Marangu 26:2 - Tonga Bible 1986

² mwamutopo vipasi vinyake vyose vyakudanga vya dongu lo, vyo mukavunanga. Mukaviŵikanga mu sokora, ndipo mukarutanga ku malo gho Ambuya Chiuta winu wakasankhanga, kuti zina lake liŵenge penipa.

Marangu 26:2 Referans Kwoze

Chituwa 23:19

“Vyakundanga vya vipasi vya nyata yinu mukazanga navyo mu nyumba ya Ambuya Chiuta winu. Mungabikanga kana kambuzi mu mukaka wa nyina cha.

Chituwa 23:16

Mukasunganga dghera la chivuna cha vipasi vyakudanga vya kutakataka kwinu, kwaku vyo mupanda mu minda. Mukasunganga dghera la kuronga pa umari wa chirimika, muchiwezga ku minda vipasi vya kutakataka kwinu.

Ezekiele 44:30

Vipasi vyamruwuku vyamitundu yose, ndi mpasku we wose wamtundu wose wa mipasku yinu, vikaŵanga vya ŵazukuru; mukapaskanga ŵazukuru nthimphwa yinu yakudanga ya mugayiwa, mwakuti chitumbiku chijenge pa nyumba yinu.

Yakobe 1:18

Kwakuyana ndi khumbu lake wangutipapiya ndi mazu gha uneneska, kuti tiŵe ifwe mruwuku wakuti wa vilengeka vyake.

1 ŴaKorinte 16:2

Pa zuŵa lakudanga la sabata munthu yose waku imwe wajiŵikiye mbiku yake pade uli ndimo wasakatiya, alinga kuti vyakupereka vinu vireke kwazichitika ndichiza ine.

1 ŴaKorinte 15:20

Kweni sono wayuskika Kristu ku ŵakufwa, mruwuku waku wo mbakura.

ŴaRoma 11:16

Ndipo asani chigaŵa chakudanga cha chiŵande nchakupaturika, iku chiŵande chose nchakupaturika; ndipo asani nkhorozu njakupaturika mphanda nazo zipaturika.

ŴaRoma 8:23

Ndi viyo pe cha, kweni taŵeni nafwe, taŵakuŵa ndi mruwuku wa Mzimu, nafwe titamanthiya mkatikati mwaku taŵeni, taŵakulindizga kuŵa ŵana, uwombozi wo wa maliŵavu ghidu.

Ezekiele 48:14

Ŵareke kuguliska pamwenga kusinthaniska kachigaŵa ke kose kaku ichi; ŵareke kupaska ŵalendo chigaŵa ichi chakusankhika cha charu, chifukwa nchakupaturika ku Ambuya.

Ezekiele 20:40

“Chifukwa pa phiri langu lakupaturika, phiri litali ukongwa laku Yisraele, penipa nyumba yaku Yisraele, wose pamoza, ŵakanditeŵetiyanga mu charu, atiti Ambuya Chiuta; penipa ndipo ndikaŵarondiyanga, ndipo ndikakhumbanga mipasku yinu ndi vyakusankhika vya vyawanangwa vinu, ndi sembe zinu zamampha kwakuruska.

Marangu 16:10

Viyo mukarghanga dghera la ŵasabata nge ndimo Ambuya Chiuta winu wangumulanguliyani. Penipo zani ndi munthulu kupaska ku Ambuya Chiuta winu. Mukaperekanga kwakuyana nge ndimo Ambuya Chiuta winu wakusakatiskiyani.

Chituwa 34:26

Mukadanganga kuza ndi vipasi vyakudanga vya munda winu ku nyumba ya Ambuya Chiuta winu. Kuti mukabikanga kana kambuzi mu mukaka wa nyina cha.”

