Marangu 26:15 - Tonga Bible 1986

¹⁵ Lereskani pasi kuturiya ko muja kwakupaturika, kuturiya kuchanya, ndi tumbikani ŵanthu ŵinu ŵaYisraele ndi munda wo mwatipaska, uli ndimo mungulumbiriya ku auskefwe, charu chakutaŵala mkaka ndi uchi.’

Marangu 26:15 Referans Kwoze

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Zekariya 2:13

Jani chisisi, mwa ŵanthu mose panthazi pa Ambuya, chifukwa ayuka mu malo ghawo ghakupaturika ghakujamo.

Machitidu gha Ŵakutumika 7:49

‘Kuchanya nchitengu changu chaufumu, ndipo charu nchitambaliru cha marundi ghangu. Mwamzenge ine nyumba yakutinji? atiti Ambuya, pamwenga ngane malo gha chipumulu changu?

Yeremiya 31:23

Viyo atiti Ambuya ŵa maŵanja, Chiuta waku Yisraele: “Ŵazamuwerezgapo so kukamba mazu yagha mu charu chaku Yuda ndi mu mizi yake, po ndikaŵawezgiyanga umampha: ‘Ambuya akutumbike wa nyumba yirunji, Wa phiri lakupaturika!’

1 ŴaKaronga 8:43

vwani imwe kuchanya ko malo gha uja winu, ndipo chitani kwakulingana ndi chose cho mulendo wadaniya kwaku imwe; mwakuti ŵanthu wose ŵa charu chapasi ŵaziŵe zina linu ndi kumopani imwe nge ndimo ŵachitiya ŵa khamu linu Yisraele, mwakuti ŵaziŵe kuti nyumba iyi ndazenga yidanika ndi zina linu.

1 ŴaKaronga 8:27

“Kweni kumbi nadi Chiuta wakajanga pa charu chapasi? Ehe, kuchanya weniukongwa kuti kuziŵa kumuyanani imwe cha, na uli ukongwako ndi umana wa nyumba iyi yo ndazenga!

Mateyu 6:9

Imwe rombani viyo: Auskefwe mwa ŵakuchanya, lipaturike zina linu.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Sumu 90:17

Ambuya Chiuta widu, vitumbiku vinu viŵe paku ifwe, ndipo mutisakatiske mwaku vyose vyo tichita! Inya, mwaku vyose mutisakatiske!

Sumu 51:18

Chitiyani umampha Zioni mu kukondwa kwaku mwaŵeni; zengani so malinga ghaku Yerusalemu,

Sumu 28:9

Taskani ŵanthu ŵinu, ndi ŵatumbikeni wo mbakumwaŵeni, muŵe imwe mliska wawo, ndipo muŵanyamuwe muyaya.

Marangu 26:7

Sono tinguliriya ku Ambuya Chiuta wa auskefwe, ndipo Ambuya anguvwa mazu ghinu, ndi anguwona kusuzgika kwidu ndi kutakataka kwidu, ndi yuzgu lidu.

Marangu 26:9

Ŵangutitole mu malo yagha ndi ŵangutipaska charu ichi, charu chakutaŵala mkaka ndi uchi.

Marangu 26:14

Ndilivi kurghapo chachichumi penipo ndatenjenga, pamwenga kutuzgako penipo ndenga wambura kuphotoka. Ndilivi kusaskako nanga nchimoza ku ŵakufwa. Ndavwiya mazu gha Ambuya Chiuta wangu kuchita vyose vyo mwandilanguliya.

2 Mikoka 30:27

Ndipo ŵazukuru ndi ŵaLevi ŵangusoka ndi ŵangutumbika ŵanthu, ndipo mazu ghawo ghanguvwika, ndi rumbo lawo lingukwere ku malo ghake ghakupaturika gha kuchanya.

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Sumu 80:14

A Chiuta wa maŵanja, weni ni! Kuchanya ko tilereskeni; zaninga ndi mutaske mphereska yinu!

Marangu 1:8

Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Marangu 6:3

Sono imwe ŵaYisraele vwani marangu ndi ghaphwereni pakughachita, kuti kumuŵiyeni kwamampha, ndi kuti mwandani ukongwa mu charu chakutawara mkaka ndi uche nge ndimo Ambuya Chiuta wa auskemwe wangupanganirana namwe.

Sumu 80:15

Zani, taskani mphereska iyi yo imwe mwaŵeni mungupanda, yenga yimana imwe munguyikuzga ndi nthazi!