Marangu 32:16 - Tonga Bible 1986

¹⁶ Ŵangumuyuska kuŵa ndi sanji ndi ŵachiuta ŵalendo, ndi machitidu ghaukazuzi ŵangumukalipiska.

Marangu 32:16 Referans Kwoze

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

1 ŴaKorinte 10:22

Pamwenga tisosomole Mbuya ku sanji, kumbi? Kumbi te ŵanthazi ifwe kwakuruska iyo?

2 ŴaKaronga 23:13

Karonga wangupasuwa malo gha pachanya gho ghenga ku vuma kwa Yerusalemu, ku malaŵi kwa Yerusalemu, ku malaŵi kwa phiri la ukazuzi, ghenigho Solomoni karonga waku Yuda wanguzenge Ashatoreti ukazuzi wa ŵina Sidoni, wanguzenge Kemochi ukazuzi wa ŵaMoabu, ndi wanguzenge Milkomu ukazuzi wa ŵaAmoni.

1 ŴaKaronga 14:22

Ndipo ŵaYuda wanguchita cho chenga uheni mu maso gha Ambuya, ndipo anguŵayuskiya kusanji ndi mauheni ghawo, kuruska mauheni ghose gho auskeu wanguchita.

Marangu 7:25

Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.

Marangu 5:9

Ungavilambiyanga chingana nkhuvitataliya, chifukwa ine, Ambuya Chiuta wako, nde Chiuta wa sanji, wakusiskiya uheni wa auskeu pa ŵana mpaka mgonezi wa chitatu ndi wachinayi wakuŵeniwo ŵatinditinkha,

ŴaLevi 18:27

(pakuti maukazuzi ghose yagha ndigho ŵanguchita ŵanthu ŵa charu ichi wo ŵengamo kale; viyo kuti charu chingukazuzgika);

Marangu 32:21

Ŵandiyuskiya ine ku sanji paku cho kuti ndi chiuta cha. Ŵandisosomo ndi ŵangoza ŵawo. Viyo ine ndikaŵayuskiyanga ku sanji ndi wo kuti mbanthu cha. Ndikaŵasosomonga ndi mtundu wakupusa.

Sumu 106:29

Ndi nchitu zawo ŵanguyuska ukari wa Ambuya, ndipo nthenda yakofya yingubuka mukati mwawo.

Yesaya 43:12

Ndingutaula, ndingutaska, ndi kumemeza, pa nyengo yeniyo mwengavi chiuta mlendo mukati mwinu; ndipo imwe mwe ŵakaboni ŵangu”, atiti Ambuya.

Yeremiya 2:25

Kanizga maphazi ghako kuŵa ghambura skapato ndi chigolomelo chinu chambura nyota cha. Kweni imwe munguti, ‘Palivi kakulindizga, pakuti ndanja ŵalendo, ndirutenge kuŵalondo.’

Yeremiya 7:18

Ŵana ŵadeŵa nkhuni, auskeu ŵakozga moto, ndipo ŵanthukazi ŵakantha nthimphwa, kubikiya viŵande fumukazi ya kuchanya; ndipo ŵadira mipasku ya kumwa ku ŵachita ŵanyake, kundisosomole ine kukukaripa.

Ezekiele 8:3

Ndipo wangutambaruwa kawonekero ka janja, wangundiko sisi lapa mutu wangu; ndipo Mzimu ungundisoske pachanya pakati pa charu chapasi ndi kuchanya, wangunditore mu viwonesko vyaku Chiuta ku Yerusalemu, pakuselere pa likomo la luluwa la mukati lo lilereska ku nkhonde, ko kwenga chitengo cha chikozgu cha sanji, cho chisosomole ku sanji.

1 ŴaKaronga 14:9

Kweni iwe wachita mphurupuru kuruska wose wo ŵengako paurongo pako ndipo wajipangiya ŵachiuta ŵamwenga, ndi ŵangoza ŵakusongono, kundisosomole ku chikwiya, ndipo wanditaya kuvuli kwako,

2 ŴaKaronga 17:11

ndipo mwenimuwa ŵangocha vyachema pa malo gho ŵachitiyanga paurongo pawo. Ŵanguchita vinthu viheni, kusosomole Ambuya ku ukari,

2 ŴaKaronga 17:17

Ndipo ŵangocha ŵana ŵawo ŵanthurumi ŵanthukazi kuŵa mipasku ndipo wanguchita maula ndi kombeza ndipo ŵangujiguliska ku kuchita uheni mu maso gha Ambuya kuŵasosomole ku ukari.

2 ŴaKaronga 21:6

Ndipo wangocha mwana wake uli ndi mpasku, ndipo so wachitanga uchanusi ndi kombeza, wanguwukwa ku viŵanda ndi ufwiti. Wanguchita viheni vinandi mu maso gha Ambuya, kuŵasosomole ku ukari.

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”