Marangu 20:11 - Tonga Bible 1986

¹¹ Ndipo asani kwamuka kwake kwaku imwe nkhwa chimangu ndipo utikujuliyani, sono ŵanthu wose ŵeniwo ŵasanirikengemo mwaku wo ŵakachitanga nchitu yakuchichizgika ndipo ŵakamteŵetiyaninga.

Marangu 20:11 Referans Kwoze

Luka 19:14

Kweni ŵamumuzi wake ŵamtinkhanga ndipo ŵangutuma nthumi muvuli mwake, ŵakunena, ‘Kuti tikhumba uyu kuwusiya paku ifwe cha.’

Sumu 120:7

Ine nde munthu wa chimangu, po ndikamba ndi chimangu, iwo mbakunkhumba kurwa.

Ŵeruzgi 1:28

Penipo ŵaYisraele ŵangukuwa munthazi ŵanguŵika ŵaKanani ku nchitu yakuchichizgika, kweni kuti ŵanguŵadikiskamo wose cha.

Yoswa 16:10

Ndipuuli kuti ŵanguŵadikiskamo ŵaKanani ŵakuja mu Gezere cha; viyo ŵaKanani ŵakuja mukati mu ŵaEfraimu mpaka ku zuŵa line, kweni ŵaŵa ŵaŵanda ŵakuchita nchitu yakuchichizgika.

Yoswa 9:27

Kweni zuŵa liya Yoswa wanguŵachita kuŵa ŵakudumuwa nkhuni ndi ŵakunegha maji, kuneghe mpingu ndi jochero la Ambuya kurutiliya mpaka ku zuŵa lino, mu malo gho iyo wangasankha.

Marangu 20:10

“Penipo mwamundere kufupi ku msumba kwachirwana nawo, upaskeni makani gha chimangu.

Marangu 20:12

Kweni asani kuti uchita namwe chimangu cha, kweni uchita manwe nkhondo, sono mukauzinganga.

Yoswa 9:8

Iwo ŵanguti, “Ifwe te ŵateŵeti ŵinu.” Ndipo Yoswa wanguŵafumba, “Ndimwe ŵayani? Ndipo mutuwa pani?”

2 ŴaKaronga 6:22

Wangwamuka, “Kuti ungaŵabaya cha. Kumbi ubayenge ŵeniwo wayora umkoli ndi lipanga lako ndi uta wako? Uŵajarikiye kurgha ndi maji, alinga kuti ŵarghe ndi kumwa ndi kuwere ku mbuyawo.”

Yoswa 9:9

Iwo ŵanguti, “Taŵateŵeti ŵinu tatuliya ku charu chakutali ukongwa, chifukwa cha zina la Ambuya Chiuta winu; pakuti tavwa ndi mbiri yaku iyo, ndi vyose vyo wanguchita mu Egipiti,

1 ŴaKaronga 5:1

Sono Hiramu karonga wa Turo wangutuma ŵateŵeti ŵake kwaku Solomoni, wanguti wavwa wapakika kuŵa karonga mu malo gha awiske; chifukwa Hiramu nyengo zose wangwanja Davidi.