Marangu 30:9 - Tonga Bible 1986

⁹ Ambuya Chiuta winu wakamusakatiskaninga kwakuzara mu nchitu yose ya janja linu, mu chipasi cha liŵavu linu, ndi chipasi cha ng'ombe zinu, ndi mu chipasi cha minda yinu. Pakuti Ambuya akaŵikangapo so mtima pakumusakatiskani uli ndimo anguchitiya ndi auskemwe,

Marangu 30:9 Referans Kwoze

Yeremiya 32:41

Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Marangu 28:4

Vikatumbikikanga vipasi vyamu liŵavu linu, ndi vipasi vya nyata yinu, ndi vipasi vya viŵetu vinu, kwandana kwa ng'ombe zinu, ndi ŵana ŵa mberere zinu.

ŴaLevi 26:4

ndikakupaskaninga vuwa mu nyengo zake, ndipo charu chikapasanga vipasi vyake.

Yohane 15:11

Vyenivi ndakukambiyani, alinga kuti chimwemwe changu chiŵe mwinu, ndi kuti chimwemwe chinu chifiskike.

Luka 15:32

Kweni kungwenere kukondwere ndi kumwemwete: pakuti uyu mhurwa wako wenga wakufwa, ndipo wawere mu umoyo; wenga wakutayika, ndipo wabowozgeka.’ ”

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Yesaya 65:19

Ndikakondwanga mu Yerusalemu ndikasekerenga mu ŵanthu ŵangu; chiwawa cha kuliya kuti chikavwikanga so cha mwaku iyo ndi kuliya kwa masuzgu.

Marangu 28:63

Ndipuuli ndimo wangukondwere kumuchitiyani umampha ndi kumwandaniskani, ndimo Ambuya akakondwiyanga mu kutole pharghang'iku pinu ndi kumumarani, ndipo mukazuwikanga mu charu chenicho mukaserengamo kwachiŵa chinu.

ŴaLevi 26:6

Ndikapaskanga chimangu mu charu mwakuti mukaranga pasi kwakufwasa, ndipo paulengevi nanga njumoza wakumofyani. Ndikatuzgangamo vikoko vyakofya mu charu ndipo lipanga kuti likaporotanga mu charu chinu cha.

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

Yesaya 62:5

Pakuti mo munyamata watole mwali, viyo ŵana ŵinu ŵakatonga imwe, nge ndimo mweninthengwa wakondwe pa mwali yo wato, viyo so ndimu Chiuta wakondwere paku imwe.

Marangu 30:8

Ndipo muwerezgengepo kusunga mazu gha Ambuya, ndi kusunga marangu ghake gho nditumulanguliyani msana wale.

Yeremiya 31:27

“Ehe, mazuŵa ghakazanga, atiti Ambuya, penipo ndikapandanga nyumba yaku Yisraele ndi nyumba yaku Yuda ndi mbuto ya munthu ndi mbuto ya nyama.

Marangu 7:14

Mutumbikikenge kwakuruska ŵanthu ŵanyake wose, kuti yiŵengepo cha, mbomi mu ŵanthurumi, pamwenga chumba mu ŵanthukazi, pamwenga ng'ombe zinu zambura kubala.

Yesaya 62:4

Kuti mukadanikanga so Ŵakujoworeka cha ndipo charu chinu kuti chikadanikanga Mapopa cha; kweni mukadanikanga likondwa Langu le mwake (Hefiziba), ndi charu chinu Wakuŵirwa (Beula); pakuti Ambuya akondwere mwaku imwe, ndipo charu chinu chikaŵirwanga.