Marangu 2:5 - Tonga Bible 1986

⁵ mungachiyambananga nawo cha, pakuti ndimupaskeningiko charu chawo cha, chingana nkhamanavi chakuti phazi likandepo. Chifukwa ndapaska Esau phiri la Seiri liŵenge lake ndi lake.

Marangu 2:5 Referans Kwoze

Yoswa 24:4

kwaku Yisaki ndingupaska Yakobe ndi Esau. Ndingupaska Esau charu cha mapiri cha Seiri kuŵa chake, kweni Yakobe ndi ŵana ŵake ŵangusikiya ku Egipiti.

Chiyambo 36:8

Viyo Esau wanguja mu charu cha mapiri gha Seiri, Esau ndiyo Edomu.

Machitidu gha Ŵakutumika 17:26

ndipo wangwata ku ndopa zimoza mtundu wose wa ŵanthu kwachija pa chisku chose cha charu, wati wateme nyengo zakulangulika, ndi mphaka za ujazi wawo;

Machitidu gha Ŵakutumika 7:5

ndipo kuti wangumpaska chihara mwenimo cha, chingana nchakukandapo rundi: kweni wangupangana kuchipaska uli nchihara kwaku iyo, ndi ku mbeu yake pavuli pake.

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Danyele 4:25

kuti mukadikiskikanga kutuwa ku ŵanthu, ndi mukajanga ndi nyama zamu dondo; mukarghanga nge ndi ng'ombe ndi mukazumbwanga ndi dungwi la kuchanya, mpaka nyengo zinkhonde ndi ziŵi zimujumpheni, ndi mpaka muziŵi kuti Wapachanya Limu ndiyo wausa pa ufumu wa ŵanthu, ndi kuwupaska kwaku yose yo Iyo wakhumba.

Yeremiya 27:5

“Ndine mweniyo ndi nthazi zangu zikuru ndi janja langu lakutambaruka ndikulenga charu chapasi, pamoza ndi ŵanthu ndi vinyama vyo vye mwenimo, ndipo nditichipaska kwaku yose yo ndikhumba.

Marangu 32:8

Penipo wapachanya limu wangupaska ku mitundu vihara vyawo, penipo wangupatuwa ŵana ŵa ŵanthu, wanguchitiya ŵanthu zimphaka zimphaka kwakuyana ndi unandi wa ŵana ŵanthurumi ŵaku Chiuta.

Marangu 2:6

Mugulani nawo chakurgha ndi ndrama kuti murghe, ndipo so mugulani nawo maji ndi ndrama kuti mumwe.

Marangu 2:22

Nge ndimo Ambuya anguchitiya ndi ŵana ŵaku Esau wo ŵaja mu Seiri pakuparghang'a ŵaHoro ndipo ŵanguronda charu chawo ndi kuzengamo mpaka le.

Chiyambo 36:9

Izi ndizu mphapu zaku Esau uskeu wa ŵaEdomu mu charu cha mapiri gha Seiri.

Ezekiele 35:2

“Mwana wa munthu, razga chisku chako pa phiri Seiri uchimi kumikana nalo,