Marangu 26:19 - Tonga Bible 1986

¹⁹ kuti mu kurumba ndi mu mbiri ndi ulemu ŵakamukwezgiyaninga pachanya kuruska mitundu yose yo ŵakulenga, ndi kuti mukaŵanga ŵanthu ŵakupaturikiya Ambuya Chiuta winu, uli ndimo ŵakukambiya.”

Marangu 26:19 Referans Kwoze

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Marangu 28:1

“Ndipo asani mukavwiyanga mazu gha Ambuya Chiuta winu, mwa kuphwere kuchita marangu ghose gho nditumulanguliyani msana unu, Ambuya Chiuta winu wakamusoskaninga kuŵa pachanya pa mitundu yose yamu charu chapasi.

Marangu 7:6

“Chifukwa imwe mwe ŵanthu ŵakupaturika kwa Ambuya Chiuta winu, Ambuya Chiuta winu wakusankhani kuti muŵe ŵake ŵapade, kutuwa ku ŵanthu wose wo ŵe pa charu.

Yesaya 62:12

Ndipo ŵakadanikanga ŵanthu Ŵakupaturika, Ŵakuwomboleka ŵa Ambuya; ŵanthu ŵakupenjeka, Muzi wambura kusiyika.

Chituwa 19:6

ndipo imwe mukaŵanga ufumu wa ŵazukuru ŵangu ndi mtundu wakupaturika wangu. Yagha ndigho mazu gho ukambenge ku ŵana ŵaku Yisraele.”

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

Zefaniya 3:19

Pa nyengo yo ndimarizgenge wose wo ŵatikusuzga. Nditaskenge ŵakuganthiya, ndi kuwunjika ŵakudikiskika, ndipo nding'anamuwenge soni zawo kuŵa marumbu ndi mbiri mu charu chose chapasi.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Yeremiya 13:11

Pakuti nge ndimo lamba likhore mu chiunu cha munthu, viyo ndimundinguchitiya nyumba yaku Yisraele ndi nyumba yaku Yuda kukhore mwaku ine, atiti Ambuya, alinga kuti ŵaŵe ŵanthu, zina, rumbu ndi unkhankhu kwaku ine; kweni kuti ŵangunkhumba kutegherezga cha.

Sumu 148:14

Asoske pachanya nthazi ya ŵanthu ŵawo, rumbani chifukwa cha ŵatuwa ŵawo, chifukwa cha ŵanthu ŵaku Yisraele, khamu lapa mtima wawo. Rumbani Ambuya!

Marangu 28:13

Ambuya akamuchitaninga kuŵa mutu, muchiya cha, ndipo mukaŵanga pachanya pe, pasi cha, asani muvwiya marangu gha Ambuya Chiuta winu gho ndimutauliyani zuŵa ili, mu kuphwere pakughachita,

Marangu 28:9

Ambuya akamikanga imwe kuŵa mtundu wakupaturika kwaku iwo ŵeneko, nge ndimo ŵarapiya imwe, asani musunga marangu gha Ambuya Chiuta winu ndi kwenda mu nthowa zake.

Marangu 27:1

Sono Mosese ndi ŵara ŵa ŵaYisraele ŵangulanguliya ŵanthu kuti, “Sungani marangu ghose gho nditukulanguliyani msana wale.

Yeremiya 2:3

Yisraele wenga wakupaturika ku Ambuya, vipasi vyakudanga vya vuna yake. Wose wo ŵangurghapo vyo ŵangwananga; uheni unguza paku iwo, atiti Ambuya.”

Zefaniya 3:20

Pa nyengo yo ndikuwezgiyenge kwako, mu nyengo yo ndikuwunjikenge pamoza. Inya ndikuchitenge kuŵa wambiri, ndi wamarumbika mukati mu ŵanthu wose ŵa panu pasi, po ndiwezgiyenge umampha wako paurongo pako,” atiti Ambuya.

Chituwa 19:5

Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;

Zekariya 8:13

Ndipo kuŵenge kuti, nge ndimo munguwiya thembo mukati mu mitundu, iwe nyumba yaku Yuda ndi nyumba yaku Yisraele, viyo ndimo ndimtaskiyeninge ndipo muŵenge ŵakutumbikika. Mungopanga, kweni manja ghinu ghakhome.”