Marangu 21:23 - Tonga Bible 1986

²³ thupi lake kuti litandalenge usiku wose pa muti pa cha, kweni mumuŵikenge zuŵa lenilo. Pakuti munthu wakupayikika ngwakutembeka ndi Chiuta, kuti mukazuzgenge charu chinu cha chenicho Ambuya Chiuta winu watukupaskani kuŵa chihara.

Marangu 21:23 Referans Kwoze

ŴaGalatia 3:13

Kristu watiwombo ifwe ku tembo la chilangulu cho, pakuŵa wakutembeka pa chifukwa chidu: chifukwa kwalembeka, “Ngwakutembeka yose yo ngwakupayikika pa muti”:

Yohane 19:31

Viyo, pakuti lenga la Chirongoso, alinga kuti mathupi ghareke kutandara pa mphinjika pa sabata (pakuti zuŵa la sabata lenga zuŵa likuru) ŵaYuda ŵangufumba Pilato kuti marundi ghawo ghafyoleke, ndi kuti mathupi ghabuzgikepo.

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

ŴaLevi 18:25

Viyo charu chingukazuzgika, ndipo ine ndingulanga uheni wake, po charu chinguwukuwa ŵakuja mwaku cho.

ŴaRoma 9:3

Chifukwa ndingakhumba mphanyi kuti ine ndamweni ndiŵe wakutembeka kwaku Kristu pa chifukwa cha ŵabali ŵangu, ŵachikazi ŵanyangu kuchiri ku liŵavu:

Maŵerengedu 25:4

Ambuya angunena ndi Mosese, “Uto mafumu ghose gha ŵanthu, uŵapayike pa mtandasanya pa maso pa Ambuya, mwakuti ukari wakofya wa Ambuya utuweko kwaku Yisraele.”

Yoswa 8:29

Ndipo wangupayika karonga wa Ai pa muti mpaka mazulo; pa kusere kwa dazi, Yoswa wangulangula kutuzgapo chiŵanda pa muti ndi kuchitaya pa kuserere pa likomo la msumba, wanguwunjikapo ndundu ya mya, yo yichalipo mpaka kunu ku sono.

1 ŴaKorinte 16:22

Asani munthu wareka kwanja Ambuya, waŵe wakutembeka. Ambuyafwe ŵatuza.

Yoswa 7:12

Chifukwa ichi Yisraele kuti wangama cha paurongo pa ŵarwani ŵake; ŵarazga misana yawo paurongo pa ŵakupindikana ŵawo, chifukwa ŵasanduka chinthu chakubayika. Kuti nkhaŵanga namwe so cha, kwambura kuti mutuzgemo vyakukanizgika vyo mukati mwinu.

2 Samuele 21:6

tipempha tipaskeni mu ŵana ŵake ŵanthurumi ŵankhonde ndi ŵaŵi mwakuti tiŵapayike pa maso pa Ambuya pa Gibeoni pa phiri la Ambuya.” Ndipo karonga wanguti, “Ndiŵaperekenge.”

Marangu 7:26

Ndipo kuti mukatoriyanga kanthu ka ukazuzi cha ku nyumba yinu, vinu mungaŵa ŵakutembeka nge ndicho; kweni muchitinkhe ukongwa limu, ndi kunyanyara nacho, chifukwa nchinthu chakutembeka.

2 Samuele 21:10

Penipo Rizpa mwana munthukazi waku Aia wanguto chigudulu, wangujitandikiya iyo mweneko pa jarawi, kutuwa pa kwamba kwa chivuna mpaka po vuwa yinguwa paku wo kutuwa kuchanya ndipo kuti wanguzomerezga viyuni vya mude kubota paku iwo ndi msana cha pamwenga vinyama vya mu dondo ndi usiku.

Ezekiele 39:12

Kwa myezi yinkhonde ndi yiŵi nyumba yaku Yisraele yikaŵaŵikanga, mwakuti charu chitoweskeke.

Marangu 4:21

Ndipo so Ambuya angundikwiyiya chifukwa chinu, ndi kurapa kuti ine ndambukenge cha Yordane, ndi kuti ndamuseremo cha mu charu chiya chamampha, chenicho Ambuya Chiuta winu wakupaskani kuŵa chihara chinu.

Marangu 25:19

Mwaku cho, penipo Ambuya Chiuta winu warekeska nkhondo ya ŵarwani wose ŵakumuzunguriyani; mu charu cho charu cho Ambuya Chiuta winu watukupaskani kuŵa chihara chinu, mukamarizge zina la Amaleke pa charu chapasi, mungaruwanga cha.

2 ŴaKaronga 10:8

Wanguti waza muthenga kumunene, “Ŵaza nayo mitu ya ŵana ŵa karonga,” iyo wanguti, “Muyiwunjike ndundu ziŵi pakuserere pa likomo mpaka ku mlenji.”