Marangu 23:5 - Tonga Bible 1986

⁵ Ndipuuli Ambuya Chiuta wangukana kumutegherezga Balamu: kweni Ambuya Chiuta winu wangumsanduskiyani thembu kuŵa thumbiku linu, chifukwa Ambuya Chiuta winu wangukwanjani.

Marangu 23:5 Referans Kwoze

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Maŵerengedu 24:9

Wangula pasi, wangugona nge ndi nkharamu, ndipo nge ndi nkharamu yinthukazi; yo wakamuyuskanga njani? Watumbikike yose yo watumbika iwe, ndipo watembeke yose yo watemba iwe.”

2 ŴaKorinte 4:17

Chifukwa suzgu yidu yiyuyu yakanyengo yititataliya kwakutaruliya taruliya uzituwa muyaya wa unkhankhu wambura mapimika.

ŴaRoma 11:28

Kuchiri ku evangeli, mbamawongu chifukwa chaku imwe. Kweni kuchiri ku sankhu lo, mbakwanjiwa chifukwa cha ŵauskeu.

Mika 6:5

A! Mwa ŵanthu ŵangu, kumbukani cho Balaki, karonga wa Moabu wangughanaghana; ndi cho Balamu mwana waku Beori wangumwamuka; ndi cho chinguŵako kutuwa ku Shitimi ku Gilgala, mwakuti muziŵe milimu ya utaski wa Ambuya.”

Yeremiya 31:3

Ambuya angumuwoneke, kutuliya kutali. Ndakwanja ndi chanju cha muyaya, chifukwa cho ndaŵa ndi lisungu lakurutiliya paku iwe.

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

Nthanthi 26:2

Uli ndi kaŵeruŵeru mu mwenera wake, uli ndi kaŵeruŵeru mukuphuluruka kwake, thembo lo ndambula kafukwa kuti likonda cha.

Sumu 73:1

Nadi Chiuta ngwamampha kwaku Yisraele, kwaku wo mbakutowa mu mtima.

Marangu 33:3

Inya, anguŵanja ŵanthu ŵawo, wose wo ŵangupaturiskikiya kwaku iwo ŵenga mu janja lawo, viyo ŵangundondoroska mu marundi ghinu, ŵakuronde kurongozga kwinu,

ŴaRoma 9:13

Uli ndimo kwalembeke, “Yakobe ndamwanja, kweni Esau ndamtinkha.”

Maŵerengedu 22:35

Mungelo wa Ambuya wangunena ndi Balamu, “Rutanga nawo ŵanthu wo; kweni mazu pe ghenigho ndikupangizgenge ine, ndigho iwe wamukamba.” Viyo Balamu wangurutiliya ndi mafumu ghaku Balaki.

Malaki 1:2

Ambuya atiti, “Ndamwanjani.” Kweni imwe mutiti, “Mwatanja uli?” Ambuya atiti, “Kuti Esau ndi mbali waku Yakobe cha? Ndipuuli ndanja Yakobe,

Marangu 4:37

Ndipo chifukwa wangwanja auskemwe wangusankha mphapu yawo pavuli pawo, ndi kukutuzgani mu Egipiti ndi uŵapu wake ndi nthazi yake yikuru.

Yoswa 24:10

kweni kuti ndingukhumba kuvwa kwaku Balamu cha; mu chifukwa ichi wangumutumbikani viyo ndingukupozomoskani mu janja lake.

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

Nehemiya 13:2

pakuti ŵengavi kwachikumana ndi ŵana ŵaku Yisraele ndi chiŵande ndi maji, kweni ŵangukumba Balamu kulimbana ndi Yisraele kuŵatemba kweni Chiuta widu wangusanduska thembu lo kuŵa thumbiku.

Maŵerengedu 22:5

wangutuma mathenga kwaku Datani mwana waku Beori ku Petori, wo we pafupi ndi msinji mu charu cha Amawa kwachimudana, kuti, “Awona ŵanthu ŵakutuliya ku Egipiti ŵafika; ŵavimba charu chose, ndipo ŵaja kwakuthowezgana nane.

Marangu 2:29

nge mbana ŵaku Esau wo ŵaja mu Seiri ndi ŵaMoabu wo ŵaja mu Ara, mpaka ndilowoke kusere charu cho Ambuya Chiuta widu watipaska.’