Marangu 26:11 - Tonga Bible 1986

¹¹ ndipo mukakondwerenga mu vyamampha vyose vyo Ambuya Chiuta winu wapereka kwaku imwe ndi ku nyumba yinu, imwe, ndi mlendo yo we mukati mwinu.

Marangu 26:11 Referans Kwoze

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

ŴaFilipi 4:4

Kondwere ni mu Mbuya nyengo zose; ndikambenge so, Kondwani.

Yesaya 65:14

ehe, ŵateŵeti ŵangu ŵakambanga mu chimwemwe cha mtima kweni imwe mukaliyanga chifukwa cha kuŵaŵa kwa mtima, ndipo mukatenjenga chifukwa cha suzgu ya mzimu.

Marangu 28:47

“Chifukwa cha unandi wa vinthu vyo mwenga navyo, mwengavi kuŵateŵete Ambuya Chiuta winu ndi chimwemwe ndi likondwa la mu mtima;

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.

1 ŴaKorinte 9:11

Asani ifwe tingukumijiyani vyamzimu, nchinthu chikuru kumbi asani tivunenge ifwe tivunenge kwinu vya liŵavu?

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 27:7

Mwamupereka mipasku ya chimangu, ndipo mwamukurgha penipa; ndipo mwamukondwere paurongo pa Ambuya Chiuta winu.

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Wakutaula 3:12

Ndiziŵa kuti kulivi kamampha kwaku iwo kwakuruska kukondwa ndi kusekere mwaku iwo ŵija po ŵeche ndi umoyo;

Wakutaula 3:13

ndipo so nchawezi chaku Chiuta ku munthu kuti yose warghe ndi kumwa ndi kukondwere mu nchitu zake zose.

Wakutaula 5:18

Ehe cho ine ndawona kuŵa chamampha ndi chakwenere nkhurgha ndi kumwa ndi kuŵa ndi likondwa mu nchitu zose zo munthu wasuzgika nazo mu mazuŵa ghamanavi gha umoyo wake gho Chiuta wamupaska panu pasi, pakuti lenilo ndilo phande lake.

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.