Marangu 26:17 - Tonga Bible 1986

¹⁷ Mwataula msana wale gha pa Ambuya, kuti ndiwo Chiuta winu, ndi kuti mukendanga mu nthowa zake zose, ndi kusunga malangulu ghake ndi marangu ghake ndi vyeruzgu vyake, ndi mukavwiyanga mazu ghake.

Marangu 26:17 Referans Kwoze

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Chituwa 24:7

Sono wanguto buku la chipanganu, ndi wanguliŵerenga mu makutu gha ŵanthu; ndipo iwo ŵanguti, “Vyose vyo Ambuya akamba tikachitanga, ndipo tikaŵanga ŵakuvwiya.”

2 ŴaKorinte 8:5

ndipo so kupereka kwawo kunguruska mo ifwe tingugomekezge, kweni chifukwa nchakuti ŵangujipaska danga iwo ŵeneko ku Ambuya, ndi kwaku ifwe mu khumbo laku Chiuta.

ŴaRoma 6:13

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

Machitidu gha Ŵakutumika 27:23

Chifukwa kungumiya kwangu usiku uno mungelo waku Chiuta, waku mweniyo ndiri, Mweniyo so nditeŵete,

Yesaya 44:5

Uyu wakambanga, ‘Nde wa Ambuya,’ munyake wakajidananga ndi zina laku Yakobe, ndi munyake wakalembanga pa janja lake, ‘Wa Ambuya,’ ndi kujipaska chiwongo cha zina laku Yisraele.”

Yoswa 22:5

Muphwere ukongwa kusunga langulu ndi dangu lo Mosese mteŵeti wa Ambuya wangulanguliya imwe, kwanja Ambuya Chiuta winu, ndi kwenda mu nthowa zake zose, kusunga malangulu ghake, kumeremete kwaku iyo, ndi ku mteŵete ndi mtima winu wose ndi ndi mzimu winu wose.”

Marangu 30:16

Asani mukavwiyanga marangu gha Ambuya Chiuta winu, gho nditumulanguliyani msana wale pakwanja Ambuya Chiuta winu, pakwenda mu nthowa zake ndi pakusunga marangu ghake ndi visambizgu vyake, ndi vyeruzgu vyake, po ndipo mukajanga ŵamoyo, ndi mwandanenge. Ndipo Ambuya Chiuta winu wakamutumbikaninga mu charu chomukaserengamo kwachichironda kuŵa chinu.

Marangu 15:5

asani muvwiyenge pe mazu gha Ambuya Chiuta winu, kuŵa wakuphwere pakuchita dangu lose ili nditumulanguliyani zuŵa ili.

Marangu 13:18

asani muvwiya mazu ghake, kusunga marangu ghake ghose gho ndimulanguliyani zuŵa lino, ndi kuchita cho nchakurunjika mu maso gha Ambuya Chiuta winu.

Chituwa 20:19

ndipo ŵanguti kwaku Mosese, “Iwe ndiwe urongoronge nafwe ndipo tikavwanga; kweni Chiuta wareke kukamba nafwe vinu tingafwa.”

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

2 Mikoka 34:31

Karonga wanguma mu malo ghake, wanguchita chipanganu paurongo pa Ambuya kurondo Ambuya ndi kusunga marangu ghawo ndi visimisimi vyawo ndi vilayizgu vyawo ndi mtima wake wose ndi mzimu wake wose, kufiska mazu gha phanganu gho ghakulembeka mu buku ili.

Chituwa 15:2

Ambuya ndi nthazi yangu ndi sumu yangu, ndipo aŵa iwo utaski wangu: mweniyo ndi Chiuta wangu, ndipo ndikamurumbanga, Chiuta wa ada, ndipo ndikamukuzganga.

Chiyambo 28:21

mwakuti ndazamuwere so ku nyumba ya ada mu chimangu; iku Ambuya akaŵanga Chiuta wangu.

Chituwa 19:8

Ndipo ŵanthu wo ŵangwamukiya pamoza, ndi ŵanguti, “Vyose vyo Ambuya akamba tikachitanga.” Ndipo Mosese wangunene Ambuya mazu yagha gha ŵanthu.

Sumu 48:14

kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.

Marangu 27:10

Chifukwa cho mukavwiyanga mazu gha Ambuya Chiuta winu, musungenge marangu ghake ndi malangulu ghake, ghenigho ndakulanguliyani msana wale.”

Marangu 29:12

alinga kuti musere mu phanganu lakurapika ndi Ambuya Chiuta winu, lenilo Ambuya Chiuta winu wapangana namwe msana wale,

Yoswa 24:22

Sono Yoswa wangunena nawo, “Mwe ŵakaboni paku mwaŵeni kuti mwasankha Ambuya kuŵateŵete iwo.” Ŵanthu ŵanguti, “Te ŵakaboni.”