Marangu 23:15 - Tonga Bible 1986

¹⁵ “Kuti mukamuperekanga ku mbuyake cha muŵanda mweniyo wathaŵa ku mbuyake yo waza kwinu,

Marangu 23:15 Referans Kwoze

1 Samuele 30:15

Davidi wangunena nayo, “Kumbi ungaruta nane ku liŵanja ili?” Iyo wanguti, “Ndirapiyeni kwaku Chiuta, kuti mukandibayanga cha, pamwenga kundipereka mu manja gha mbuyangu, ndipo ndikamutoriyanga ku liŵanja lo.”

Obadiya 1:14

Ndipo mphanyi kuti unguma mu nthowa cha kubaya ŵake wo ŵathaŵanga; pamwenga kuti, mphanyi ungupereka cha wo ŵangujapo mu zuŵa la suzgu.

Marangu 23:16

wakajanga ndi imwe, mukati mwinu, mu malo ghenigho wakasankhanga mukati mu umoza wa mizi yinu, mwenimo mutimukondwereska kwakuruska kose, mungamuyuzganga cha.

ŴaLevi 26:12

Ndikayendanga mukati mwinu, ndikaŵanga Chiuta winu, ndipo imwe mukaŵanga ŵanthu ŵangu.

Maŵerengedu 5:3

uŵatuzge wose munthurumi ndi munthukazi, ŵatuzgikiye kubwalo kwa ugoŵi, alinga kuti ŵareke kukazuzga ugoŵi wawo, mukati mo Ine ndija.”

Sumu 78:65

Kweni pavuli Ambuya anguyuka nge ngwakutuwa mu tulo; anguchita nge ndi munthu wanthazi yo waloŵe vinyo.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Yesaya 33:21

Kweni mwenimuwa Ambuya mu kuziza kwawo akaŵanga kuchiri kwidu, malo gha misinji yisani ndi tumisinji, mwenimo vyombo ndi malemu kuti vingakamo cha, nanga ndi ngaraŵa zakuzirwa kuti zingakamo cha.

Habakuku 1:13

Imwe mwe ndi maso ghatuŵa gho kuti ghalereska uheni cha, ndipo kuti mulereska pa ubudi cha, kumbi mulereskiyanji pa ŵanthu ŵambura chigomezgu, ndikuja ŵaka chete asani muheni wanyenga munthu murunji yo waruska iyo?

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.