Marangu 24:19 - Tonga Bible 1986

¹⁹ “Muchivuna mbeu zinu mu minda yinu, ndipo mwaruwamo nchinda mu munda, mungawerengako cha kwachiyito, nchinda yo yikaŵanga ya mlendo, wamasiya, ndi choko, alinga kuti Ambuya Chiuta winu wakutumbikeni mu nchitu yose yinu.

Marangu 24:19 Referans Kwoze

ŴaLevi 23:22

“Ndipo muchivuna vuna wa charu chinu, mungavunanga kwachifiska ku mphaka ya munda cha, chingana nkhukonkhoska kukonkho mwati mwavuna cha. Mukasiyiyanga ŵakavu ndi mlendo. Ine ndine Ambuya Chiuta winu.”

Marangu 14:29

ndipo muLevi, chifukwa walivi chigaŵa pamwenga chihara pamoza namwe, ndi mlendo ndi mranda wambura wiske, ndi choko wo ŵemu mizi yinu, ŵazirghenge ndi kuguta, mwakuti Ambuya Chiuta winu wamutumbikeni mu mlimu wose wa manja ghinu wo muchita.

Nthanthi 19:17

Mweniyo ngwa chifundu ku mukavu wakongoleska Ambuya, ndipo akamulipanga pa nchitu yake.

Luka 6:38

paskani, ndipo kupaskikenge kwaku imwe; mweso weneko, wakusindirika, ndi wakuyungunika, ndi wakufwapuka, ŵapaskenge mu chifuŵa chino chifukwa ndi mweso wo mutese, wesekiyenge so kwaku imwe.”

Yesaya 32:8

Kweni yo ngwakuzirwa wapanga vinthu vyakuzirwa, ndipo watuma mu vinthu vyakuzirwa.

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Marangu 26:13

mutinge ku Ambuya Chiuta winu, ‘Ndatuzgamo chigaŵa chakupaturika mu nyumba yangu, ndipo ndachipaska ku muLevi, mlendo, wambura awiske, ndi choko, kwakulingana ndi langulu lino lose lo mwandilanguliya. Ndilivi kuswapo nanga ndi moza la marangu ghinu, chingana nkhughaluwa nako cha.

Ruti 2:16

Ndipo so mumusololiyemo mbeu zinyake mu zinchinda, ndipo mumureke wakonkhonge, mungamukalipiyanga cha.”

Marangu 15:10

Mumupaske kwawanangwa, mtima winu ungakwininikanga cha pakumupaska. Pa chifukwa ichi Ambuya Chiuta winu wakamutumbikaninga mu nchitu yinu yose, ndi mwaku chose cho mukatonga.

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Nthanthi 14:21

Mweniyo wayuyuwa muzengezgani wake ngwa mphulupulu, kweni walikondwa ndi mweniyo wachita wezi ku wakusauka.

Marangu 24:18

kweni mukakumbukanga kuti imwe mwenga ŵaŵanda mu Egipiti, ndipo Ambuya Chiuta winu wangukuwomboni kutuwamo muwa, mwaku cho nditumulanguliyani kuchita ichi.

Ruti 2:2

Ndipo Ruti muMoabu wanguti kwaku Naomi, “Ndizomerezgeni kuya ku munda kwachikonkho mbeu muvuli mwaku yo wakundifwiya lisungu.” Ndipo wanguti kwaku iyo, “Rutanga mwana wangu.”