Marangu 26:5 - Tonga Bible 1986

⁵ “Ndipo mukamukanga paurongo pa Ambuya Chiuta winu, kuti, ‘MuAramu wakuyingayinga ŵenga ada; ndipo iyo wangusikiya ku Egipiti ndi wangugonera mwenimuwa, ndi mbumba yake yimanavi; ndipo muwa wanguguwa kuŵa mtundu ukuru, wakurimba, ndi wakwandana.

Marangu 26:5 Referans Kwoze

Marangu 10:22

Auskemwe auguzikiya ku Egipiti, ŵanthu machumi ghankhonde ndi ghaŵi (70), ndipo sono Ambuya chiuta winu wakwandaniskani nge ndi nyenyezi za kuchanya.

Chiyambo 46:27

ndipo ŵana ŵanthurumi ŵaku Yosefe wo ŵangupapika kwaku iyo mu Egipiti ŵenga ŵaŵi; ŵanthu wose ŵa nyumba yaku Yakobe wo ŵanguza mu Egipiti ŵenga machumi ghankhonde ndi ghaŵi (70).

Chiyambo 31:20

Ndipo Yakobe wangumugwentha Labani pakuti wengavi kumunene kuti wakathaŵanga.

Chiyambo 45:11

ndipo kwenikuwa ndazakumovyani, pakuti vichaliko virimika vinkhonde vya chilala vyo vituza; kopa kuti vinu imwe ndi ŵamu nyumba zinu, ndi vyose vyo mwe navyo, mungakavuka.’

Chiyambo 45:7

Ndipo Chiuta wangundituma kumudanjiriyani alinga ndikupozomoskiyeni ŵakusongo mu charu chapasi, ndi kuŵasunga ŵamoyo ŵakujapo.

Chiyambo 43:12

Muruti ndi ndrama za paŵi; muwereko nazo ziya zinguwezgeke mu milomo ya mathumba ghinu; akhumba chenga ŵaka chiruwa.

Chiyambo 31:24

Kweni Chiuta wanguza kwaku Labani mu Aramu yo mu loto ndi usiku, ndi wanguti kwaku iyo, “Chenje ungakamba cha mazu nanga ngamoza kwaku Yakobe, nanga ngamampha pamwenga ghaheni.”

Machitidu gha Ŵakutumika 7:15

Ndipo Yakobe wangusikiya ku Egipiti; kweniko wangufwa iyo, ndi so auskefwe;

Hoseya 12:12

Yakobe wanguthaŵiya ku charu cha Aramu, Yisraele wanguteŵeta kwenikuwa chifukwa cha munthukazi, ndipo wanguliska mberere chifukwa cha munthukazi.

Chiyambo 25:20

Abrahamu wenga wiske waku Yisaki, ndipo Yisaki mu ura wenga wa virimika machumi ghanayi (40) po wangutole muwoli wake Rebeka, mwana munthukazi waku Betele muAramu yo waku Padani-aramu, mzichi waku Labani muAramu.

Chiyambo 24:4

kweni ukarutanga ku charu changu, ku ŵabali ŵangu, kwachimutole munthukazi mwana wangu Yisaki.”

Marangu 7:7

Po Ambuya angumwanjani ndi angumusankhani kuti nchifukwa chakuti mwenga ŵanandi kuruska ŵanthu ŵanyake cha, mwenga ŵamana kwakuruska ŵanthu wose cha.

Chituwa 1:12

Kweni mo ŵaŵasuzgiyanga ukongwa ndimo ŵarutizgiyanga kwandana, ndi ŵarutizgiyanga kuzaza charu. Ndipo ŵaEgipiti ŵangutenthema ŵaYisraele.

Chituwa 1:7

Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.

Chituwa 1:5

Wose ŵa mphapu yaku Yakobe ŵenga ŵanthu machumi ghankhonde ndi ghaŵi (70), Yosefe wenga kale mu Egipiti.

Chiyambo 47:27

Viyo Yisraele wanguja mu charu cha Egipiti mu charu cha Gosheni, ndipo wangusaniya vihara mwenimuwa, ndipo ŵangupapana ndi ŵangwandana kwakurutizga.

Chiyambo 31:40

Viyo ndimo, ndinguŵiya; chifundizi chingundipweteka ndi msana, kuzizira kungundipweteka ndi usiku, ndipo tulo twangu tungukamuka mu maso ghangu.

Chiyambo 28:5

Viyo ndimu Yisaki wangutumiya Yakobe; ndipo wanguruta ku Padani-aramu kwaku Labani, mwana waku Betuele muAramu, mzichi waku Rebeka nyina waku Yakobe ndi Esau.

Chiyambo 27:41

Sono Esau wangutinkha Yakobe chifukwa cha chitumbiku chenicho awiske wangumutumbika nacho, ndipo Esau wanguti kwaku yija, “Mazuwa ghakufwiya ada ghaŵandika; pavuli ndazamubaya mhurwa wangu Yakobe.”

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 47:4

Ŵanguti kwaku Farao, “Taziya kuzachija mu charu; pakuti chilala nchinonono ukongwa mu charu cha Kanani; ndipo sono timupemphani zomerezgani kuti ŵateŵeti ŵinu ŵaje mu charu cha Gosheni.”

Marangu 1:10

Ambuya Chiuta winu wakwandaniskani ndipo le mwe ŵanandi nge ndi nyenyezi zakuchanya.

Marangu 26:4

Sono mzukuru wakatonga sokora yo ku janja linu, ndi kuyiŵika pasi paurongo pa jochero la Ambuya Chiuta winu.

Hoseya 12:13

Ndi mchimi Ambuya angutuzga Yisraele mu charu cha Egipiti, ndipo ndi mchimi wangusungika.