Marangu 2:34 - Tonga Bible 1986

³⁴ Tinguto mizi yake yose yiya, ndi tinguparghang'a ŵanthurumi, ŵanthukazi ndi ŵana mu mizi yose: tengavi kusiyapo yumoza.

Marangu 2:34 Referans Kwoze

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

Marangu 7:2

Ndipo Ambuya Chiuta winu waŵapereka kwaku imwe, ndipo imwe muŵapunde, ndi kuŵaparghang'a phu; mungapangananga nawo phanganu cha, chingana nkhuŵachitiya lisungu.

Marangu 3:6

Ndipo tinguŵaparghang'a ukongwa, nge ndimo tinguchitiya ndi Sihoni, fumu yaku Hesiboni, kuparghang'a ukongwa limu ŵanthurumi, ŵanthukazi, ndi ŵana ŵamu msumba wose.

Yoswa 11:14

Ndipo ŵaYisraele wanguto usambasi wose wa misumba iyi ndi ng'ombe kuŵa muskowo wawo; kweni munthu yose ŵangubaya ndi lipanga, mpaka wanguŵamara, ndipo ŵengavi kusiyako wakututa nanga njumoza.

Yoswa 7:11

Yisraele walakwa, ŵaswa phanganu langu lo ndingupangana nawo, ŵatopo vinthu vinyake vyakukanizgika, ŵaba, ndipo ŵapusika, ŵaviŵika pasi pa ŵakatundu ŵawo?

Marangu 7:26

Ndipo kuti mukatoriyanga kanthu ka ukazuzi cha ku nyumba yinu, vinu mungaŵa ŵakutembeka nge ndicho; kweni muchitinkhe ukongwa limu, ndi kunyanyara nacho, chifukwa nchinthu chakutembeka.

Yoswa 9:24

Iwo pakwamuka Yoswa ŵanguti, “Chifukwa ifwe taŵateŵeti ŵinu tikuziŵiskika mu uneneska wose kuti Ambuya Chiuta winu wakulanguliya mteŵeti wake Mosese kumupaskani charu ichi chose, ndi kubwanganduwa wose ŵakuja mu charu paurongo pinu, viyo tingopa ukongwa kuti tifwe chifukwa chinu, sono tinguchita chinthu ichi.

Yoswa 6:21

Ndipo ŵangumara ndi lipanga wose ŵanthurumi ndi ŵanthukazi, ŵamana ndi ŵara, ng'ombe, mberere ndi zimbunda.

Yoswa 10:28

Pa zuŵa liya Yoswa wanguthereska Makeda, wanguwukoso ndi karonga wake ndi lipanga; wangumariya limu munthu yose wamwenimo, wengavi kusiyako kanthu; mo wanguchitiya ndi karonga waku Yeriko ndimo wanguchitiya ndi karonga ŵaku Makeda.

Yoswa 10:40

Viyo Yoswa wanguthereska charu chose, charu cha mitunthu ndi cha kumwela ndi charu cha chidika ndi vinkhwawu, ndi ŵakaronga ŵawo wose; wangubaya chamoyo chose, kwambura kusiyako kanthu, uli ndimo Ambuya Chiuta waku Yisraele wangulanguliya.