Marangu 26:16 - Tonga Bible 1986

¹⁶ “Msana wale Ambuya Chiuta winu watikulanguliyani kuchita malangulu yagha ndi vyeruzgu, viyo mukaŵanga ŵakuphwere ukongwa kuvichita ndi mtima winu wose ndi mzimu winu wose.

Marangu 26:16 Referans Kwoze

Yohane 14:15

“Asani mutindanja, musungenge marangu ghangu.

Marangu 12:1

“Ivi ndi visambizgu ndi vyeruzgu vyenivyo mutenere kuphwere kuvichita mu charu chenicho Ambuya, Chiuta wa auskemwe, wakumupaskani kuti chiŵe chinu, mazuŵa ghose gha umoyo winu panu pasi.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Marangu 12:32

“Chinthu chose cho ndimulanguliyani mutenere kuphwere kuchita; mungasazgiyako pamwenga kutuzgako cha.

Marangu 11:8

“Viyo mukasunganga marangu ghose gho ndikulanguliyani zuŵa lino, kuti muŵe ŵanthazi kwachisere ndi kwachironda charu chenicho mutuyako kwachironda,

Marangu 11:1

“Viyo mwanjenge Ambuya Chiuta winu ndi kusunga malamulu ghake, visambizgu vyake, vyeruzgu vyake, ndi marangu ghake mazuŵa ghose.

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

Marangu 6:17

Musunge kwalwana marangu ghose gha Ambuya Chiuta winu, ndi visimikizgu vyake, ndi visambizgu vyake vyo wangumulanguliyani.

Marangu 6:5

ndipo mwanjenge Ambuya Chiuta winu, ndi mtima winu wose ndi umoyo winu wose ndi nthazi zinu zose.

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Marangu 4:29

Kweni mwamupenja Ambuya Chiuta winu mweche kwenikuwa, ndipo mwakumusaniya asani mwakumupenja ndi mtima winu wose ndi umoyo winu wose.

Marangu 26:17

Mwataula msana wale gha pa Ambuya, kuti ndiwo Chiuta winu, ndi kuti mukendanga mu nthowa zake zose, ndi kusunga malangulu ghake ndi marangu ghake ndi vyeruzgu vyake, ndi mukavwiyanga mazu ghake.

Marangu 10:12

“Ndipo sono ŵaYisraele mwe, cho Ambuya Chiuta winu wakhumba kwaku imwe nkhopa Ambuya Chiuta winu kwenda mu nthowa zake zose, kumwanja, kuteŵete Ambuya Chiuta winu ndi mtima winu wose, ndi umoyo winu wose,