Marangu 20:1 - Tonga Bible 1986

¹ “Muchiya ku nkhondo kwachimikana ndi ŵakupindikana ŵinu, ndi muchiwona ŵakavalo ndi magareta, ndi liŵanja la nkhondo likuru kwakuruska linu, mungaŵawopanga cha; pakuti Ambuya Chiuta winu we namwe pamoza, mweniyo wangukutoleni kuno kutuwa mu Egipiti.

Marangu 20:1 Referans Kwoze

Marangu 31:8

Ambuya atikudanjiriyani, akaŵanga pamoza namwe, kuti akatondekanga cha Chingana nkhumurekani mwija: mungopanga cha chingana nkhudonda cha.”

Sumu 20:7

Ŵanyake ŵathamiya magareta, ŵanyake ŵathamiya ŵakavalo; kweni ifwe tithamiya mu zina la Ambuya Chiuta widu.

Marangu 31:6

Muŵe ngwa ndi ŵachiganga cheneko, mungawopanga cha pamwenga kuŵa ŵakofyerwa chifukwa chawo, pakuti Ambuya Chiuta winu waruta namwe pamoza. Kuti wakatondekanga cha, chingana nkhumurekani mwija.”

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Sumu 118:6

Ndi Ambuya pamoza nane, kuti nditopa cha; wachitengenji nane munthu?

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

2 Mikoka 14:11

Ndipo Asa wanguririya kwa Ambuya Chiuta wake kuti, “Ambuya Chiuta, wakulingana ndi imwe nkhulivi, kovya pakati pa ŵanthazi ndi ŵambura nthazi. Tovyeni Ambuya Chiuta widu, pakuti tiyegeme kwinu, ndipo mu zina linu tizirwi ndi chimzinda ichi. Ambuya ndimwe Chiuta widu munthu kuti wangamtondani cha.”

Ŵeruzgi 6:12

Ndipo mungelo wa Ambuya wangumuwoneke ndi wanguti kwaku iyo, “Wa munthu wanthazi ndi wakukhwima mtima Ambuya ŵe nawe.”

2 Mikoka 20:12

Chiuta widu, kumbi kuti muŵeruzgenge cha? Chifukwa ifwe nthazi tilive kurwana ndi chimzinda chikuru cha viyo cho chatiziya. Chingana nkhuziŵa mo tingachitiya, kweni maso ghidu ghe kwaku imwe.”

Yoswa 11:9

Ndipo Yoswa wanguŵachitiya nge ndimo Ambuya angumupangizgiya; wangudengenduwa ŵakavalo ŵawo, wangocha ndi moto magareta ghawo.

Marangu 7:1

“Penipo Ambuya Chiuta winu wamukukutoriyani mu charu mwakucho musere kwachironda kuti chiŵe chinu, kudikiskiya kutali mitundu yinandi kutuwa pa maso pinu, ŵaHiti, ŵaGirgashi, ŵaKanani, ŵaAmori ŵaPerizi, ŵaHivi, ndi ŵaYebusi, mitundu yinkhonde ndi yiŵi, yikuru ndi yanthazi kuruska imwe.

Marangu 2:7

Pakuti Ambuya Chiuta winu wamutumbikani mu milimu yose ya manja ghinu. Waziŵa kwenda kwinu mu mabozwa yagha ghakuru; virimika ivi machumi ghanayi (40) Ambuya Chiuta wenga namwe, mulive kusauka.’

Maŵerengedu 23:21

Walivi kusaniyamo kaheni mwaku Yakobe: nanga nkhuwonamo suzgu mwaku Yisraele. Ambuya Chiuta wawo we pamoza nawo, ndipo kubangula kwa karonga kwe mukati mwawo.

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Marangu 7:18

Mungachiŵawopanga cha kweni mukumbuke vyo Ambuya Chiuta winu wanguchita kwaku Farao ndi ku Egipiti yose;

Marangu 20:2

Ndipo penipo mwamundere kufupi ku nkhondo, mzukuru wakazanga kunthazi ndi kukamba ndi ŵanthu,

Marangu 20:3

ndipo wakambenge kwaku wo, ‘Avwani, ŵaYisraele mwe, msana wale mundere kufupi kukurwana ndi ŵarwani ŵinu: mtima winu ungafipanga cha. Mungawopanga cha, chingana nkhunjenjeme, pamwenga kutenthema chifukwa chaku wo.

1 Samuele 17:32

Davidi wanguti kwaku Sauli, “Mtima wa munthu ureke kugongowa chifukwa chaku iyo; ndamuŵanda winu ndirutenge kwachirwana ndi muFilisti yuwa.”

2 Mikoka 20:15

Iyo wanguti, “Avwani, imwe mose ŵaYuda ndi imwe muja mu Yerusalemu, ndi imwe karonga Yehosafati, viyo ndimo watumuneniyani Chiuta, wati, ‘Mungopanga cha chingana nkhutenthema chifukwa cha chimzinda ichi chikuru, chifukwa nkhondo njinu cha, njaku Chiuta.

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Maŵerengedu 10:9

Ndipo asani muruta ku nkhondo mu charu chinu kwachirwa ndi wakupindikana winu yo watimusuzgani, po ndipo mukambanga mumemezu ndi zimbata alinga kuti mukumbukike ndi Ambuya Chiuta winu, ndi kutaskika ku ŵarwani ŵinu.

Marangu 1:29

Viyo ine ndinguti kwaku imwe, ‘Rekani kuwa nkhumbi, pamwenga kuwopa.

Marangu 7:21

Mungaŵawopanga pakuti Ambuya Chiuta winu we mukati mwinu, Chiuta wanthazi ndi wakofya.

Marangu 9:3

Viyo ziŵani zuŵa lino kuti Ambuya Chiuta winu ndiyo wakudanjiriyeninge pa nthazi nge ndi moto wakunyeka; wakuŵapasuwa ndi wakuŵapunda pa nthazi pinu; viyo mwakuŵadikiska ndi kuŵapasuwa ruŵiruŵi nge ndimo Ambuya akupanganirana namwe.

Ŵeruzgi 6:16

Ambuya anguti “Ine ndikaŵanga pamoza nawe, ukakosonga ŵaMidiyani ulaka ukoso munthu yumoza.”

2 Mikoka 14:10

Ndipo Asa wangutuwa kurwana nayo, ŵangujarika umampha nkhondo zawo mu dambo la Zefata ku Meresha.

Sumu 46:8

Zaninga, wonani nchitu za Ambuya, mo achitiya mapopa mu charu.

Yeremiya 16:14

“Chifukwa ehe, mazuŵa ghakazanga, atiti Ambuya, penipo ŵanthu kuti ŵazamurapa so cha, kuti, ‘Nge ndimo aliri amoyo Ambuya ŵeniwo ŵangutuzga ŵaYisraele mu charu cha Egipiti,’

Zekariya 10:5

Ndipo pamoza ŵakaŵanga nge vinkhara vya nkhondo, ŵakukandirizgiya pasi ŵarwani ŵawo mu mawulambwe gha miseu; ŵapotenge chifukwa Ambuya ŵe nawo. Ndipo ŵakamaranga ŵakukwera pa kavalo.