Marangu 3:17 - Tonga Bible 1986

¹⁷ Ndi Araba so, Yorani nge ndi mphaka yake kuturiya ku Kineroti kwachifika ku nyanja yamu Araba, Yo ndi Nyanja ya Mche kusendemu la phiri Pisiga, kuchiri kumatuwiro gha dazi.

Marangu 3:17 Referans Kwoze

Yoswa 12:3

ndi Araba, ku nyanja ya Kineroti ku chiri ku vuma, ndi kurata ku Betejeshimoti, ku nyanja ya Araba, Nyanja ya Mche, kuchiri ku malaŵi kuya kusina kwa sendemu za Pisiga;

Chiyambo 14:3

Ndipo wose yaŵa ŵangusazgana maŵanja mu dambo la Sidimi (yo ndi nyanja ya mche).

Yoswa 3:16

maji ghakusika kutuwa kunena ghanguma, ndipo ghanguŵa ndundu kutali, ku Adama, musumba wa pafupi ndi Zaretana, ndipo maji ghakulazga ku nyanja ya mu Araba, Nyanja ya Mche, ghose ghangudumulika, ŵanthu ŵangwambuka pa kulereskana ndi Yeriko.

Marangu 4:49

pamoza ndi Araba yose ku Yordane ku vuma, kwachifika ndi ku nyanja ya Araba musina mu Pisiga.

Yoswa 18:19

mphaka yijumpha kuya ku nkhonde mu mphepete mwa Bete-hogla; yimaliya pa dowoko lakunkhonde la Nyanja ya Mche, kuchiri ku matawi kwa Yordane: iyi ndi mphaka yaku malaŵi.

Yoswa 15:5

Ndipo mphaka yaku vuma ndi Nyanja ya Mche, mpaka ku zaru ku Yordane, mphaka yaku nkhonde yituwa pa dowoko la nyanja pa zaru la Yordane.

Yoswa 15:2

Mphaka yawo kuchiri ku malaŵi yituwa pa chigoti cha Nyanja ya Mche, kutuwa pa dowoko la lilereska kuchiri ku malaŵi;

Yoswa 13:27

ndi mu dambo Bete-harama, Bete-nimra, Sukoto, ndi Zafono, ndi ufumu wo ungujako waku Sihoni karonga waku Heshiboni, Yordane ndiyo mphaka, mpaka ku umari wa nyanja ya Kineroti, kusirgha ku Yordane kuchiri ku vuma.

Maŵerengedu 23:14

Ndipo wangumotore ku lisuwa la Zofimi, pachanya pa Pisiga, ndipo ŵanguzenga majochero gha sembe ghankhonde ndi ghaŵi, ŵangupereka nkhuzi yimoza ndi bira yumoza pa jochero le lose.

Chiyambo 13:10

Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Luka 5:1

Ndipo kunguŵa, uchinyekezgana pake mzinda wo kwachivwapo mazu ghaku Chiuta, mweneko nayo wamanga mu mphepete mu nyanja ya Genesarete;

Yoswa 19:35

Misumba ya malinga ndi Zidimi, Zera, Hamata, Raka, Kineroti,

2 ŴaKaronga 14:25

Wanguwerezgamo mphaka yaku Yisraele kwamba pakuserere mu Hamati kwachifika ku Nyanja ya Raba, kwakuyana ndi mazu gha Ambuya, Chiuta waku Yisraele, gho wangukambiya mu mteŵeti wake Yona mwana waku Amatayi, mchimi, yo wangutuwa ku Gatihefere.

Ezekiele 47:8

Wangundinene, “Maji yagha ghasikiya ku chigaŵa chaku vuma, ndipo gharuta mpaka mu Araba; ndipo po ghasere mu maji ghaheni ghamu nyanja, maji ghamu nyanja gho ghakaŵanga ghamampha.