Marangu 20:3 - Tonga Bible 1986

³ ndipo wakambenge kwaku wo, ‘Avwani, ŵaYisraele mwe, msana wale mundere kufupi kukurwana ndi ŵarwani ŵinu: mtima winu ungafipanga cha. Mungawopanga cha, chingana nkhunjenjeme, pamwenga kutenthema chifukwa chaku wo.

Marangu 20:3 Referans Kwoze

ŴaHebere 13:6

Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”

Sumu 3:6

Kuti nditopa cha vikwi chumi vya ŵanthu wo ŵajiŵika kumikana nane kwakundizunguliya.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Yoswa 23:10

Munthu yumoza waku imwe wadikiska ŵanthu chikwi, pakuti mba Mbuya Chiuta winu yo watikurwiyani nge ndimo wangupangirana namwe.

1 Timote 6:12

Limba-limbanga mlimbanu wo weneko wa chivwanu, jibwakiye umoyo wo wamuyaya, kwaku weniwo ungudanikiya, ndipo unguzomerezga chizomerezgu cho cheneko pa maso gha ŵakaboni ŵanandi.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Mateyu 10:31

Mungopanga cha; imwe muruska twaphwitu tunandi?

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

Machitidu gha Ŵakutumika 27:24

wakuti, ‘Ungopanga cha, Paulo; kutenere iwe kwachima paurongo paku Kaisare: ndipo awona, Chiuta wakupaska wose ŵakwenda nawe pamoza.’

Marko 16:18

ŵakasoskanga zinjoka, ndipo asani ŵangamwa kanthu karwani, kuti kakaŵapwetekanga cha; ŵakaŵikanga manja pa ŵarwali, ndipo ŵakachiranga.”

Marko 16:6

Ndipo iyo wanguti kwaku wo, “Mungarwitiskikenga cha: mupenja Yesu waku Nazarete, mweniyo wangupayikika. Wayuka: kuti we panu cha: alereni, malo po ŵangumuŵika.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Mateyu 8:26

Ndipo wanguŵanene, “Mutopanji, mwaŵachivwanu chimana?” Sono wachiyuka wanguchenya mphepu ndi nyanja: ndipo kunguŵapo bata likuru.

Yesaya 28:16

chifukwa cho Ambuya Chiuta, atati, “Ehe, ndiŵika mu Zioni chiŵanja mwa, mwa wakweseka, mwa wanyondo wakuzirwa, wa chiŵanja chakuneneska: ‘Yo wavwana kuti wakatolekanga cha.’

Marangu 20:1

“Muchiya ku nkhondo kwachimikana ndi ŵakupindikana ŵinu, ndi muchiwona ŵakavalo ndi magareta, ndi liŵanja la nkhondo likuru kwakuruska linu, mungaŵawopanga cha; pakuti Ambuya Chiuta winu we namwe pamoza, mweniyo wangukutoleni kuno kutuwa mu Egipiti.

Marangu 20:2

Ndipo penipo mwamundere kufupi ku nkhondo, mzukuru wakazanga kunthazi ndi kukamba ndi ŵanthu,

Jobu 23:16

Chiuta wachita mtima wangu kufwa chipoyo;

Yesaya 7:4

ndipo ukati kwaku iyo, ‘Chenje, utaka cheti, ungopanga cha, ndipo mtima wako ungalakatuka cha chifukwa cha vipandu ivi viŵi vya moto, pa kukara kwakofya kwaku Rezini ndi Siriya, pamoza ndi mwana waku Remaliya.

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Maŵerengedu 14:9

chimoza pe nchakuti, mureke kugalukiya Ambuya; ndipo mungawopanga ŵanthu ŵa charu chiya cha pakuti tikaŵarghanga nge nchiŵande ŵalivi kuvikirika sono, ndipo Ambuya ŵendi ifwe mungawopanga iwo cha.”

Marangu 1:21

Wonani Ambuya Chiuta widu waŵika charu ichi pa maso pinu, kwerani mujemu chiŵe chinu, nge ndimo Ambuya Chiuta wa auskemwe wanene. Mungawopanga cha nanga nkhugongowa.’

1 Samuele 17:32

Davidi wanguti kwaku Sauli, “Mtima wa munthu ureke kugongowa chifukwa chaku iyo; ndamuŵanda winu ndirutenge kwachirwana ndi muFilisti yuwa.”

2 Mikoka 32:8

Kwaku iyo kwe janja la liŵavu la nyama; kweni kwaku ifwe kwe Ambuya Chiuta widu, kutovya ndi kurwa nkhondo zidu.” Ndipo ŵanthu ŵanguchinthiskika, kuyegeme pa mazu ghaku Hezekiya karonga waku Yuda.