Marangu 32:13 - Tonga Bible 1986

¹³ Wangumukwezga pa malo gha pachanya gha charu chapasi. Ndipo wangurgha vipasi vya mu munda. Wangumuliska uchi wakutuwa mujarawe, ndi mafuta ghakutuwa mu jarawe lakuŵalika.

Marangu 32:13 Referans Kwoze

Yesaya 58:14

po ndipo mukakondwerenga mu Ambuya, ndipo ine ndikakugariskaninga pa machanya gha charu chapasi; ndikamuliskaninga ndi chihara chaku Yakobe uskemwe, pakuti Ambuya akamba.”

Jobu 29:6

penipo marundi ghangu ndichenda ghasukikanga ndi mkaka; ndipo majarawi ghandidiriyanga twa mafuta!

Sumu 81:16

Mphanyi ndingumurghiskani trigu wa kunozga, ndikumugutiskani ndi uchi wa mdondo.”

Ezekiele 36:2

Viyo atiti Ambuya Chiuta: Pakuti murwani pakukamba vya paku imwe wanena kuti, ‘Aha! Malo gha pachanya gha mwaka ghaŵa chihara chidu,’

Marangu 33:29

Wakukondwa ndiwe Yisraele we! Ndiyani yo wenge ndiwe? Mwa ŵanthu ŵakutaskika ndi Ambuya. Iwo ndi nguru ya chovyo chinu, ndi lupanga la upundi winu! Ŵamawongo ŵinu ŵakazanga kunyengere imwe; ndipo mukaphwatanga pa malo ghawo ghakusopiyapo.”

Marangu 33:26

“Palivi nanga njumoza yo we uli ndi Chiuta, Jeshuruni we, mweniyo wasika mu machanya kuzachovya iwe, ndi mu uchiyembwe wake waziya mumdengwendi.

Yesaya 48:21

Ŵengavi kuvwa nyota penipo wanguŵarongozga ŵachiporota mu mabozwa; wangupopomeska maji ghakumwa iwo, kutuwa ku jarawe; wanguwaruwa jarawe ndipo maji ghangupopome kubwalo.

Ezekiele 21:17

Ine nane so ndikakuŵanga ghangu manja, ndipo ndikagutiskanga ukari wangu; ine Ambuya ndarongoro.”

Marangu 8:8

Charu cha trigu ndi barile, cha mphereska ndi miti ya mkuyu, ndi ŵazobala, charu cha miti ya maolive, ndi uchi.

Marangu 8:15

Yo wangumurongozgani mu bozwa likuru ndi lakofya, lo lenga ndi njoka za moto ndi vipiriri, ndi malo ghayumu ghambura maji mweniyo wangumutuzgiyani maji mu jarawe la sangarawi.

2 Samuele 22:34

Wachitiska marundi ghangu nge ndi marundi gha mphoyo yinthukazi, ndi kundijariska kwakukhozgeka mu malo gha pachanya.

Jobu 20:17

Kuti wakalereskanga pa misinji cha, tumusinji twakuzazika ndi uchi, ndi mafuta.

Sumu 18:33

Wachitiska marundi ghangu nge ndi marundi gha mphoyo, ndi kundijarika kwakudekha pa vya pachanya.

Hoseya 13:6

Kweni po ŵangurgha ukongwa, ŵanguguta, ndipo mtima wawo ungujitukumuwa; chifukwa ichi ŵangundiruwa.

Marangu 28:47

“Chifukwa cha unandi wa vinthu vyo mwenga navyo, mwengavi kuŵateŵete Ambuya Chiuta winu ndi chimwemwe ndi likondwa la mu mtima;

Ezekiele 16:13

Viyo ndimu ungusatirikiya golide ndi siliva; ndipo vyakuvwara vyako vinguŵa vya bafuta wakutowa, saru yakuwolofoka, ndi saru yakujeduka ya maŵangamaŵanga; warghanga ufwa wa trigu wakung'ibuka, uchi, ndi mafuta. Ungukuwa wakutowa kwakufikapo, ndipo ungufika pa mazaza gha ukaronga.