Marangu 3:13 - Tonga Bible 1986

¹³ Chigaŵa chinyake cha Gileada ndi Bashani yose, ufumu waku Ogi, uku ndiku kuti, charu chose chaku Aragobo, ndingupaska chigaŵa chalwande cha fuku laku Manase. (Charu chose chaku Bashani chingudanika charu cha ŵina Refa.

Marangu 3:13 Referans Kwoze

Chiyambo 14:5

Mu chirimika cha chumi ndi vinayi (14) Kedorolomere ndi ŵakaronga wo wenga nayo pamoza ŵangupunda ŵaRefimi mu Ashtero-Karnaimi, ŵaZuzimi mu Hama, ŵaEmi, mu Shave-kiriathaimi,

Marangu 3:4

Ndipo tinguto misumba yake yose nyengo yiya, pengavi msumba wo tengavi kuronda kwaku iwo. Tinguto misumba machumi ghankhonde ndi limoza (60), ndi chigaŵa chose cha Aragobo ufumu waku Ogi karonga waku Bashani.

Marangu 3:12

“Penipo tinguronda charu kaŵa chidu, nyengo yiya ndingupaska ŵaRubene ndi ŵaGadi charu kutuwa ku Aroere yo waku Chidika cha Amoni, ndi chigaŵa cha mapiri ghaku Gileada ndi misumba yake.

Marangu 3:14

Jairi mwina Manase, wanguto charu chose cha Arogobo, cho ndi Bashani, kwachifika ndi ku mphaka za ŵaGashuru ndi ŵaMayakata ndi kuchidika zina lake Havotijariri ndi kunu kule.)

Marangu 29:8

Tinguto charu chawo ndi tinguchipaska kuŵa chihara ku ŵina Rubene, ŵina Gadi, ndi mtundu wa nusu waku Manase.

Marangu 29:7

Ndipo munguti mwaza ku malo yagha, Sihoni karonga wa Heshiboni, ndi Ogi karonga wa Bashani, ŵanguza ndi kurwana nafwe nkhondo, kweni tinguŵathereska.

2 ŴaKaronga 10:33

kwamba ku vuma kwa Yordane charu chose chaku Gileada, ŵaGadi, ndi ŵaRubene, ndi ŵina Manase; kwamba ku Aroere, yo we mu dambo la Arnoni, yo ndi Gileada ndi Bashani.