Marangu 22:6 - Tonga Bible 1986

⁶ “Asani mwawona chizimbu cha kayuni mu muti we wose pamwenga pasi, mo mwe twana pamwenga mazira, ndipo nyina wavumbata twana pamwenga mazira, mungatonga nyina pamoza ndi twana cha;

Marangu 22:6 Referans Kwoze

ŴaLevi 22:28

Ndipo manyi nyina wake ndi ng'ombe pamwenga mberere, kuti mukabayanga zose ziŵi nyina ndi mwana mu zuŵa limoza pe cha.

Nthanthi 12:10

Munthu murunji waphwere umoyo wa chiŵetu chake, kweni lisungu la wamphulupulu ndi nkhaza.

Luka 12:6

Asi ŵaphwitu ŵankhonde ŵasaskika tumatambala tuŵi? Ndipo kuti waruwika yumoza waku wo cha pa maso ghaku Chiuta.

Chiyambo 8:17

Utuzge pamoza nawe chinthu chose cho che ndi umoyo viyuni ndi nyama ndi chinthu chakukwaŵa pa charu cho, kuti vitapate ukongwa pa charu, ndi vipapane ndi kwandana pa charu.”

Hoseya 10:14

Chifukwa ichi, mphomo ya nkhondo yiyukenge mukati mu ŵanthu ŵinu, ndipo malinga ghinu ghose ghapasulikenge, nge ndimo Shalamani wangupasuliya Betarabele mu zuŵa la nkhondo; ŵanyinawo ŵangutikinyika pamoza ndi ŵana ŵawo.

Chiyambo 32:11

Ndipo zomsokeni, nditukupemphani, ku janja la muku wangu, ku janja laku Esau, pakuti nditumopa vinu wangaza ndi kutibaya tose ŵanyinawo ŵa ŵana ndi ŵana.

Marangu 22:5

“Munthukazi wangavwaranga che chose cho ncha chinthurumi cha, pamwenga munthurumi wangavwaranga vya chinthukazi cha; pakuti Ambuya Chiuta winu watinkha munthu yose wakuchita vinthu ivi.