Marangu 32:1 - Tonga Bible 1986

¹ “Tegherezgani gutu, mwa machanya mwe, ndipo ndikakambanga; charu chapasi chivwe mazu ghamu mlomo wangu.

Marangu 32:1 Referans Kwoze

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Yeremiya 22:29

Owe wa charu, charu, charu, ivwa mazu gha Ambuya.

Sumu 49:1

Avwani ichi, mose mwa ŵanthu! Khazgani makutu, mose mwa ŵakuja mu charu,

Yeremiya 6:19

Yivwa, wa charu chapasi we; ndikazanga ndi chiheni pa ŵanthu yaŵa, chipasi cha vipangu vyawo! Chifukwa walivi kuphwere mazu ghangu: ndipo nge ndi dangu langu ŵalikana.

Sumu 50:4

Wadana ku malo gha kuchanya ndi ku charu chapasi, mwakuti weruzgi ŵanthu ŵake:

Marangu 31:28

Ndiwunjikiyeni kunu ŵara wose ŵa makhamu ghinu ndi ŵamazaza ŵinu, alinga kuti ndikambe mazu yagha mu makutu ghawo, ndi kudana charu cha kuchanya ndi charu chapasi kuchita ukaboni paku iwo.

Marangu 30:19

Ndidanirizga kuchanya ndi charu chapasi kuchita ukaboni paku imwe msana wale, kuti ine ndiŵika paurongo pinu umoyo ndi nyifwa, thumbiko ndi thembo. Chifukwa cho sankhanipo umoyo alinga kuti imwe ndi mphapu zinu mujenge ŵamoyo,

Yeremiya 2:12

Zizwani, mwa machanya mwe, paku ichi, mutentheme, ndi muliye, atiti Ambuya,

Marangu 31:30

Sono Mosese wangukamba mazu gha sumu iyi mpaka ghangumara mu makutu gha ungano wose wa ŵaYisraele.

Yesaya 34:1

Ndereni pafupi, mwa ŵa mitundu mwe, kuzachivwa, ndipo tegherezgani, mwa ŵanthu mwe! Charu chapasi chitegherezge, ndi vyose vyakuzaza mwake, charu, ndi vyose vyakutuwa mwaku cho.

Marangu 31:19

Viyo sono ulembe sumu iyi, ndi usambizge ŵaYisraele, uyiŵike mu milomo yawo mwakuti sumu iyi yiŵe kaboni wangu ku ŵaYisraele.