Marangu 23:6 - Tonga Bible 1986

⁶ Imwe kuti mukapenjanga chimangu chawo cha, pamwenga kusakata kwawo, mu mazuŵa ghinu ghose muyaya.

Marangu 23:6 Referans Kwoze

Ezra 9:12

Chifukwa ichi rekani kuzomerezga ŵana ŵinu ŵanthukazi kutorana ndi ŵana ŵawo ŵanthurumi, chingana nkhuzomerezga ŵana ŵinu ŵanthurumi kuto ŵana ŵawo ŵanthukazi; mureke kupenja chimangu chingana mbusambasi wawo. Viyo muŵenge ŵanthazi, murghenge vyamampha vya charu ndi kuchisiyiya ŵana ŵinu, chiŵenge chihara chawo muyaya.

2 Samuele 12:31

wangutuzgamo ŵanthu wo ŵengamo, wanguŵaŵika pa nchitu za kucheka mathabwa, zakukumba pasi ndi visulo, zakutema ndi zimbavi zachisulo ndipo wanguŵapaska nchitu za kuwumba ncherwa. Viyo ndimo wanguchitiya mu mizi yose ya Amoni. Sono Davidi ndi khamu lose ŵanguwere ku Yerusalemu.

2 Samuele 8:2

Wangupunda ŵamoabu, ndipo wanguŵapima ndi chingwi wanguŵagoneka pasi; wangupima mizere yiŵi kuti ŵabayike, ndipo muzere utali umoza kuŵasiya ŵamoyo. ŴaMoabu ŵanguŵa ŵaŵanda kwaku Davidi ŵangupereka mthulu.

Danyele 4:27

Viyo, karonga, muronde chenjezgu, langu; mureke kuchita uheni, ndi mwanji kuchita urunji, mureke maubedezi ghinu pakurongo lisungu ku ŵakusuzgika, kuti vinu nyengo ya chimangu chinu yingakuskikiyako.”

Maŵerengedu 24:10

Ndipo Balaki wangukwiya ukongwa paku Balamu, ndipo wanguwomba chikufi, Balaki wangunena ndi Balamu, “Ndingukudana kuti uzitembe wakupindikana nane, kweni awona, iwe waŵatumbika sono nkhachitatu aka.

Marangu 7:8

Kweni nchifukwa chakuti Ambuya atumwanjani, ndipo asunga rapu lo angurapa ku auskemwe, ndimo Ambuya amutuzgiyani ndi janja lanthazi ndi kumuwomboni ku nyumba ya uŵanda, kutuwa mu janja laku Farao karonga wa Egipiti.

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

Mika 6:5

A! Mwa ŵanthu ŵangu, kumbukani cho Balaki, karonga wa Moabu wangughanaghana; ndi cho Balamu mwana waku Beori wangumwamuka; ndi cho chinguŵako kutuwa ku Shitimi ku Gilgala, mwakuti muziŵe milimu ya utaski wa Ambuya.”