchita vyaviyo mbakwenere nyifwa, kuti ŵavichita pe cha, kweni ŵazomerezgana so ndi ŵeniwo mbakuvichita.

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Yesaya 30:18

Chifukwa cho Ambuya alindizga kuŵa namwe ndi wezi; ndicho chifukwa ŵatijikuzgiya kurongo lisungu paku imwe. Pakuti Ambuya ndi Chiuta wacheruzgu chirunji; mbakutumbikika wose wo ŵalindizga iwo.

Wakutaula 3:14

Ndiziŵa kuti chose cho Chiuta wachita chikajaririyanga muyaya; kuti kakasazgikiyangako kanyake nanga nkhutuzgapo kanthu kanyake kwaku cho cha; Chiuta wachichita ichi mwakuti ŵanthu wopenge paurongo pake.

Sumu 146:6

Yo wangwata kuchanya, ndi charu chapasi, nyanja, ndi vyose vyo virimo, wakusunga chigomezgu nyengo yose swi;

Sumu 138:8

Mukafiskanga che chose cho mukupangana nane, Ambuya, nchamuyaya chifundu chinu. Fiskani nchitu yo mwayamba.

Sumu 99:4

Karonga wanthazi, wakwanjaurunji; mwapereka cheruzgu paku Yisraele; mwaŵapaske urunji ndi umampha.

Sumu 98:3

Akumbuka chanju chawo chakufikapo ndi ukongorekwa wawo ku nyumba yaku Yisraele. Ŵanthu wose kose kose mu charu chapasi ŵawona utaksi waku Chiuta.

Sumu 31:5

Mu janja linu ndipereka mzimu wangu; mwandiwombo, Ambuya, Chiuta wamagomekezgeka.

Sumu 19:7

Dangu la Ambuya ndamampha kwakufikapo, liwerezgemo mzimu; chisimisimi cha Ambuya nchakukho, muzereza chitumusanduska wazeru;

Sumu 18:46

Ambuya mbamoyo; litumbikike jarawi langu, wakukwezgeka waŵe Chiuta wa chipozomosko changu,

Sumu 9:16

Ambuya ajiziŵiska ŵeneko, achita cheruzgu; ŵaheni ŵawira mu nchitu za manja ghawo.

Jobu 35:14

Nanga mutiti mutimuwona cha, nanga mutiti mrandu we paurongo pake, ndi kuti mutimurindizga!

2 Samuele 23:3

Chiuta waku Yisraele wakamba, Jarawi laku Yisraele landinene: Po yumoza wausa pachanya pa ŵanthu kwakurunjika, kuwusa mukopa Chiuta,

2 Samuele 22:47

“Ambuya mbamoyo; litumbikike jarawi langu, ndipo wakwezgeke Chiuta wangu, jarawi la utaski wangu,

1 Samuele 2:2

“Kulivi mtuŵa nge mba Mbuya, palivi yumoza pade paku imwe; kulivi jarawi lakuyana ndi Chiuta widu.

Marangu 10:18

Wafiska umampha cheruzgu cha wambura wiske ndi choko. Watanja mlendo wamupaska kurgha ndi vyakuvwala.

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

Chituwa 34:6

Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,

Chiyambo 1:31

Ndipo Chiuta wanguwona chose cho wanguchita, ndipo chenga chamampha ukongwa. Ndipo kwenga mazulo, ndi kwenga mlenji, zuŵa la chinkhonde ndi chimoza.

2 Mikoka 19:7

Viyo chofyu cha pa Ambuya chiŵe paku imwe chenjeni pakucho muchita, chifukwa Ambuya Chiuta widu kuti wakarekeriyanga cheruzgu chakubende cha, kuchita sankhu pamwenga kuronde vinda.”

Jobu 8:3

Kumbi Chiuta wabendezga cheruzgu? Pamwenga kumbi Wanthazi zose wabendezga urunji?

Jobu 36:23

Ndiyani yo wakumumikiya nthowa zake, pamwenga ndiyani wanganena kuti, ‘Imwe mwachita uheni’?

Sumu 78:35

Ŵangukumbuka kuti Chiuta ndi jarawi lawo, kuti Chiuta wapachanya limu ndi muwombozi wawo.

Sumu 90:16

Zomerani kuti ifwe, ŵateŵeti ŵinu, tiwone nchitu zinu zanthazi; ndi unkhankhu wa mazaza ghinu ku mphapu yidu.

Yesaya 17:10

Mwaruwa Chiuta winuyo watimutaskani, ndipo mwaruwa Jalawi linu lakubisamamo; chifukwa chenichi, chingana mungapanda mbeu zakukondweska ndi kundondomeka tumiti twa ŵachiuta ŵalendo,

Habakuku 1:12

Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.

Zefaniya 3:5

Ambuya mukati mwawo mbarunji, kuti achita kaheni cha; mlenji wose arongo cheruzgu chawo, pa matandakucha ghe ghose kuti atondeka cha. Kweni ŵambura urunji ŵalivi soni.

Nehemiya 9:8

ndipo mungusaniya kuti wenga wa mtima wamagomekezgeka paurongo pinu, ndipo munguchita nayo phanganu pakupaska mphapu yake charu cha ŵaKanani, ŵaHiti, ŵaAmoni, ŵaPerezi, ŵaYebusi ndi ŵaGirgashi. Ndipo mukufiska phanganu linu pakuti mwe ŵarunji.

Sumu 33:4

Pakuti mazu gha Ambuya ngakunyoroka; ndipo nchitu yawo yose yichitika mu chigomekezgu.

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;