Marangu 2:29 - Tonga Bible 1986

²⁹ nge mbana ŵaku Esau wo ŵaja mu Seiri ndi ŵaMoabu wo ŵaja mu Ara, mpaka ndilowoke kusere charu cho Ambuya Chiuta widu watipaska.’

Marangu 2:29 Referans Kwoze

Maŵerengedu 20:18

Kweni Edomu wanguti, “Kuti mukaporotangamo cha vinu ndingamuziyani ndi lipanga kumikana namwe.”

Marangu 25:15

Mweso wakufikapo ndi wakwene ndiwo muŵenge nawo, alinga kuti mazuŵa ghinu gharutiriyenge mu charu chenicho Ambuya Chiuta winu wakupaskani.

Marangu 9:6

“Viyo ziŵani kuti Ambuya Chiuta winu wamupaskani charu ichi chamampha kuti muchironde, kuti nchifukwa cha urunji winu cha, pakuti ndimwe ŵanthu ŵanonono mtima.

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Marangu 4:21

Ndipo so Ambuya angundikwiyiya chifukwa chinu, ndi kurapa kuti ine ndambukenge cha Yordane, ndi kuti ndamuseremo cha mu charu chiya chamampha, chenicho Ambuya Chiuta winu wakupaskani kuŵa chihara chinu.

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Marangu 2:9

“Ndipo tingusoka ndi kwenda nthowa ya bozwa la Moabu. Penipo Ambuya anguti kwaku ine, ‘Mungaŵasuzganga ŵaMoabu, pamwenga kurwa nawo nkhondo, pakuti ndimupaskaningiko charu chawo cha kuti chiŵe chinu, chifukwa Ara ndapaska ŵana ŵaku Loti, chiŵenge chawo.’

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

Chiyambo 19:37

Waumwali wangupapa mwana munthurumi, ndi wangudana zina Moabu; ndiyo uskeu wa ŵaMoabu mpaka zuŵa lino.

Marangu 1:8

Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Marangu 23:5

Ndipuuli Ambuya Chiuta wangukana kumutegherezga Balamu: kweni Ambuya Chiuta winu wangumsanduskiyani thembu kuŵa thumbiku linu, chifukwa Ambuya Chiuta winu wangukwanjani.