Marangu 26:14 - Tonga Bible 1986

¹⁴ Ndilivi kurghapo chachichumi penipo ndatenjenga, pamwenga kutuzgako penipo ndenga wambura kuphotoka. Ndilivi kusaskako nanga nchimoza ku ŵakufwa. Ndavwiya mazu gha Ambuya Chiuta wangu kuchita vyose vyo mwandilanguliya.

Marangu 26:14 Referans Kwoze

ŴaLevi 7:20

wose wo mbakuphotoka ŵangargha nyama; kweni munthu yo ngwambura kuphotoka asani wargha nyama ya sembe yakuperekeke chifukwa cha chimangu cha Ambuya, muthu yo wakadumulikangako ku ŵanthu ŵake.

Hoseya 9:4

Kuti ŵamupaska sembe za vinyo cha kwa Ambuya; ndipo kuti ŵakumukondweska iyo cha ndi sembe zawo. Chiŵande chawo chikaŵanga nge nchiŵande cha ŵakutenje; wose wo ŵakachirghanga ŵakakazuzgikanga chifukwa chiŵande chawo chiŵenge cha nja yawo pe; kuti chikaserenga mu nyumba ya Ambuya cha.

ŴaLevi 21:11

wangaserenga cha ko kwe chiŵanda, manyi ncha awiske pamwenga cha anyina; wangajikazuzga;

ŴaLevi 21:1

Ndipo Ambuya anguti kwaku Mosese, “Kamba ku ŵazukuru ŵana ŵaku Aroni, unene kwaku wo kuti paulevi yumoza waku wo watenere kujikazuzga chifukwa cha wakufwa mukate mu ŵanthu ŵake.

Sumu 106:28

Ndipo ŵanthu ŵaku Chiuta ŵangujibatika ku kusopa Bala pa Peori, ndi ŵangurgha sembe zakupaskika ku ŵakufwa.

Malaki 2:13

Muzumbwiska jochero la Ambuya ndi masozi, ndi kuliya ndi kutamantha, chifukwa iyo kuti weche so kuphwere cha mpasku pamwenga kuuronde ku manja ghinu ndi ulemu.

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

Marangu 26:13

mutinge ku Ambuya Chiuta winu, ‘Ndatuzgamo chigaŵa chakupaturika mu nyumba yangu, ndipo ndachipaska ku muLevi, mlendo, wambura awiske, ndi choko, kwakulingana ndi langulu lino lose lo mwandilanguliya. Ndilivi kuswapo nanga ndi moza la marangu ghinu, chingana nkhughaluwa nako cha.

Marangu 26:15

Lereskani pasi kuturiya ko muja kwakupaturika, kuturiya kuchanya, ndi tumbikani ŵanthu ŵinu ŵaYisraele ndi munda wo mwatipaska, uli ndimo mungulumbiriya ku auskefwe, charu chakutaŵala mkaka ndi uchi.’

Yeremiya 16:7

Palivi yumoza wakamupaskanga wakutenje chiŵande, kumusangaruska chifukwa cha wakufwa; chingana nkhuti pakaŵanga nanga njumoza cha wakumupaska chandi cha chisangarusku kumwa chifukwa cha wiske pamwenga nyina.

Marangu 13:5

Kweni nchimi yiya pamwenga wakulota maloto yuwa wabayike chifukwa wakusambizgini kuti mugaruke ku Ambuya Chiuta winu, yo wamu tuzgani mu charu cha Egipiti ndi kumuwomboni ndi kumtuzgani mu nyumba ya uŵanda; ndichifukwa chakuti wamupatuskani kutuwa mu nthowa yeniyo Ambuya Chiuta winu wakumulanguliyani kwendamo. Viyo mutuzgengemo uheni mukati mwinu.

Marangu 15:5

asani muvwiyenge pe mazu gha Ambuya Chiuta winu, kuŵa wakuphwere pakuchita dangu lose ili nditumulanguliyani zuŵa ili.

Sumu 18:22

Pakuti vyeruzgu vyake vyose vyenga paurongo pangu, ndipo kuti ndataya vilangulu vyake cha.