Marangu 20:6 - Tonga Bible 1986

⁶ Ndipo ndi munthu nuyu yo wapanda munda wa mphereska ndipo wandamwepo chipasi chake? Wa viyo wawere ku nyumba yake, vinu wangafwa mu nkhondo ndi munthu munyake wangakondwa ndi chipasi chake.

Marangu 20:6 Referans Kwoze

Zefaniya 1:13

Vyuma vyawo vikaskowekanga, ndipo nyumba zawo zikapanyukanga. Chingana ŵazenga nyumba kuti ŵajengemo cha, chingana ŵapanda minda ya mphereska kuti ŵamwenge vinyo wawo cha.”

Yeremiya 31:5

Mukapandanga so minda ya mphereska pa mapiri gha Samaria; ŵakupanda ŵakapandanga ndipo ŵakarghanga vipasi.

Yesaya 65:22

Kuti ŵakazenganga ndi kujamo munyake cha; kuti ŵakapandanga kuti warghenge ndi munyake cha; pakuti nge ndi mo ghaliri mazuŵa gha muti ndimu ghakaŵiyanga mazuŵa gha ŵanthu ŵangu, ndipo ŵakusankhika ŵangu ŵakakondwanga nyengo yitali ndi nchitu ya manja ghawo.

1 ŴaKorinte 9:7

Njani wateŵeta nge ndi msilikari wa nkhondo pa mphoto ya mweneko yija? Njani wapanda munda wa mphereska, ndi wareka kurghapo chipasi chake? Pamwenga njani waliska mskambu, ndi wareka kumwapo mkaka wa mskambu wo?

Marangu 20:5

Sono ŵarongozgi ŵakakambanga ku ŵanthu kuti, ‘Munthu njani yo wakuzenga nyumba yifwa ndipo walivi kuyipatuwa? Wa viyo wawere ku nyumba yake, vinu wangafwa mu nkhondo ndipo munyake ndiyo wayipatuwenge.

Marangu 20:7

Ndipo ndi munthu nuyu mweniyo wakufumba munthukazi ndipo wenga wandamuto? Wa viyo wawere ku nyumba yake, vinu wangafwa mu nkhondo ndipo munthu munyake watonge munthukazi yo.’