Marangu 32:10 - Tonga Bible 1986

¹⁰ “Wangumusaniya mu charu cha mapopa, ndi mukukoroma kwaŵaka kwa bozwa. Wangumuzinga, wangumuphwere, wangumusunga uli ndi mboni ya jiso.

Marangu 32:10 Referans Kwoze

Hoseya 13:5

Ndenga ine yo wangukuziŵani mu mapopa, mu charu cha chilala.

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Sumu 17:8

Ndisungeni nge nkhana ka jisu; mundibise mu mduzi wa mapapiku ghinu,

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Sumu ya Zisumu 8:5

Ndiyani yuwa watuza kutiliya ku bozwa, wayegeme pa wakwanjiwa wake? Ndingukuyuska iwe musina mu muti wa muŵaŵa. Kwenikuwa anyoko ŵenga musuzgu chifukwa chako, kwenikuwa ndiko wakukubala iwe wenga musuzgu.

Nthanthi 7:2

sunganga marangu ndi ujenge wamoyo, sunganga kurunguchizga kwangu uli ndi mboni ya jisu lako;

ŴaRoma 2:18

ndi uteska khumbu lake, ndi ukhozga vyo vyamamphaku;

Marangu 4:36

Wangumuvwiskani mazu ghake kutuwa kuchanya mwakuti wamusambizgeni, ndipo pa charu chapasi wakukurongoni moto wake ukuru, ndipo munguvwa mazu ghake ghakuturiya mukati mu moto.

ŴaRoma 3:2

Nchinandi kosekose; chakudanga na, nchakuti ghangupazgikiya iwo manenedu ghaku Chiuta.

Marangu 1:19

“Ndipo tingusoka pa Horebe ndi kuporota mu mobozwa ghakuru ndi ghakofya ghenigha munguwona mu nthowa ya mapiri gha Amori, nge ndimo Ambuya Chiuta widu wangutilanguliya, ndipo tinguza ku Kadeshebarnea.

Marangu 1:31

Ndi mu mabozwa munguwona mo Ambuya Chiuta winu wangumuphwereliyani nge ndimo munthu waphwerere mwana wake, mu nthowa yose yo mungwenda mpaka mwazifika mu malo ghano.’

Sumu 107:40

wangurongo kukara kwake pa ŵakuŵakandirizga, ndipo wanguŵayingiska mu bozwa lambura nthowa;

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 13:11

Pakuti nge ndimo lamba likhore mu chiunu cha munthu, viyo ndimundinguchitiya nyumba yaku Yisraele ndi nyumba yaku Yuda kukhore mwaku ine, atiti Ambuya, alinga kuti ŵaŵe ŵanthu, zina, rumbu ndi unkhankhu kwaku ine; kweni kuti ŵangunkhumba kutegherezga cha.

Ezekiele 16:5

Pengavi yo wangukuchitiya lisungu, kuti wachitepo kamoza ka vinthu ivi mu chitima cha paku iwe; kweni ungupong'eka ku dondo, pakuti ungutinkhika pa zuŵa la kupapika kwako.

Ezekiele 20:36

Nge ndimo auskemwe ndinguŵeruzgiya mu mapopa mu charu cha Egipiti, ndimo nderuzgiyenge imwe, atiti Ambuya Chiuta.

Hoseya 11:3

Ndipuuli ndine ndingusambizga Efraimu kwenda. Ndinguŵato ndi kuŵavumbatiya mu manja ghangu, kweni kuti ŵanguziŵa cha kuti ndine ndinguŵachizga.

Estere 6:13

Ndipo Hamani wangukonkhome Zeresi muwoli wake ndi mabwezi ghake ghose vyose vyo vingumuwiya. Viyo ŵanthurumi ŵake ŵazeru ndi muwoli wake Zeresi ŵanguti kwaku iyo, “Asani Mordikayi ngwa mphapu ya ŵaYuda, mweniyo iwe wayamba kusikiya pasi pake, palivi kuti umpundenge, uŵengedi wakugwada, paurongo pake.”

Zekariya 2:12

Ndipo Ambuya asankhenge Yuda nge ndi phande lawo mu charu chakupaturika cho, ndipo asankhenge so Yerusalemu.”