Marangu 20:16 - Tonga Bible 1986

¹⁶ Kweni mu misumba ya ŵanthu yaŵa yeniyo Ambuya Chiuta watumupaskani kuŵa chihara. Mungapozomoskanga cha chamoyo che chose chenicho nchakututa,

Marangu 20:16 Referans Kwoze

Yoswa 11:14

Ndipo ŵaYisraele wanguto usambasi wose wa misumba iyi ndi ng'ombe kuŵa muskowo wawo; kweni munthu yose ŵangubaya ndi lipanga, mpaka wanguŵamara, ndipo ŵengavi kusiyako wakututa nanga njumoza.

Maŵerengedu 33:52

mukadikiskanga wose ŵakuja mu charu paurongo pinu, ndipo muphwanye vikozgo vyawo vyose vyakuchongeka mu mya, mubwanganduwe ŵangoza ŵawo wose ŵakuchita kusongono, ndi kuwiskiya pasi malo ghawo ghose gha pachanya;

Yoswa 10:40

Viyo Yoswa wanguthereska charu chose, charu cha mitunthu ndi cha kumwela ndi charu cha chidika ndi vinkhwawu, ndi ŵakaronga ŵawo wose; wangubaya chamoyo chose, kwambura kusiyako kanthu, uli ndimo Ambuya Chiuta waku Yisraele wangulanguliya.

Yoswa 10:28

Pa zuŵa liya Yoswa wanguthereska Makeda, wanguwukoso ndi karonga wake ndi lipanga; wangumariya limu munthu yose wamwenimo, wengavi kusiyako kanthu; mo wanguchitiya ndi karonga waku Yeriko ndimo wanguchitiya ndi karonga ŵaku Makeda.

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Maŵerengedu 21:35

Viyo ŵangumubaya iyo, ŵana ŵake, ndi ŵanthu ŵake wose, pengavi nanga njumoza wakusiyika; ndipo ŵangupoka charu chake.

Yoswa 9:27

Kweni zuŵa liya Yoswa wanguŵachita kuŵa ŵakudumuwa nkhuni ndi ŵakunegha maji, kuneghe mpingu ndi jochero la Ambuya kurutiliya mpaka ku zuŵa lino, mu malo gho iyo wangasankha.

Yoswa 9:24

Iwo pakwamuka Yoswa ŵanguti, “Chifukwa ifwe taŵateŵeti ŵinu tikuziŵiskika mu uneneska wose kuti Ambuya Chiuta winu wakulanguliya mteŵeti wake Mosese kumupaskani charu ichi chose, ndi kubwanganduwa wose ŵakuja mu charu paurongo pinu, viyo tingopa ukongwa kuti tifwe chifukwa chinu, sono tinguchita chinthu ichi.

Maŵerengedu 31:17

Viyo sono, bayani munthurumi we yose mu malitema gho, ndipo bayani munthukazi we yose yo waziŵa munthurumi pa kula nayo.

Marangu 20:15

Viyo ndimo mukachitiyanga ku misumba yose yeniyo yekutali ukongwa ndi imwe, yeniyo kuti ndi misumba ya mitundu ye kunu cha.

Marangu 20:17

kweni mukamaliyanga limu teteti, ŵaHiti, ŵaAmori, ŵaKanani, ŵaPerizi, ŵaHivi, ndi ŵaYebusi, uli ndi mwenimo Ambuya Chiuta winu walanguliya,

Yoswa 6:24

Ŵangocha msumba wo ndi moto, ndi vyose vyakuŵa mukati mwake; siliva pe ndi golide ndi viyaŵi vya mkuŵa ndi chisulo, ŵanguviŵika kuŵa chuma cha nyumba ya Ambuya,

Yoswa 8:8

Ndipo mutakuti mwapoka muzi, mukawuwochanga ndi moto; kuchita ulaka ndimo Ambuya akambiya; awonani; ndakulanguliyani.”

Yoswa 8:25

Ndipo wose wo ŵangufwa zuŵa liya ŵanthurumi ndi ŵanthukazi, ŵenga vikwi chumi pachanya viŵi (12,000), wose ŵenga ŵanthu ŵaku Ai.

Yoswa 10:20

Ndipo Yoswa ndi ŵaYisraele ŵanguti ŵamara kuŵabaya, mpaka po ŵanguparghanika wose, penipo ŵanyake ŵakujapo ŵaku wo ŵangusere mu misumba ya malinga,

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

Marangu 4:21

Ndipo so Ambuya angundikwiyiya chifukwa chinu, ndi kurapa kuti ine ndambukenge cha Yordane, ndi kuti ndamuseremo cha mu charu chiya chamampha, chenicho Ambuya Chiuta winu wakupaskani kuŵa chihara chinu.

Marangu 24:4

sono murumi wake wakudanga, mweniyo wangumudikiska, wangamutonga so cha kuŵa muwoli wake, pavuli penipo wafipiskika. Pakati Ambuya Chiuta winu watinkha cha viyo, ndipo kuti mukatoliyanga kususkika pa charu chenicho Ambuya Chiuta winu wakupaskani kuŵa chihara cha.

Marangu 31:5

Ndipo Ambuya akaŵaperekanga kwaku imwe, ndipo imwe mwazakuŵachitiya kwakuyana ndi dangu lose lo ndikulanguliyani.

Yoswa 9:7

Kweni ŵaYisraele ŵanguti ku ŵaHivi, “Vinu kokuli imwe muja mukati mwidu, ipo tingachita namwi uli phanganu?”