Marangu 30:1 - Tonga Bible 1986

¹ “Ndipo penipo vinthu ivi vyose vituza paku imwe, thumbiko ndi thembo vyo ndiviŵika paurongo pinu, mukavikumbukanga mukati mu mitundu yose mwenimo Ambuya amudikiskiyani.

Marangu 30:1 Referans Kwoze

Marangu 30:15

“Awonani, ndaŵika paurongo pinu msana wale umoyo ndi umampha, ndi nyifwa ndi uheni.

Marangu 30:19

Ndidanirizga kuchanya ndi charu chapasi kuchita ukaboni paku imwe msana wale, kuti ine ndiŵika paurongo pinu umoyo ndi nyifwa, thumbiko ndi thembo. Chifukwa cho sankhanipo umoyo alinga kuti imwe ndi mphapu zinu mujenge ŵamoyo,

Marangu 29:28

ndipo Ambuya anguŵatuzga mu charu chawo ndi ukari ndi kandundu ufyu ndi kukwiya kukuru, ndi kuŵataya mu charu chinyake, uli ndimo kuliri msana wale.’

Luka 15:17

Ndipo wanguti wajiwezga mu mtima watinge, ‘Wamphotu ŵaringa ŵa ŵada ŵafurwa ndi vyaukurgha vinandi, ndipo ine panu ndiyowa ndi nja.

Ezekiele 18:28

Chifukwa wangurunguruka ndipo wakureka viheni vyake vyose vyo wachitanga, kuti wakafwanga cha, nadi wakaŵanga wamoyo.

Yesaya 46:8

“Kumbukani ichi ndi ghanaghanani, jikumbuskeni, imwe mwaŵatimbanizi,

Marangu 28:64

Ndipo Ambuya akamumbininiskiyaninga mukati mu ŵanthu wose kwamba ku umari wa charu chapasi, kuya ku unyake, ndipo mwenimuwa mwamuteŵete ŵachiuta ŵamwenga, ŵa muti ndi mwa, ŵeniwo chingana ndimwe chingana mbauskemwe ŵengavi kuŵaziŵa kali.

Yeremiya 8:3

Nyifwa yikarumbikanga kwakuruska umoyo ndi wose ŵakujapo wo ŵakajangapo ŵa mbumba iyi yiheni mu malo ghose mwenimo ndaŵadikiskiya, atiti Ambuya ŵa maŵanja.

Chiyambo 4:14

Awonani, mwandidikiska msana wale ku nyata; ndipo ndikabisikanga chisku; ndipo ndikaŵanga wakuthaŵathaŵa ndi wakiyingayinga pa charu chapasi, ndipo we yose wakundisaniya wakandibayanga.”

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 29:14

Ndikasanirikanga ndi imwe, atiti Ambuya, ndipo ndikakuwezgiyaninga umampha ndikukuunjikani pamoza kutuwa ku mitundu yose ndiku malo ghose kweniko ndikukudikiskiyani, atiti Ambuya, ndipo ndikakuwezgiyaninga ku malo kweniko ndingumutuzgani kuya ku umkoli.

Marangu 28:28

Ambuya akamupumaninga ndi vifusi ndi uchibulumatiya, ndipo akatimbanizganga maghanaghano ghinu.

Marangu 29:27

Chifukwa ichi ukari wa Ambuya ungukole pa charu ichi, angutole paku cho matembo ghakurembeka mu buku ili:

1 ŴaKaronga 8:34

iku vwani imwe kuchanya ko, ndipo gowokiyani kulakwa kwa khamu linu la Yisraele, ŵawezgiyeni so ku charu chenicho mungupaska ku auskeu.

2 Mikoka 30:9

Chifukwa asani mu were ku Ambuya, ŵabali ŵinu, ndi ŵana ŵinu ŵasaniyenge lisungu kwaku wo ŵakuŵako umkoli, ndi ŵakaweriyanga ku charu ichi. Chifukwa Ambuya Chiuta winu ngwalisungu ndi ngwaulemu, ndipo kuti wakang'anamuliyanga chisku chake kunyake kutuwako kwaku imwe cha, asani imwe muwere.”

Nehemiya 1:9

kweni asani mukaweriyanga kwangu ndi kusunga marangu ndi kughachita, chingana kumbininiskika kwinu kungalutiriya ku midengwendi yakutali ndikaŵawunjikanga pamoza kutuwa kweniko ndi kuza nawo ku malo gho ndasankha kuwandiska zina langu kweniko?’

Ezekiele 6:9

po ndipo ŵakupozomoka mwaku imwe ŵakandikumbukanga mukati mu ŵamitundu ko ŵatoreke umkoli, nditakuti ndaphwanya mtima wawo wa ureŵi wo wapatuka kwaku ine, ndi kujara maso ghawo gho ghang'anamukiya ku ureŵi ndi ŵangoza ŵawo; ndipo ŵachitenge mselu mu maso ghaku iwo ŵeneko pa mauheni gho ŵachita, pa maunyakazi ghawu ghose.

Zekariya 10:9

Chingana ndaŵambininiskiya mu ŵa mitundu, ndipuuli mu vyaru vyakutali ŵandikumbukenge, ŵajenge pamoza ndi ŵana ŵawo, ndi ŵakawenga.