Marangu 28:12 - Tonga Bible 1986

¹² Ambuya akakujuriyaninga usambasi wawo wamampha mu machanya, kukupaskani vuwa pa charu chinu mu nyengo yake, ndi kutumbika nchitu yose ya manja ghinu. Ndipo mukateuliskanga mitundu yinandi, kweni imwe kuti mukateuwanga cha.

Marangu 28:12 Referans Kwoze

Marangu 15:6

Chifukwa Chiuta winu wakutumbikeninge nge ndimo wangupanganirana namwe, ndipo mukateuliskanga mitundu kweni imwe kuti mukateuwanga cha. Ndipo mukatufuliyanga mitundu yinandi, ndipo kuti yikamutufuliyaninga cha.

Marangu 15:10

Mumupaske kwawanangwa, mtima winu ungakwininikanga cha pakumupaska. Pa chifukwa ichi Ambuya Chiuta winu wakamutumbikaninga mu nchitu yinu yose, ndi mwaku chose cho mukatonga.

Marangu 11:14

wapaskenge vuwa pa charu chinu, mu nyengo yake, vuwa yakwamba ndi vuwa ya umari, mwakuti muwunjike trigu winu ndi vinyo winu, ndi mafuta ghinu.

ŴaLevi 26:4

ndikakupaskaninga vuwa mu nyengo zake, ndipo charu chikapasanga vipasi vyake.

Nthanthi 22:7

Musambasi wateruzga wakusauka, ndipo wakukongola ndi muŵandawa wakumukongoleska.

Marangu 14:29

ndipo muLevi, chifukwa walivi chigaŵa pamwenga chihara pamoza namwe, ndi mlendo ndi mranda wambura wiske, ndi choko wo ŵemu mizi yinu, ŵazirghenge ndi kuguta, mwakuti Ambuya Chiuta winu wamutumbikeni mu mlimu wose wa manja ghinu wo muchita.

Sumu 135:7

Ndiwo asoka mitambo kutuwa ku vigoti vya charu chapasi; achitiska malimphezi ghapaske vuwa, ndi kutuzga mphepo mu vyakusungiyamo vyake.

Marangu 28:44

Iyo wamuteuliskeninge, kweni imwe kuti mumuteuliskenge cha, wakaŵanga mutu kweni imwe mukaŵanga muchiya.

Jobu 38:22

“Kumbi waseremo mu zinyumba zakusungiyamo nyankhuŵinda, pamwenga mu malo ghakusungiyamo matarara,

Marangu 23:20

Ku mlendo mungaziŵa kukongoleska kwakuti waŵikepo vinyake, kweni ku mwana munyinu kuti mukongoleskiyenge kuŵikapo vinyake cha pachanya; alinga kuti Ambuya Chiuta winu wakutumbikeni mwaku vyose vyenivyo muchita mu charu chenicho mukaserengamo kwachichito kuŵa chinu.

Marangu 28:24

Ambuya akachitanga vuwa ya charu chinu livuvu ndi fuvu kutuwa ku mtambo yikang'anga paku imwe mpaka penipo mwamalika.

1 ŴaKaronga 18:1

Pavuli pa mazuŵa ghanandi, mazu gha Ambuya ghanguza kwaku Eliya, mu chirimika cha chitatu, ghakuti, “Ruta, ukajirongo kwaku Ahabu, chifukwa ndikatumanga vuwa pa charu chapasi.”

Ezekiele 34:26

Ndikazichitanga izo thumbiku pamoza ndi malo ghose ghakuzunguliya phiri langu; ndikatumanga vuwa mu nyengo yake; yikaŵanga vuwa yachitumbiku.