Marangu 24:18 - Tonga Bible 1986

¹⁸ kweni mukakumbukanga kuti imwe mwenga ŵaŵanda mu Egipiti, ndipo Ambuya Chiuta winu wangukuwomboni kutuwamo muwa, mwaku cho nditumulanguliyani kuchita ichi.

Marangu 24:18 Referans Kwoze

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Marangu 24:22

Mukumbukenge kuti mwenga ŵaŵanda mu charu cha Egipiti, mwaku cho nditukulanguliyani kuchita ichi.

Marangu 16:12

Mukakumbukanga kuti mwenga ŵaŵanda mu Egipiti, ndipo mutenere kuphwere kusunga marangu yagha.

Marangu 15:15

Mukakumbukanga kuti mwenga ŵaŵanda mu charu cha Egipiti, ndipo Ambuya Chiuta winu wangumuwomboni, viyo ndimulanguliyani dangu ili zuŵa ili.

Chituwa 22:22

Mungayuzganga choko che chose cha, pamwenga wamasiya.

ŴaLevi 19:33

“Asani mlendo watandara namwe mu charu chinu, mungamuchitiyanga phuzu cha.

Marangu 24:17

“Mungatimbanizganga cheruzgu chakurunjikiya mlendo pamwenga wamasiya, pamwenga kuto chivwalo cha choko kuŵa chikoli,

Marangu 24:19

“Muchivuna mbeu zinu mu minda yinu, ndipo mwaruwamo nchinda mu munda, mungawerengako cha kwachiyito, nchinda yo yikaŵanga ya mlendo, wamasiya, ndi choko, alinga kuti Ambuya Chiuta winu wakutumbikeni mu nchitu yose yinu.