Marangu 21:21 - Tonga Bible 1986

²¹ Sono ŵanthurumi wose ŵa msumba uwa ŵamudinenge ndi mya mpaka kufwa, viyo mupeyengemo uheni mukati mwinu, ndipo Yisraele yose wavwenge, ndi wopenge.

Marangu 21:21 Referans Kwoze

Marangu 13:5

Kweni nchimi yiya pamwenga wakulota maloto yuwa wabayike chifukwa wakusambizgini kuti mugaruke ku Ambuya Chiuta winu, yo wamu tuzgani mu charu cha Egipiti ndi kumuwomboni ndi kumtuzgani mu nyumba ya uŵanda; ndichifukwa chakuti wamupatuskani kutuwa mu nthowa yeniyo Ambuya Chiuta winu wakumulanguliyani kwendamo. Viyo mutuzgengemo uheni mukati mwinu.

ŴaLevi 24:16

Yo watuka zina la Ambuya wabayike: mpingu wose ukamudinanga ndi mya. Mlendo wakutandara mukati mwinu ndi mwenicharu nayo, asani watuka, zina lo, wakabayikanga.

Marangu 22:24

sono muŵatuzgenge wose ŵaŵi kuza nawo ku likomo la msumba wuwa. Ndipo mukaŵadinanga ndi mya mpaka nyifwa, mwali yo chifukwa wengavi kukuta kuti wovyeke chingana wenga mukati mu msumba, munthurumi nayo chifukwa watimbanizga muwoli wa muzengezgani wake. Viyo mukapeyanga uheni mukati mwinu.

Marangu 22:21

po ndipo wakatolenga mwali yo ku khomo la nyumba ya wiske. Ndipo ŵanthurumi ŵamu msumba wake ŵakamudinanga ndi mya mpaka wafwe, chifukwa wachita cha lilengu mu Yisraele pakuchita ureŵi mu nyumba ya wiske. Viyo mukapeyanga uheni mukati mwinu.

Marangu 17:5

viyo mukatuzgiyanga kubwalo kwa malikomo ghinu munthurumi yo, pamwenga munthukazi yo wachita chinthu chiheni cha viyo. Ndipo mukamupong'anga ndi mya munthurumi yo pamwenga munthukazi yo ndi kumubaya.

1 ŴaKorinte 5:13

Wakubwaro ndi Chiuta yo waweruzgenge? “Msezgeni mtimbanizi yo mukati mwinu.”

ŴaLevi 20:2

“Nena ku ŵaYisraele, munthu we yose mwina Yisraele pamwenga mlendo wakutandara mu Yisraele; yo wakaperekanga mwana wake kwaku Moleke wakabayikanga: ŵanthu ŵamu charu ŵakamudinanga ndi mya.

ŴaLevi 20:27

“Munthurumi pamwenga munthukazi yo ngwakombeza, pamwenga chanusi, wakabayikanga; wakadinikanga ndi mya, ndopa zawo zikaŵanga pa ŵeneko.”

ŴaLevi 24:14

“Mutuzgeni mu ugoŵi yo wangutemba; ndipo wose wo ŵangumuvwa ŵaŵike manja ghawo pa mutu wake, ndipo ŵanthu wose wa mpingu wo ŵamudine ndi mya.

Maŵerengedu 15:25

Ndipo mzukuru wakapepeskiyanga wumba wose wa ŵaYisraele, sono Ambuya akaŵagowokiyanga, chifukwa kwenga kuwura kuziŵa, ndipo ŵapereke mpasku wawo, mpasku wapa moto ku Ambuya, ndi mpasku wawo wapa ulakwi pa maso pa Ambuya, chifukwa cha kuwura kuziŵa kwawo.

Maŵerengedu 15:35

Sono Ambuya anguti kwaku Mosese, “Munthu yo wabayike; mpingu wose umudine ndi mya kubwalo kwa ugoŵi.”

Maŵerengedu 15:36

Ndipo mpingu wose wungumutole kubwalo kwa ugoŵi, ŵangumudina ndi mya wangufwa, kwakulingana ndimo Ambuya angulanguliya Mosese.

Marangu 21:20

Ndipo iwo ŵaneniyenge ŵara ŵa msumba kuti, ‘Uyu mwana widu munthurumi ndi munonono ndi wakugaluka, kuti, wakhumba kuvwiya mazu ghidu cha; ndi nkharghe ndi muloŵevu.’

2 Samuele 18:17

Ndipo ŵanguto Absalomu, ŵangumupong'a mu chizenji chikuru ku dondo, ndi kuwunjikapo ndundu yikuru ya mya; ndipo ŵaYisraele wose ŵanguthaŵa munthu yose nyumba yake.

Chituwa 21:17

“We yose wakutemba awiske pamwenga anyina, wabayikenge.

Marangu 13:6

“Asani mbali wako, mwana wa anyoko, pamwenga wako munthurumi, pamwenga mwana wako munthukazi, pamwenga muwoli wako wapa mtima pamwenga mubwezi wako yo wenge mbumoyo wako, watukulandizga ku ubendi, kuti ‘Tiyeni tirutenge kwachiteŵete ŵachiuta ŵanyake,’ ŵeniwo imwe chingana mbauskemwe ŵalivi kuŵaziŵa kale,

Marangu 13:12

“Asani mutuvwa mu umoza wa misumba yo Ambuya Chiuta winu watumupaskani kujamu,

Marangu 17:7

Manja gha ŵakaboni ndigho ghakudanga kumuko ndi kumubaya, ndipo pavuli manja gha ŵanthu wose. Viyo mutuzgengemo uheni mukati mwinu.

Nthanthi 30:17

Jiso lenilo liyeya awiske ndi kutukana kuvwiya anyina, likatondorekanga ndi ŵakaholi ŵamu dambo ndi kurghika ndi makuŵi.