Marangu 24:1 - Tonga Bible 1986

¹ “Penipo munthurumi wato munthukazi kuŵa muwoli wake, ndipo kuti watimuphwere cha, chifukwa chakureka kusaniyamo kamampha mwake, iku wamurembe kalata wachipata ndi kupereka mu janja lake, ndi wamudikiskemo mu nyumba yake.

Marangu 24:1 Referans Kwoze

Yeremiya 3:8

Wanguwona kuti chifukwa maureŵi ghake ghose Yisraele, wambura magomekezgeka yuwa ndingumudikiska ndi kumupaska karata wa chipata; kweni ndipuuli Yuda mzichi wake phula kuti wangopa cha, iyo nayo wanguruta kwachichita maureŵi.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

Marangu 22:29

sono munthurumi yo wangula nayo wakaperekanga ku wiske wa mwali yo ndrama za siliva machumi ghankhonde (50) ndipo munthukazi waŵenge muwoli wake, chifukwa wamutimbanizga; wareke kamupata mu mazuŵa ghake ghose.

Marangu 22:19

ndipo ŵakamulipiskanga ndrama za siliva machumi pe chumi (100) ndi kuzipaska ku wiske wa mwali yo, chifukwa watole zina liheni pa mwali wa ŵaYisraele. Ndipo iyo mwali wakaŵanga muwoli wake; wamupatenge cha mu mazuŵa ghose gha umoyo wake.

Marangu 22:13

“Asani munthu we yose wato munthukazi, ndi waseremo ndipo watimujowole nkhaza,

Marangu 24:3

ndipo munthurumi yuwa wa pavuli watimutinkha ndi watimurembe kalata wachipata ndi kupereka kalata yo mu janja lake ndi watimudikiskamo mu nyumba yake, pamwenga asani munthurumi wa pavuli wafwa, mweniyo wangumuto kuŵa muwoli wake,

Chituwa 21:10

Asani watijitore munthukazi munyake, kuti wapunguwengepo unandi wa chakurgha chake cha, vyakuvwara vyake cha, pamwenga mazaza ghake gha nthengwa cha.

Luka 16:18

“Yose wakupata muwoli wake ndi wakuto munyake wachita ureŵi: ndipo yose wakuto wakudikika ndi mrumi wake wachita ureŵi.

Mateyu 1:19

Ndipo Yosefe mrumi wake, pakuŵa mrunji wangukhumba cha kumlengeska, watinge wampate ŵaka kwachisisi.

Malaki 2:16

“Chifukwa nditinkha chipata,” atiti Ambuya ŵa maŵanja, “viyo chenjeni mureka kuŵa ŵambura magomekezgeka.”

Marangu 21:15

“Asani munthurumi we ndi ŵanthukazi ŵaŵi, watanja yumoza kweni watinkha munyake, ndipo wose ŵaŵi, wakwanjiwa ndi wakutinkhika ŵamubaliya ŵana. Asani wakudanga kupapika ngwa wakutinkhika,

Maŵerengedu 5:12

“Kamba ndi ŵaYisraele, asani muwoli wa munthu wabuda wamunangiya wachita kwambura magomezgeka,

Maŵerengedu 5:28

kweni asani munthukazi walivi kukazuzgika, ngwakuphotoka, wakapozomokanga ndipo wakapapanga ŵana.

Marangu 24:2

Ndipo asani munthukazi yo waruta ndi watachiŵa muwoli wa munthurumi munyake,

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.