Marangu 22:7 - Tonga Bible 1986

⁷ mumureke nyina warutenge, kweni twana mungajitole, alinga kuti kukuŵiyeninga umampha imwe, ndi kuti muŵe wamoyo nyengo yitali.

Marangu 22:7 Referans Kwoze

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Nthanthi 22:4

Mphoto ya kujiyuyuwa ndi kopa Ambuya mbusambasi ndi ulemu ndi umoyo.

ŴaLevi 22:28

Ndipo manyi nyina wake ndi ng'ombe pamwenga mberere, kuti mukabayanga zose ziŵi nyina ndi mwana mu zuŵa limoza pe cha.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Marangu 22:8

“Muchizenga nyumba yifya, muyichitiyenge chiguŵa cha pa mutenje winu, alinga kuti mureke kutole kalema ka ndopa pa nyumba yinu, asani weyose wangawa kutuwa paku yo.