Marangu 20:8 - Tonga Bible 1986

⁸ Ndipo ŵarongozgi ŵakarutirizganga kukamba ku ŵanthu, ndi kunena kuti, ‘Njani munthu mweniyo watopa ndi wafipa mtima? Wa viyo wawere ku nyumba yake, vinu mtima wa ŵanyake ungasongonoka uli ndi mtima wake.’

Marangu 20:8 Referans Kwoze

Ŵeruzgi 7:3

Chifukwa cho sono memeza ŵavwe ŵanthu, unene kuti, ‘We yose yo ngwamantha ndi wakutenthema, waweriyenge ku muzi.’ ” Ndipo Gideoni wanguŵesa; ŵanthu vikwi machumi ghaŵi pachanya viŵi (22,000) wanguweko ndipo vikwi chumi limoza ŵanguja (10,000).

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Marangu 1:28

Tikwere nunkhu? Ŵabali ŵidu ŵagongoweska mitima yidu kuti, “Ŵanthu mbakuru ndi mbatali kwakuruska ifwe; mizi nayo njikuru ndipo ye ndi malinga ghakugota kuchanya, ndipo so tawonako ŵana ŵa Anakimu kwenikuwa.” ’

Chivumbuzi 3:16

Viyo pakuti we wakufunda ŵaka, ndi wakocha chingana ngwakuzizira cha, ndikhumba kukuwukuwa mu mlomo wangu.

Luka 9:62

Kweni Yesu wanguti kwaku iyo, “Palive yumoza wakuŵikapo janja lake pa chilimiru, ndi wakulereska ku vyakuvuli, ngwakwenere ku ufumu waku Chiuta.”

Marangu 23:9

“Muchiruta kwachikumana ndi ŵakupindikana ŵinu penipo mwe mu ugoŵi, sono mukajituzgangako ku chinthu chose chiheni.

Maŵerengedu 32:9

Chifukwa po ŵanguti ŵakwere ku dambo la Eshekolo ndi kuchiwona charu, ŵangugongoweska mitima ya ŵaYisraele kuti ŵareke kuruta mu charu cho Ambuya anguŵapaska.

Maŵerengedu 13:31

Kweni ŵanyake wo ŵangukwerako nayo ŵanguti, “Tilivi nthazi yakukweriyako kwachirwana ndi ŵanthu wo; pakuti mbanthazi kwakuruska ifwe.”

Chituwa 15:15

Sono mafumu ghamu Edomu ghadika nthazi: ŵarongozgi ŵa Moabu kwaŵako kunjenjeme, wose ŵakuja mu Kanani ŵasongonoka.

1 ŴaKorinte 15:33

Mungaranda cha: “Mabwezi ghaheni ghatananga majaridu ghamampha.”

Marangu 20:9

Ndipo penipo ŵarongozgi ŵamarizga kukamba ku ŵanthu, sono ŵakulangula ŵakatondorekanga kuŵa mitu ya ŵanthu.

Nthanthi 24:10

Asani ulakatuka mu zuŵa lasuzgu nthazi yako njimana.