Chivumbuzi 14:4

Yaŵa mbeniwo ŵengavi kukazuzgika ndi ŵanthukazi; chifukwa ndi zimbeto. Yaŵa mbeniwo ŵarondo Mwana-mberere yo kweniko kose watiya. Yaŵa mbeniwo ŵakuwomboleka mu ŵanthu, kuŵa mruwuku kwaku Chiuta ndi ku Mwana-mberere yo.

ŴaRoma 16:5

ndipo tauzgani ŵampingu ŵamu nyumba yawo. Tauzgani Epaineto, nkhwanjiwa wangu, mweniyo ndi mruwuku wakudanga waku Asia kwaku Kristu.

Yeremiya 2:3

Yisraele wenga wakupaturika ku Ambuya, vipasi vyakudanga vya vuna yake. Wose wo ŵangurghapo vyo ŵangwananga; uheni unguza paku iwo, atiti Ambuya.”

Nehemiya 13:31

ndipo ndingurongosole mpasku wa nkhuni pa zinyengo zakutemeka ndi kurongosole vipasi vyakudanga, mundikumbuke ine, Chiuta wangu chifukwa cha umampha.

Nehemiya 12:44

Pa zuŵa leniliya ŵanthurumi ŵangumikika kutufuliya vipinda vya kusungiyamo mipasku, vipasi vyakudanga, ndi vyachichumi, kuwunjikamo mwaku vyo phande lakutemeka ndi dangu, la vya ŵazukuru ndi vya ŵaLevi kwakuyana ndi minda yamu mizi; pakuti Yuda wangukondwere pa ŵazukuru ndi ŵaLevi wo ŵateŵetanga.

2 Mikoka 31:5

Sosonukweni langulu linguti lawandiskika kose-kose, ŵaYisraele ŵangupereka vuna ya trigu yinandi yakudanga, vinyo, mafuta, uchi, ndi vyose vyakutuwa mu minda, ndipo ŵangupereka vya chichumi vinandi ukongwa.

2 Mikoka 6:6

Kweni ndasankha Yerusalemu kuti zina langu liŵemo, ndipo ndasankha Davidi kuti wause ŵanthu ŵangu ŵa Yisraele.’

2 ŴaKaronga 4:42

Munthu wanguza kutuwa ku Balashalisha, wangupingiya viŵande munthu waku Chiuta vya vipasi vya kudanga, mikati machumi ghaŵi ya barile, ndi mbuto zifya mu thumba lake. Ndipo Elisha wanguti, “Ŵapaske ŵanthu wo ŵarghenge.”

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.

Marangu 18:4

Vipasi vyakudanga vya mbeu zinu, vya vinyo winu, ndi mafuta ghinu, ndi vyakudanga vya weya wa mberere zinu, mukamupaskanga.

ŴaLevi 2:14

“Asani mupereka mpasku wa mbeu zinu zakudanga ku Ambuya, mukaperekanga mbeu zakupanda zifya za masoyo gha sono zakumizgika ndi moto.

ŴaLevi 2:12

Mpasku wa vipasi vyakudanga, mukaperekanga ku Ambuya; kweni kuti vikaperekekanga pa jochero cha, kuŵa fungu lakukondweska.

Chituwa 22:29

“Ungaswereskanga kupereka vya uzari wa vuna wako ndi ku vyakukumphiya vya kufinya kwa mphereska zako. “Waumwali wa ŵana ŵako ŵanthurumi ukapaskanga ine.

1 ŴaKorinte 15:23

Kweni yose mu mindondomeku wake: Kristu mruwuku; pavuli pake wo mbaku Kristu, pa uzi wake.

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

Marangu 26:1

“Muchisere mu charu cho Ambuya Chiuta winu watukupaskani kuŵa chihara, ndipo po mwachito ndi kuja mwenimo,

Marangu 26:3

Ndipo mukarutanga ku mzukuru yo wateŵeta pa nyengo yo. Mwamunena kwaku iyo, ‘Ndizomera msana wale ku Ambuya Chiuta wako kuti ndaza mu charu cho Ambuya angurapiya auskemwe kutipaska ifwe.’