Marangu 2:7 - Tonga Bible 1986

⁷ Pakuti Ambuya Chiuta winu wamutumbikani mu milimu yose ya manja ghinu. Waziŵa kwenda kwinu mu mabozwa yagha ghakuru; virimika ivi machumi ghanayi (40) Ambuya Chiuta wenga namwe, mulive kusauka.’

Marangu 2:7 Referans Kwoze

Luka 22:35

Ndipo wanguŵanene, “Penipo ndingumtumani ŵambura chikwama, katiri, viyatu, kumbi mungukavuka kanthu?” Ndipo iwo ŵanguti, “Kanthu nako cha.”

Nehemiya 9:21

Munguŵasunga virimika machumi ghanayi mu bozwa, ndipo pengavi kakuŵasoŵa, vivwaru vyengavi kuguga ndipo marundi ghawo ghengavi kutupa.

Marangu 29:5

Ndakurongozgani virimika machumi ghanayi (40) mu bozwa, vivwalo vinu vilivi kuguga pa maliŵavu ghinu, ndipo viyatu vinu vilivi kupaluka ku marundi ghinu.

Sumu 31:7

Ndangarenge ndi ndikondwenge chifukwa cha chanju chinu chikuru, pakuti imwe mwawona suzgu yangu, mwapanikizga vya ŵarwani ŵangu;

Jobu 23:10

Kweni waziŵa nthowa yo nditendamo; po watindesa, nkhaŵanga nge ndi golide.

Sumu 90:17

Ambuya Chiuta widu, vitumbiku vinu viŵe paku ifwe, ndipo mutisakatiske mwaku vyose vyo tichita! Inya, mwaku vyose mutisakatiske!

Chiyambo 26:12

Ndipo Yisaki wangumija mu charu chiya, ndi wanguvuna mu chirimika chenicho machumi pe chumi ghakuwerezgapo. Ambuya angumutumbika,

Chiyambo 24:35

Ambuya atumbika ukongwa mbuya wangu, ndipo waŵa mkuru; amupaska viŵeto ndi ŵaliska, siliva ndi golide, ndrama zinandi, waŵanda ŵanthurumi ndi ŵaŵanda ŵanthukazi, ŵagamila ndi zimbunda.

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 39:5

Kutuwa pa nyengo yeniyo wangumuŵika mura mu nyumba yake ndi pa vinthu vyose vyo wenga navyo Ambuya angutumbika nyumba yo ya muEgipiti chifukwa chaku Yosefe, chitumbiku cha Ambuya chenga pa vinthu vyose vyo wenga navyo, mu nyumba ndi ku munda.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Sumu 1:6

pakuti Ambuya aziŵa nthowa ya ŵakurunjika kweni nthowa ya ŵaheni yisoŵenge.

Chiyambo 30:27

Kweni Labani wanguti kwaku iyo, “Asani undizomerezgenge kukamba ndaziŵiskika ndi mayela kuti Ambuya anditumbike ine chifukwa chako;

Maŵerengedu 14:33

Ndipo ŵana ŵinu ŵakaŵanga ŵaliska mu bozwa virimika machumi ghanayi, ndipo ŵakasuzgikanga chifukwa cha mauyaghayagha ghinu, mpaka penipo viŵanda vinu vyamaliya mu bozwa,

Maŵerengedu 14:34

kwakulingana ndi mazuŵa mwaku gho mungamuskore charu, inya mazuŵa machumi ghanayi, mukanyamuwanga kwananga kwinu virimika machumi ghanayi, chirimika chimoza chifukwa cha zuŵa limoza, ndipo mukaziŵanga kuchenya kwangu.’

Maŵerengedu 32:13

Ndipo ukari wa Ambuya ungukole pa ŵaYisraele, rekani anguŵayingiska mu bozwa virimika machumi ghanayi, mpaka penipo mugonezi wose uwa unguchita uheni mu maso gha Ambuya ungumara.

Marangu 1:19

“Ndipo tingusoka pa Horebe ndi kuporota mu mobozwa ghakuru ndi ghakofya ghenigha munguwona mu nthowa ya mapiri gha Amori, nge ndimo Ambuya Chiuta widu wangutilanguliya, ndipo tinguza ku Kadeshebarnea.

Marangu 1:46

Viyo munguja mu Kaseshe mazuŵa ghanandi, mazuŵa gha mungutandara muwa.

Marangu 2:6

Mugulani nawo chakurgha ndi ndrama kuti murghe, ndipo so mugulani nawo maji ndi ndrama kuti mumwe.

Marangu 2:14

Kutuwa Kadeshe-barnea kufika ku msinji wa Zerede, tingwenda virimika machumi ghatatu pachanya vinkhonde ndi vitatu (38) mpaka mwandano wose wa ŵanthurumi ŵankhondo ungumara mu ugoŵi nge ndimo Ambuya angurapiya.

Yoswa 5:6

Pakuti ŵangwenda virimika machumi ghanayi (40) mu bozwa, mpaka penipo mtundu wose, ŵanthurumi ŵankhondo wo ŵangutuwa mu Egipiti, ŵangumara chifukwa ŵengavi kuvwiya mazu gha Ambuya; Ambuya angurapa kwaku wo kuti akaŵazomerezganga cha kuwona charu cho Ambuya angurapiya ku auskeu kutipaska, charu chakutaŵara mukaka ndi uchi.

Sumu 107:4

Ŵanyake ŵanguyingayinga mu bozwa la chiparamba, ndipo kuti ŵangusaniya nthowa ya ku muzi wakujamo cha.

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Hoseya 13:5

Ndenga ine yo wangukuziŵani mu mapopa, mu charu cha chilala.

Amosi 2:10

Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.

Chiyambo 39:3

ndipo mbuya wake wanguziŵa kuti Ambuya ŵenga nayo, ndi kuti Ambuya angusakatiska vyose vyenivyo wanguchita mu manja ghake.

Chituwa 16:35

Ndipo ŵaYisraele ŵangurgha mana virimika machumi ghanayi, mpaka penipo ŵanguza ku charu cha chikhazi; ŵarghanga mana, mpaka penipo ŵanguza ku mphaka za charu cha Kanani.

Maŵerengedu 1:1

Ambuya angurongoro ndi Mosese mu bozwa la Sinai, mu hema lakuwunganamo, pa zuŵa lakudanga mu mwezi wa chiŵi chirimika cha chiŵi ŵanguti ŵatuwa mu charu cha Egipiti, anguti,

Maŵerengedu 22:12

Chiuta wangunena ndi Balamu, “Ungarutanga nawo cha, ungaŵatembanga cha ŵanthu wo, chifukwa mbakutumbikika.”

Marangu 29:4

kweni mpaka msana wale Ambuya alivi kumpaskani muwongo wakuwamo, pamwenga maso ghakuwona, pamwenga makutu ghakuvwa.