Marangu 22:21 - Tonga Bible 1986

²¹ po ndipo wakatolenga mwali yo ku khomo la nyumba ya wiske. Ndipo ŵanthurumi ŵamu msumba wake ŵakamudinanga ndi mya mpaka wafwe, chifukwa wachita cha lilengu mu Yisraele pakuchita ureŵi mu nyumba ya wiske. Viyo mukapeyanga uheni mukati mwinu.

Marangu 22:21 Referans Kwoze

Marangu 13:5

Kweni nchimi yiya pamwenga wakulota maloto yuwa wabayike chifukwa wakusambizgini kuti mugaruke ku Ambuya Chiuta winu, yo wamu tuzgani mu charu cha Egipiti ndi kumuwomboni ndi kumtuzgani mu nyumba ya uŵanda; ndichifukwa chakuti wamupatuskani kutuwa mu nthowa yeniyo Ambuya Chiuta winu wakumulanguliyani kwendamo. Viyo mutuzgengemo uheni mukati mwinu.

Chiyambo 34:7

Ŵana ŵanthurumi ŵaku Yakobe ŵanguza kutuwa ku dondo penipo ŵanguvwa ndi ichi; ŵana ŵa ŵanthurumi ŵangukaripa ndi ŵangukwiya ukongwa, chifukwa wanguŵikamo ukazuzi mu Yisraele pakugona ndi mwana waku Yakobe, pakuti chinthu chaviyo chingwenere kuchitika cha.

Ŵeruzgi 20:6

Ndipo ndinguto mbiligha yangu ndinguyidumuwa mathuŵi mathuŵi, ndingughatuma ku charu chose cha chihara chaku Yisraele; pakuti ŵakuchita ukazuzi ndi uvumbwa mu Yisraele.

Ŵeruzgi 20:10

ndipo tikatonga ŵanthu chumi mu machumi pe chumi, mu mitundu yose yaku Yisraele, ndi machumi pe chumi mu chikwi chimoza ndi chikwi chimoza mu vikwi chumi, kuza ndi vyakurgha vya ŵanthu, mwakuti asani ŵaza ŵatayiye thayu Gibea waku Benjamini, chifukwa cha uheni ndi uvumbwa wose wo wachita mu Yisraele.”

Marangu 21:21

Sono ŵanthurumi wose ŵa msumba uwa ŵamudinenge ndi mya mpaka kufwa, viyo mupeyengemo uheni mukati mwinu, ndipo Yisraele yose wavwenge, ndi wopenge.

Marangu 19:19

penipo mukamuchitiyanga iyo uli ndimo wakhumbiyanga iyo kuchitiya mwana munyake. Viyo mukapeyanga uheni mukati mwinu.

Marangu 17:7

Manja gha ŵakaboni ndigho ghakudanga kumuko ndi kumubaya, ndipo pavuli manja gha ŵanthu wose. Viyo mutuzgengemo uheni mukati mwinu.

ŴaLevi 21:9

Ndipo mwana munthukazi wa mzukuru we yose, asani wakajikazuzganga pakuchita ureŵi wakazuzga awiske; yo wakawochekanga ndi moto.

Marangu 22:24

sono muŵatuzgenge wose ŵaŵi kuza nawo ku likomo la msumba wuwa. Ndipo mukaŵadinanga ndi mya mpaka nyifwa, mwali yo chifukwa wengavi kukuta kuti wovyeke chingana wenga mukati mu msumba, munthurumi nayo chifukwa watimbanizga muwoli wa muzengezgani wake. Viyo mukapeyanga uheni mukati mwinu.

Marangu 22:22

“Asani munthu wasanirika wachila ndi muwoli wa munthu munyake, wose ŵaŵi ŵakafwanga, munthurumi yo wangula ndi munthukazi, ndi munthukazi viyo. Viyo mukapeyanga uheni mwaku Yisraele.

Marangu 17:5

viyo mukatuzgiyanga kubwalo kwa malikomo ghinu munthurumi yo, pamwenga munthukazi yo wachita chinthu chiheni cha viyo. Ndipo mukamupong'anga ndi mya munthurumi yo pamwenga munthukazi yo ndi kumubaya.

Marangu 13:10

Mukamupong'anga mya kuti wafwe, chifukwa wapenjanga kumunyengani kuti muŵareke Ambuya Chiuta winu, yo wakumutuzgani mu charu cha Egipiti mu nyumba ya uŵanda.

ŴaLevi 24:23

Viyo Mosese wangukamba ndi ŵaYisraele; ndipo ŵanguza nayo kubwalo kwa ugoŵi yo wangutemba, ndi ŵangumudina ndi mya. Viyo ŵaYisraele ŵanguchita cho Ambuya angulanguliya Mosese.

ŴaLevi 24:16

Yo watuka zina la Ambuya wabayike: mpingu wose ukamudinanga ndi mya. Mlendo wakutandara mukati mwinu ndi mwenicharu nayo, asani watuka, zina lo, wakabayikanga.

1 ŴaKorinte 5:13

Wakubwaro ndi Chiuta yo waweruzgenge? “Msezgeni mtimbanizi yo mukati mwinu.”

ŴaLevi 19:29

“Mungawozganga mwana winu munthukazi ndi uhuli cha, vinu charu chingasanduka chireŵi, ndi chingazaza utimbanizi.

Ŵeruzgi 19:23

Ndipo mweneko wa nyumba, wangutuliya kubwalo ndi wangurongoro nawo, “Aŵa, mwa ŵabali ŵangu, rekani kuchita uheni wa viyo: uyu munthu waza mu nyumba yangu, rekani kuchita chinthu ichi cha nkhaza.

Ŵeruzgi 20:5

Ndipo ŵanthu ŵamu Gibea ŵangundiyukiya, ndi ŵanguzinga nyumba mwenimo ndenga; khumbu lawo lenga la kundibaya ine, wanguchita chikwala mbiligha yangu, ndipo wakufwa.

Chiyambo 38:24

Akhumba pavuli pa myezi yitatu Yuda ŵangumunene, “Tamara, mukumwana wako wachita ureŵi; ndipo so wazuwuka mu ureŵi wake.” Ndipo Yuda wanguti, “Mutuzgiyeni kubwalo, ndipo wawocheke.”

ŴaLevi 20:2

“Nena ku ŵaYisraele, munthu we yose mwina Yisraele pamwenga mlendo wakutandara mu Yisraele; yo wakaperekanga mwana wake kwaku Moleke wakabayikanga: ŵanthu ŵamu charu ŵakamudinanga ndi mya.

Marangu 13:6

“Asani mbali wako, mwana wa anyoko, pamwenga wako munthurumi, pamwenga mwana wako munthukazi, pamwenga muwoli wako wapa mtima pamwenga mubwezi wako yo wenge mbumoyo wako, watukulandizga ku ubendi, kuti ‘Tiyeni tirutenge kwachiteŵete ŵachiuta ŵanyake,’ ŵeniwo imwe chingana mbauskemwe ŵalivi kuŵaziŵa kale,