Marangu 3:24 - Tonga Bible 1986

²⁴ ‘Ambuya Chiuta, mwamba kurongonda mteŵeti winu ukuru winu ndi janja linu la nthazi, chifukwa kungaŵa chiuta munyake yani kuchanya pamwenga mu charu chapasi, yo wangaziŵa kuchita kwakulingana ndi mlimu winu, ndi kwakulingana ndi nthazi zinu?

Marangu 3:24 Referans Kwoze

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Sumu 71:19

Urunji winu, Chiuta ufika ku mitambo. Vyo mwachita, mwachita vikuru ukongwa; kulivi nanga njumoza wakuyana namwe!

Marangu 11:2

Ndipo ghanaghanani zuŵa lino (pakuti ndikamba ku ŵana ŵinu cha ŵeniwo ŵachiziŵa cha pamwenga ŵalivi kuchiwona), ghanaghanani kuti Ambuya Chiuta winu wamurongoni, kumbukani ukuru wake, janja lake lanthazi ndi mkono wake wakunyoroka,

Sumu 86:8

Kulivi Chiuta nge ndimwe Ambuya mu ŵachiuta nanga njumoza kulivi yo wangaziŵa kuchita vyo imwe muchita.

2 Samuele 7:22

Mu chifukwa ichi ndimwe ŵakuru, A, Ambuya Chiuta; pakuti kulivi wakuyana namwe, ndipo kulivi Chiuta pade paku imwe kwakulingana ndi vyo tavwa ndi makutu ghidu.

Danyele 3:29

Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”

Yeremiya 10:6

Kulivi nanga njumoza wakukozgana namwe, Ambuya mwe; mwe ŵakuru, ndipo zina linu nda nthazi ukongwa.

Yesaya 40:25

Na sono mundiyaniskenge ndi yani, kuti ndikozgani nayo? watiti Mtuŵa Yumoza yo.

Sumu 145:6

Ŵanthu ŵakambenge vya milimu yinu ya nthazi, ine ndimemezenge ukuru winu.

Sumu 106:2

Njani wangakamba vya nchitu zikuru za Ambuya, njani yo wangaziŵa kuŵarumba kwakufikapo?

Sumu 89:8

Ambuya Chiuta wa maŵanja, njani wendi mazaza nge ndigho mwenagho imwe, Ambuya? Mwe ŵamagomekezgeka mu vinthu vyose, A Chiuta.

Sumu 89:6

Kuchanya kulivi wakuyana ndi imwe, Ambuya; kulivi nanga njumoza mu ŵachita wakulingana namwe,

Sumu 35:10

Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”

Nehemiya 9:32

“Viyo na Chiuta widu, mukuru ndi wakulimba ndi Chiuta wakofya, mweniyo wasunga phanganu ndi chifundu chikuru, maunonono ghose ghangawonekanga uli ngamana cha kwinu gho ghatiziya ifwe; ghaziya ŵakaronga ŵidu ŵanangwa ŵidu, ŵazukuru ŵidu, ŵamchimi ŵidu, auskefwe, ndi ŵanthu ŵinu wose, kwamba nyengo ya ŵakaronga ŵa Asiriya kufika msana wale.

Yesaya 40:18

Na nkhwakuyani ko mumuyaniskenge Chiuta, pamwenga nchikozgu nichi chakumuyaniskiyapo?

Sumu 145:3

Mbakuru Ambuya, ndipo mbakwenere kurumbika ukongwa; ukuru wawo ngwambura kupenjeka.

Chituwa 8:10

Ndipo iyo wanguti, “Lamawa.” Mosese wanguti, “Kuŵe uli ndimo mwanene, kuti muziŵe kuti kulivi nanga njumoza wakulingana ndi Ambuya Chiuta widu.

Chituwa 9:14

Pakuti nyengo yino yasono ndikatumanga videru vyangu vyose pa mtima wako, ndi pa ŵateŵeti ŵako ndi ŵanthu ŵako, alinga kuti muziŵe kuti kulivi nanga njumoza wakulingana ndi ine mu charu chose chapasi.

Marangu 3:23

“Ine ndinguŵeyere Ambuya nyengo yiya kuti,

Marangu 32:3

Pakuti ndikataulanga zina la Ambuya, kupereka ura kwaku, Chiuta widu!

1 ŴaKaronga 8:42

(pakuti ŵakavwanga ghazina linu likuru, ndi janja linu la nthazi, ndi mkono winu wakutambaruka), asani watuza kuzachiromba kuratana ndi nyumba iyi,

2 Mikoka 6:14

Ndi wanguti, “Ambuya Chiuta waku Yisraele, kulivi Chiuta wakulingana ndi imwe, mu machanya pamwenga pano pasi, wakusunga phanganu ndi kulongo lisungu ku ŵateŵeti ŵinu wo ŵatenda paurongo pinu ndi mitima yawo yose;

Sumu 150:2

Murumbeni chifukwa cha vinthu vikuru vyo wachita! Murumbeni kwakuyana ndi ukuru wake wakuruska!

Maŵerengedu 23:23

Pakuti kulivi nyanga yakumikana ndi Yakobe, kulivi kombeza kwakumikana ndi Yisraele; sono kukambikenge paku Yakobe ndi Yisraele, ‘Ehe cho Chiuta wachita!’