Marangu 32:21 - Tonga Bible 1986

²¹ Ŵandiyuskiya ine ku sanji paku cho kuti ndi chiuta cha. Ŵandisosomo ndi ŵangoza ŵawo. Viyo ine ndikaŵayuskiyanga ku sanji ndi wo kuti mbanthu cha. Ndikaŵasosomonga ndi mtundu wakupusa.

Marangu 32:21 Referans Kwoze

ŴaRoma 10:19

Kweni ndititi, asi ŵanguziŵa Yisraele? Wadanga wakamba Mosese, “Ine ndikusosomoliyenge ku sanji ndi ŵambura mtundu, ndi kumkaraliskiyani ndi mtundu wambura kuwamo.”

ŴaRoma 9:25

Uli ndimo wanene so mwaku Hoseya, “Ndilitamurenge khamu, langu lo kuti lenga khamu langu cha; ndi yo wengavi kwanjiwa, nyankhwanjiwa.

1 ŴaKaronga 16:26

Pakuti wangwenda mu nthowa yose yaku Yeroboamu mwana waku Nebati, ndi mu mphurupuru zenizo wanguchitiska ŵaYisraele kulakwa, kusosomole Ambuya, Chiuta waku Yisraele, ku chikwiya ndi ŵangoza ŵawo.

1 ŴaKaronga 16:13

chifukwa cha uheni wose waku Basha ndi uheni waku Ela mwana wake wo ŵangulakwa, ndi ŵeniwo so ŵanguchitiska Yisraele kulakwa, kusosomole Ambuya Chiuta waku Yisraele ku chikwiya ndi ŵangoza ŵawo.

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

Marangu 32:16

Ŵangumuyuska kuŵa ndi sanji ndi ŵachiuta ŵalendo, ndi machitidu ghaukazuzi ŵangumukalipiska.

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Sumu 31:6

Imwe mutinkha wo mbakuphwere ŵangoza ŵa waka; kweni ine ndigomekezga mu Ambuya.

1 ŴaKorinte 10:22

Pamwenga tisosomole Mbuya ku sanji, kumbi? Kumbi te ŵanthazi ifwe kwakuruska iyo?

Machitidu gha Ŵakutumika 11:15

Kweni ndichamba ine kukamba, Mzimu Wakupaturika iyo wanguwiya paku wo uli mphaku ifwe so pa mtendeku.

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

1 Samuele 12:21

rekani kupatukiya ku vinthu vyawaka vyo vilivi chanduwu nanga mbutaski, pakuti vyawaka.

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo:

Marangu 32:17

Ŵangupaska sembe ku viŵanda vyo kuti vyenga ŵachiuta cha, ndi ku ŵachiuta wo ŵengavi kuŵaziŵapo kale, ku ŵachiuta ŵafya wo ŵanguziyamo pavuli wo auskemwe ŵengavi kofyerwa nawo.

1 ŴaKaronga 14:22

Ndipo ŵaYuda wanguchita cho chenga uheni mu maso gha Ambuya, ndipo anguŵayuskiya kusanji ndi mauheni ghawo, kuruska mauheni ghose gho auskeu wanguchita.

2 ŴaKaronga 17:15

Ŵanguyeya vyeruzgu vyake, ndi phanganu lake lo wangupangana ndi auskeu, ndi kuchenjezgeka ko wanguŵachenjezga. Ŵangundondoloska ŵangoza ŵatesi ndipo ŵangusanduka ŵatesi, ŵangundondoloska mitundu yo yinguŵazunguliya, paku yeniyo Ambuya anguŵalanguliya kuti ŵangachitanga nge ndiyo cha.

Yeremiya 5:7

“Ndingamugowokiyani uli? Ŵana ŵinu ŵakundisiya ine ndipo ŵarapiya paku wo kuti mba chiuta cha. Penipo ine ndinguŵahiŵa kwakuguta iwo ŵangureŵa, ndipo ŵangusere ŵanandi mu nyumba za ŵareŵi.

Yeremiya 7:18

Ŵana ŵadeŵa nkhuni, auskeu ŵakozga moto, ndipo ŵanthukazi ŵakantha nthimphwa, kubikiya viŵande fumukazi ya kuchanya; ndipo ŵadira mipasku ya kumwa ku ŵachita ŵanyake, kundisosomole ine kukukaripa.

1 ŴaKaronga 14:9

Kweni iwe wachita mphurupuru kuruska wose wo ŵengako paurongo pako ndipo wajipangiya ŵachiuta ŵamwenga, ndi ŵangoza ŵakusongono, kundisosomole ku chikwiya, ndipo wanditaya kuvuli kwako,

2 ŴaKaronga 17:11

ndipo mwenimuwa ŵangocha vyachema pa malo gho ŵachitiyanga paurongo pawo. Ŵanguchita vinthu viheni, kusosomole Ambuya ku ukari,

2 ŴaKaronga 21:6

Ndipo wangocha mwana wake uli ndi mpasku, ndipo so wachitanga uchanusi ndi kombeza, wanguwukwa ku viŵanda ndi ufwiti. Wanguchita viheni vinandi mu maso gha Ambuya, kuŵasosomole ku ukari.

2 ŴaKaronga 22:17

Chifukwa ŵandijowo ine ndikuwoche vya chema kuŵachiuta ŵanyake, mwakuti ŵandisosomole ine ku ukari ndi nchitu zose za manja ghawo, chifukwa cho ukari wangu ukakolenga pa malo yagha, ndipo kuti ukazimwikanga cha.

Yesaya 65:3

ŵanthu wo ŵatindisosomo ku maso ghangu kwamkiyakiya, ŵakusaska chisopo mu minda ŵakocha vyachema pa nchelwa;

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Ezekiele 8:3

Ndipo wangutambaruwa kawonekero ka janja, wangundiko sisi lapa mutu wangu; ndipo Mzimu ungundisoske pachanya pakati pa charu chapasi ndi kuchanya, wangunditore mu viwonesko vyaku Chiuta ku Yerusalemu, pakuselere pa likomo la luluwa la mukati lo lilereska ku nkhonde, ko kwenga chitengo cha chikozgu cha sanji, cho chisosomole ku sanji.