Marangu 24:15 - Tonga Bible 1986

¹⁵ Mukamupaskanga mphoto yake pa zuŵa lenilo wamaliya kuteŵeta, dazi lenga lindasere (pakuti ngwakusauka, ndipo wakhumba malipiro), vinu wangakuliriyani ku Ambuya, ndipo mungachita uheni.

Marangu 24:15 Referans Kwoze

ŴaLevi 19:13

Mungayuzganga muzenegezgani winu cha; pamwenga kumubiya. Malipilo gha wanchitu mungaghasunganga usiku wose mpaka ku mlenji cha.

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Yeremiya 22:13

“Soka kwaku yo wazenga nyumba yake ndi kuwura ukongorekwa, ndi vipinda vyake vya pachanya ndi kuwura urunji; mweniyo watataliska mwanasi wake kwa waka, ndipo kuti watumupaska cha malipilo ghake;

Marangu 15:9

Chenjini vinu mungaŵa ghanoghono lakuyeya mu mtima yinu ndipo mungati, ‘Chirimika cha chinkhonde ndi chiŵi, chirimika cha chigowoke che pafupi,’ ndipo jiso linu liŵenge liheni kumikana ndi mbali winu mukavu, ndipo mutumupaska kanthu cha, wakamuliriyaninga ku Ambuya, ndipo ulakwi uŵenge kwaku imwe.

Jobu 35:9

“Chifukwa cha unandi wa vyakuzitiska ŵanthu ŵariya; wadana kuti ŵawovyeke chifukwa cha janja la wanthazi.

Jobu 34:28

Viyo wanguchitiska kuti kuriya kwa ŵakavu kufike kwaku iyo, ndipo wanguvwa kuriya kwa ŵakusuzgika.

Marko 10:19

Marangu utighaziŵa: ‘Ungabaya, ungareŵa, ungaba, ungasimikizga kwautesi, ungapusika, tumbika ausu ndi anyoko.’ ”

Mateyu 20:8

Kweni ghati ghaŵa mazuro, mwenimunda wangumunene mlinda wake, ‘Dana ŵanchitu, uŵalipire mphotu, kwanda ku ŵakumariya mpaka ku ŵakudanga.’

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Sumu 86:4

Ambuya, kondweskani mteŵeti winu, chifukwa ndiyinuskiya kwinu mzimu wangu.

Sumu 25:1

Ambuya, kwaku imwe, ndiyinuskiya mzimu wangu.

Sumu 24:4

Yo wendi manja ghakuphotoka ndi mtima wakutowa, yo kuti wayinuskiya ku utesi mzimu wake cha; ndipo kuti warapa kwakupusika cha.

Jobu 31:38

“Asani charu changu chiriya kumikana nani, ndi mugando yake nayo yariya pamoza nacho;

1 Timote 5:18

Chifukwa lititi lembo lo, “Ng'ombe yakupwantha trigu ungayisunamiskanga cha.” Ndipo, “Wanchitu ngwakwenere mphotu yake.”

ŴaLevi 25:35

“Ndipo asani mwana munyako ndi msauchi ndipo watondeka kuja umampha paku iwe, utenere kumusunga ndiwe; wakaŵanga uli ndi mlendo ndi wakutandara wachija nawe.

Jobu 31:13

“Asani ndakana mrando wa wanchitu wangu munthurumi ndi wanchitu wangu munthukazi, penipo ŵanguza ndi dandaulu lakumikana ndi ine;

Jobu 7:2

Nge ndi muŵanda yo wakhumba muduzi ndi nge ngwanchitu yo wapenja malipilo ghake.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.